Qarabağ Əlil Döyüşçüləri Federasiyasının komandası

Yaşıl sahənin adamı: "Gün gələcək, Şuşada Avropa çempionatı keçirəcəyik"

30
(Yenilənib 23:47 14.10.2020)
"Vətən uğrunda, Ali Baş Komandanımızın yolunda hər dəqiqə başımızı qoymağa hazırıq" - Rövşən Quliyev.

Nigar İsgəndərova, Sputnik Azərbaycan

BAKI, 15 oktyabr — Sputnik. "Cənab Prezident İlham Əliyev və ölkənin vitse-prezidenti Mehriban Əliyevanın sayəsində bu gün yaşıl meydanlarda oynayır, müxtəlif yarışlara qatılırıq. Bizim hazırda 100 nəfərdən ibarət oyunçumuz var. Komandamızda 22-53 yaşlı qazilər çıxış edir. Hətta onlar arasında birinin övladı bir neçə gün öncə Qarabağda şəhid olub".

Bu barədə Qarabağ Əlil Döyüşçüləri Futbol Federasiyasının (QƏDFF) təsisçisi və prezidenti, 2-ci qrup Qarabağ qazisi Rövşən Quliyev Sputnik Azərbaycan-a açıqlamasında deyib.

Əslən Şuşadan olan R.Quliyev deyir ki, 1988-1992-ci illərdə doğma şəhərində döyüşüb və orada qazi olub, indi də döyüşə getməyə hazırdır:

"Vətən uğrunda, Ali Baş Komandanımızın yolunda hər dəqiqə başımızı qoymağa hazır insanlarıq. Bu gün müharibə olsa da, biz yenə də yaşıl meydanlarda döyüşdəyik. Avropada ikinci yer tutub qayıtmaq nə deməkdir?! Bu, böyük qələbədir. Gün gələcək, biz Şuşamızda Avropa çempionatı keçirəcəyik".

O, "QƏDFF" olaraq qatıldıqları beynəlxalq yarışlardan da danışıb. Bildirib ki, komanda müxtəlif kuboklarda, eyni zamanda da Avropa kubokunda da çıxış edib. Oktyabrın 23-də isə Türkiyədə daha bir yarışa qatılacaqlar. 

Qeyd edək ki, QƏDFF 2018-ci ildə Azərbaycan Respublikası Ədliyyə Nazirliyində qeydiyyatdan keçib.

Federasiyanın tərkibində Abşeron, Sumqayıt, Gəncə, Kəpəz, Tovuz və Qazax amputant futbol komandaları yaradılmış  və hazırda onlar arasında respublika çempionatı keçirilir. Fəaliyyət göstərən komandaların tərkibindən milli komandamız formalaşdırılıb.

Qarabağ Əlil Döyüşçüləri Futbol Federasiyası Polşanın Varşava şəhərində Dünya Amputant Futbol Federasiyası və Avropa Amputant Futbol Federasiyasının təşkilatçılığı ilə martın 1-dən 3-dək keçirilən beynəlxalq konqresdə iştirak edib. Konqresdə dünyanın 20 ölkəsi təmsil olunub.

QƏDFF 2020-ci il sentyabrın 18-21-də Polşanın Varşava şəhərində keçirilən Avropa Amputant Futbol kubokunun final mərhələsində iştirak edib və Avropa 2-cisi kimi Vətənə qayıdıb.

30
Astarada həsir toxuyanlar

Qədimdən gələn ənənə: bir həsir, bir Məmmədnəsir olsaq da... - FOTO

11
(Yenilənib 20:42 16.01.2021)
Əvvəllər soyuducu olmayanda insanlar bütün qidalarını həsir zənbildə saxlayırdılar. Zənbil bütün qidaları keyfiyyətini pozmadan saxlaya bilir. İndi isə həsir başqa bir ehtiyaca görə mazata minib

İradə Cəlilova, Sputnik Azərbaycan

BAKI, 16 yanvar — Sputnik. Azərbaycanda bu ildən polietilen torbaların satışı qadağan edilir.

Yenidən dədə-babalarımızın daim istifadə etdiyi, qiyməti ucuz, keyfiyyəti yüksək, qamışdan hazırlanmış həsir zənbillər dəbə düşəcək.

  • Astarada həsir toxuyanlar
    © Sputnik / Irade JELIL
  • Astarada həsir toxuyanlar
    © Sputnik / Irade JELIL
  • Qamışdan həsir və zənbil toxuyan Rüfət Rzayev
    © Sputnik / Irade JELIL
1 / 3
© Sputnik / Irade JELIL
Astarada həsir toxuyanlar

Yadıma gəlir, hələ uşaq olanda Bakı kəndlərində bir çox evlərdə bu zənbillərdən istifadə edilirdi.

Evin kişisi bazarlığa gedəndə zənbili əlinə alıb, yola düşərdi.

Həsir zənbillərin istifadəsinə "Şərikli çörək", "Bizim Cəbiş müəllim" kimi filmlərdə də rast gəlmişik.

Ancaq müasirləşən dünyada həsir zənbillər tarixə qovuşmuşdu. Hamı onun sağlamlıq üçün təhlükəsiz, istifadə üçün uzunömürlü olduğunu belə unutmuşdu.

Həsir zənbillərin müxtəlif formalarından sadəcə dəb üçün istifadə edilirdi.

© Sputnik / Irade JELIL
Qamışdan həsir və zənbil toxuyan Rüfət Rzayev

Azərbaycanda həsir zənbillər cənub bölgəsində, xüsusilə də Astara rayonunda toxunsa da, alıcıları az idi. Düzdür, ABAD bu sənətkralara bacardