Etibar Əsədli, arxiv şəkli

Məşhur azərbaycanlı Qarabağ müharibəsinin nəğməkar şəhidinə layihə həsr etdi

43
(Yenilənib 01:24 27.11.2020)
Fransada yaşayan Etibar Əsədli Azərbaycan ərazilərinin işğaldan azad edilməsi zamanı həlak olmuş Xudayar Yusifzadənin ifasını musiqi ilə müşayiət edib.

 

BAKI, 27 noyabr — Sputnik, Kəmalə Əliyeva. Sputnik Azərbaycan xəbər verir ki, məşhur azərbaycanlı caz ifaçısı Etibar Əsədli II Qarabağ müharibəsi zamanı gedən döyüşlərdə həlak olmuş şəhid Xudayar Yusifzadəyə layihə həsr edib.

Əsədli vətəndən uzaqda olmasına baxmayaraq, ruhən daim Azərbaycanın yanında olduğunu bildirib.

"İnternetdə sonradan şəhid olmuş Xudayar Yusifzadənin məşhur Azərbaycan mahnısını ifa etdiyi videonu görəndə onun xatirəsini əbədiləşdirmək üçün bir şey etmək qərarına gəldim. Mükəmməl səsə sahib idi. Çox təəssüf ki, bir daha onun səsini eşitməyəcəyik. Məhz bu video Xudayarın sonuncu ifası oldu", – deyə Əsədli bildirib.

Əsədli şəhidin ifasına musiqi müşayiəti yazaraq hazırladığı videonu öz YouTube kanalında paylaşıb.

Qeyd edək ki, Etibar Əsədli Üzeyir Hacıbəyov adına Bakı Musiqi Akademiyasının, eləcə də Didye Lokvud adına Caz Məktəbinin məzunudur. O, Asadli Pro adlı prodüser studiyasını yaradıb. Eyni zamanda, 2018-ci ildə Bakıda BMA və Azərbaycan Milli Konservatoriyasının birgə keçirdiyi "Eksperiment" təhsil layihəsinin müəllifi və ifaçısıdır. Bakıda və Fransada keçirilən bir çox caz festivallarında iştirak edib.

Hazırda Parisdə yaşayır.

43
Magistral yolda yeni geri dönmə hissə yaradılıb

İranla Azərbaycanı birləşdirəcək strateji yolla bağlı saziş imzalanıb

14
“Bununla həm məhsulların xarab olmasının və gecikmənin qarşısını almaq olar, həm də daha keyfiyyətli məhsul istehlakçıya çatar”.

BAKI, 18 yanvar - Sputnik. Azərbaycanın Baş Nazirinin müavini Şahin Mustafayev İran-Azərbaycan İqtisadi Komissiyasının iclasından sonra İranın Yol və şəhərsalma naziri Məhəmməd İslami ilə görüşüb. 

Sputnik Azərbaycan xəbər verir ki, görüşdə M.İslami Astara-Astara dəmiryolu vasitəsilə mübadilə həcminin 25% artdığını və bunun 2 ölkə arasında əlaqələrin inkişafının göstəricisi olduğunu bildirib.

M.İslami Tranzit məsələsinin önəmindən danışaraq bildirib ki, Azərbaycandan keçmək bizim üçün Şimal-Cənub dəhlizinin aktiv edilməsi üçün bir imkan idi və həmişə bu dəhlizdə magistral yolun fəal olmasını təkid etmişik. O əlavə edib ki, Astara sərhədində avtomobillər üçün yeni terminalın tikilməsini müzakirə etdik, çünki köhnə terminalın mübadilə üçün potensiyalı yoxdur:

“Bu səbəbdən sərhəddə yeni bir avtomobil körpüsünün tikilməsi haqqında razılıq əldə etdik. Bu körpünün tikintisi ilə Bakı-Astara magistral yolu Ərdəbil-Astara-Rəşt magistral yoluna birləşəcək. Gələn ay Astarada bu haqda saziş imzalanacaq və yeni terminalın və körpünün tikintisi üçün təməlqoyma mərasimi keçiriləcək”. 

İranlı nazir bildirib ki, müzakirə edilən digər önəmli məsələ İran şirkətlərinin yenidənqurma işlərində (Azərbaycanın işğaldan azad olunmuş ərazilərində) iştirakı, İran yük maşınlarının Azərbaycana apardıqları yükləri sərhəddə deyil, Azərbaycanda müvafiq məntəqəyə çatdırılması ilə bağlı müzakirə aparılıb: “Bununla həm məhsulların xarab olmasının və gecikmənin qarşısını almaq olar, həm də daha keyfiyyətli məhsul istehlakçıya çatar”.

14
Çörək istehsalı müəssisəsi

Müqəddəs neməti antisanitar şəraitdə bişirən sex aşkarlandı

7
(Yenilənib 22:15 18.01.2021)
Yoxlama zamanı AQTA müəssisədə sanitar-texniki və sanitar-gigiyenik tələblərin pozulduğunu aşkarlayıb.

BAKI, 18 yanvar — Sputnik. Azərbaycan Qida Təhlükəsizliyi Agentliyinin (AQTA) əməkdaşları Gəncə şəhəri, A.Səhhət küçəsi 28 ünvanında yerləşən, fiziki şəxs İbrahimova Səyyarə Oruc qızına məxsus çörək istehsalı müəssisəsinə baxış keçirib. AQTA-dan Sputnik Azərbaycan-a verilən məlumata görə, yoxlama zamanı müəssisədə sanitar-texniki və sanitar-gigiyenik tələblərin pozulduğu aşkarlanıb.

Belə ki, un məmulatlarının saxlanması zamanı texniki normativ hüquqi aktların tələblərinin gözlənilmədiyi, müəssisədə çalışan işçilərin tibbi müayinədən keçirilmədiyi, xüsusi geyim və baş örtüyündən istifadə edilmədiyi, emal prosesində istifadə olunan qabların təmizlənmədən antisanitar şəkildə istifadə edildiyi, havalandırma sisteminin quraşdırılmadığı müəyyən olunub.

Aşkar edilən nöqsanlarla bağlı çörək istehsalı müəssisəsinin fəaliyyəti məhdudlaşdırılıb və qanunvericiliyə uyğun olaraq müvafiq tədbirlər həyata keçirilib. AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini bundan sonra da davam etdirəcək və istehlakçı hüquqlarının pozulmasına yönəlmiş qanunsuz halların qarşısının alınması istiqamətində daim ən sərt tədbirlər həyata keçirəcək.

7
Teqlər:
AQTA
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0