Şuşa şəhərinin ətrafında dağılmış evlər, arxiv şəkli

Antonio Liaqre: Yüz əlli min ermənini düşünür, səkkiz yüz min azərbaycanlını isə unudurlar

321
(Yenilənib 09:03 10.11.2020)
Fransız Antonio Liaqre: "Sputnik İnformasiya Agentliyinin xəbərləri digər xəbər agentlikləri ilə müqayisədə reallığa daha gözəl güzgü tutur".

BAKI, 10 noyabr — Sputnik. Sentyabrın 27-dən etibarən Azərbaycan Ordusu Ermənistanın təxribatına və işğala son qoymaq üçün əks-hücum əməliyyatına başlayıb. Uğurlu əks-hücum əməliyyatı nəticəsində artıq yüzlərlə yaşayış məntəqəsi, o cümlədən Şuşa başda olmaqla 5 şəhər işğaldan azad olunub.

Azərbaycan bu gün mübarizəni yalnız döyüş meydanında deyil, diplomatik cəbhədə, siyasət meydanında da aparır. Bu həlledici, çətin günlərdə Azərbaycanın səsini xarici ölkələrdə yalnız orada yaşayan vətəndaşlarımız deyil, eyni zamanda xaricdə yaşayan, ürəyi Azərbaycanla, 3 rəngli bayrağımızla döyünən əcnəbilər də çatdırılar.

Sputnik Azərbaycan əcnəbilərin bu nəcib fəaliyyətindən bəhs edən növbəti məqaləsini oxucuların diqqətinə çatdırır.

Azərbaycanlı xanımla ailə quran və bu evlilikdən iki övladı olan İsveçrədə yaşayan fransız Antonio Liaqre ixtisasca kənd təsərrüfatı üzrə araşdırmaçı mütəxəssisdir. O, demək olar ki, Azərbaycanın cəbhə xəbərlərini mütəmadi olaraq izləyir. Onun izlədiyi xəbər agentlikləri arasında "Sputnik" BİA da var:

"İngilis dilində izlədiyim Sputnik İnformasiya Agentliyinin xəbərləri digər xəbər agentlikləri ilə müqayisədə reallığa daha gözəl güzgü tutur. Lakin bəzi əcnəbi, eyni zamanda da təsadüfi hesab ediləcək xəbər saytlarındakı məlumatlar məni çox təəccübləndirir. Bu gün azərbaycanlılar hələ də doğma torpaqlarının bir hissəsindən məhrum olublar. Bəzi xəbər saytları isə qeyd edir ki, hazırkı status-kvo hər bir əhalinin avtoderminasiya hüququna əsaslanır. Onlar qeyd edirlər ki, ermənilər Dağlıq Qarabağda üstünlüyə sahibdirlər. Qarabağ regionu və Dağlıq Qarabağ arasında mövcud qarışıq coğrafiyada ermənilərə üstünlük verirlər".

Liaqrenin sözlərinə görə, belə media orqanları sadəcə olaraq 150-200 mindən bəhs edir və digər 7 bölgədən didərgin düşən 800 min nəfəri unudurlar: "Ötən əsrin sonlarında 30 min Azərbaycan vətəndaşının öldürülməsinə səbəb olan etnik təmizləmədən heç bəhs etmirlər. Lakin müdaxiləmdən sonra "Reuters" etnik təmizləmə ilə bağlı bəzi düzəlişlər etdi. Beləcə, 7 məqalə silindi və bir jurnalist işdən çıxarıldı. Unutmaq lazım deyil ki, hər bir insanın öz vətənində yaşamaq haqqı var və bu haqq hər şeydən öndədir".

Həmsöhbətimiz ümumiyyətlə, bu hadisələrdə təsadüfü müdaxilənin müsbət nəticə verəcəyini düşünmür: "ATƏT-in Minsk qrupunun danışıqlarından narahatam. Burada neytral mövqeli üzv ölkənin təmsilçiliyinə ehtiyac var. Məsələn, Cənubi Koreya və Yaponiya kimi arbitrə. Ümumiyyətlə, niyə islam dünyası pis, xristian dünyası isə yaxşı olaraq qələmə verilir, bunu da anlaya bilmirəm".

İsveçrəli A.Liaqre Ermənistan-Azərbaycan münaqişəsinə kənar müdaxilələrin olmayacağına ümid edir.

Amerikanın Miçiqan ştatında doğulan, 20 yaşlı Matt Qarnet Azərbayan ordusunun uğurlu əməliyyatı münasibəti ilə xalqımızı təbrik edir: "Düşünürəm ki, bu əməliyyatlar Azərbaycan torpaqlarının tamamilə azad olunması ilə nəticələnəcək. Bütün günü Azərbaycanla bağlı xəbərləri izləyir və sizin, ordunuz üçün dualar edirəm. Azərbaycan sülh tərəfdarı olsa da, Ermənistan bu yolla torpaqları geri qaytarmadı".

"Aprel, bu ilin iyul və sentyabrdan başlayan hadisələrlə bağlı daimi olaraq sosial şəbəkələr üzərindən müxtəlif statuslar paylaşıram ki, dostlarım, digər əcnəbilər də Azərbaycana dəstək olsun və ölkənizlə bağlı dolğun, düzgün məlumat almış olsunlar. Qarabağ Azərbaycandır, mübahisəsiz olaraq da Azərbaycanın əzəli torpağıdır", - deyə Matt əlavə edir.

O bildirir ki, ABŞ-dakı Azərbaycan diasporu üçün ABŞ Konqresindəki nümayəndələrlə əlaqə qurmaq lazımdır: "Biz çoxlu telefon danışıqları aparmalı, elektron poçtlar vasitəsilə də əlaqələr qurmalıyıq. Elektron poçtlarımıza cavab verilənədək əl çəkməməliyik. Konqres üzvləri ilə toplantılar təşkil edə bilsək, bu, çox möhtəşəm olar. Bu dəqiqə biz erməni lobbisindən daha fəal olmalı, daha çox çalışmalıyıq. Digər ölkələrdəki diasporlar da eyni işi görməli, böyük əzm göstərməlidir. Azərbaycana görə güclü olmalıyıq! Biz qalib gələcəyik. Artıq böyük qələbəmiz gəlir. Azərbaycan bayrağını bütün Qarabağda sancmalıyıq".

321
Tibb işçiləri, arxiv şəkli

Göyçayda yaşadığı evi tərk edən COVID-19 xəstəsi saxlanılıb

3
(Yenilənib 13:13 28.11.2020)
Kürdəmir kənd sakini Nicat Babaşov COVID-19 virusuna yoluxduğu üçün ona ev şəraitində müalicə təyin edilib və qaydalar ona izah olunub.

BAKI, 28 noyabr — Sputnik. Göyçay Rayon Polis Şöbəsinin əməkdaşları rayon ərazisində yaşadığı evi qanunsuz olaraq tərk edən və ətrafdakı şəxslərə də bu virusun keçməsinə şərait yaradan aktiv koronavirus xəstəsi aşkarlayıblar.

Daxili İşlər Nazirliyinin (DİN) Mətbuat Xidmətindən Sputnik Azərbaycan-ın yerli bürosuna verilən məlumata görə, rayonun Kürdəmiş kənd sakini Nicat Babaşov COVID-19 virusuna yoluxduğu üçün ona ev şəraitində müalicə təyin edilib və qaydalar ona izah olunub. 

Lakin, N.Babaşov qaydalara əməl etməyərək yaşadığı evi tərk edib və virusun yayılmasına şərait yaradıb. Polis əməkdaşları tərəfindən onun olduğu ünvan müəyyən edilib və dərhal yaşadığı ünvana geri qaytarılıb.

 

 

3
Teqlər:
DİN, Göyçay rayonu, Göyçay rayonu, Göyçay, Koronavirus, epidemiya, COVID-19
Türkiyənin Vitse-prezidenti Fuad Oktay, arxiv şəkli

Türkiyə hərbçiləri ən qısa zamanda Azərbaycandakı vəzifələrini icra edəcəklər

15
(Yenilənib 12:54 28.11.2020)
Türkiyənin Vitse-prezidenti Fuat Oktay deyib ki, Azərbaycanın hüquq və mənafeyini bundan sonra da qorumaq üçün Türkiyə hərbçiləri qardaş ölkədəki vəzifələrini ən qısa zamanda icra edəcəklər.

BAKI, 28 noyabr — Sputnik. Türkiyə hərbçiləri ən qısa zamanda Azərbaycandakı vəzifələrini icra edəcəklər.

Sputnik Azərbaycan APA-ya istinadla xəbər verir ki, bu barədə Türkiyənin Vitse-prezidenti Fuat Oktay bildirib.

O deyib ki, Türkiyə Şərqi Aralıq Dənizi, Kipr və Liviya ilə bərabər, Qarabağ məsələsində də Azərbaycana qeyd-şərtsiz dəstək verməkdə davam edir:

"Qarabağdan işğalçı Ermənistanın qovulması Türkiyə-Azərbaycan dostluğunu meydanda da bütün dünyaya nümayiş etdirdi. 30 ildir Ermənistanın Qarabağdakı zülmünə, son hücumlar zamanı mülki əhalini və şəhərləri bombalamasına laqeyd qalmadıq, bu ədalətsizliklərə bəzi ölkələr kor və kar qaldığı halda biz bütün imkanlarımızla qardaş Azərbaycanın yanında olduq".

F. Oktay qeyd edib ki, Azərbaycanın hüquq və mənafeyini bundan sonra da qorumaq üçün Türkiyə hərbçiləri qardaş ölkədəki vəzifələrini ən qısa zamanda icra edəcəklər: "Bundan sonra da ədalət mübarizəsində qardaşlarımızın yanında olacağıq".

Xatırladaq ki, bir müddət əvvəl Türkiyə Prezidenti Rəcəb Tayyib Ərdoğanın imzası ilə TBMM-ə təqdim edilən Türkiyə hərbi qüvvələrinin Azərbaycana göndərilməsini dəstəkləyən qanun layihəsi qəbul edilib. Qanun layihəsinə görə, Türkiyə hərbçiləri 1 il müddətinə Dağlıq Qarabağdakı Rusiya-Türkiyə Birgə Monitorinq Mərkəzində fəaliyyət göstərəcəklər.

15
Teqlər:
Aralıq dənizi, Liviya, Şimali Kipr Türk Respublikası, Kipr problemi, Kipr, Dağlıq Qarabağ, Qarabağ, Azərbaycan, Türkiyə, Türkiyə Respublikasının Vitse-prezidenti Fuat Oktay
Şəhidin dəfni, arxiv şəkli

Şəhid ailələri müharibə əlilləri ilə bağlı tədbirlər planı hazırlandı

0
(Yenilənib 15:12 28.11.2020)
Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən məlumat verilib ki, həmin tədbirlər çərçivəsində onların məşğulluq imkanlarının da artırılması təmin olunacaq.

BAKI, 28 noyabr — Sputnik. Şəhid ailələri və müharibə əlillərinin məşğulluq imkanlarının artırılması üçün tədbirlər planı hazırlanıb. Bu barədə Sputnik Azərbaycan-a Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən məlumat verilib. Bildirilir ki, Plan işğaldan azad edilmiş ərazilərin, döyüş zonasına yaxın olmuş bölgələrin sakinlərini, erməni terrorundan zərər çəkmiş şəxsləri də əhatə edir.

Prezident İlham Əliyevin tapşırığına uyğun olaraq, Əmək və Əhalinin Sosial Müdafiəsi Nazirliyi möhtəşəm Qələbəmizlə başa çatan Vətən müharibəsində şəhid olan qəhrəmanlarımızın ailələrini, müharibə əlilləri və digər iştirakçılarını geniş sosial dəstək tədbirləri ilə əhatə edəcək. Həmin tədbirlər çərçivəsində onların məşğulluq imkanlarının da artırılması təmin olunacaq. Bu məqsədlə Tədbirlər Planı hazırlanıb.

Plan işğaldan azad edilmiş ərazilərin, döyüş zonasına yaxın olmuş bölgələrin sakinlərini, erməni terrorundan zərər çəkmiş şəxsləri də əhatə edir.

Tədbirlər Planında nəzərdə tutulur:

Şəhid ailələri, müharibə əlilləri və iştirakçılarının özünüməşğulluq proqramına qısa zamanda növbədənkənar cəlb edilməsi, onların istehsal-xidmət və kənd təsərrüfatı sahələri üzrə mal və materiallarla, avadanlıqlarla təmin edilməklə kiçik bizneslərinin yaradılması;

Döyüş zonasına yaxın olmuş bölgələrdə özünüməşğulluq proqramına cəlb olunan şəxslər üzrə kvotanın artırılması, proqram üzrə mal və materiallarla, avadanlıqlarla təminat işlərinin genişləndirilməsi;

Erməni terroru nəticəsində kiçik müəssisə və ailə təsərrüfatlarına ziyan dəymiş vətəndaşlara özünüməşğulluq proqramı çərçivəsində dəstəyin göstərilməsi;

Sosial iş yerlərində əməkhaqqının birgə maliyyələşdirilməsi proqramına şəhid ailələrinin, müharibə əlillərinin və iştirakçılarının növbədənkənar cəlb edilməsi, döyüş zonasına yaxın olmuş bölgələrdə bu proqram üzrə kvotaların artırılması;

Həssas qruplardan olanlar üçün nəzərdə tutulan kvotadan başqa, əlavə olaraq şəhid ailəsi üzvləri və müharibə əlilləri üçün iş yerləri yaradan işəgötürənlər üçün həmin iş yerləri üzrə əməkhaqqının 100%-dək maliyyələşdirilməsi layihəsinin hazırlanması və icrası və s.

0
Teqlər:
Ali Baş Komandan cənab İlham Əliyev, Azərbaycan prezidenti İlham Əliyev, İlham Əliyev, plan, şəhid ailələri, Əmək və Əhalinin Sosial Müdafiəsi Nazirliyi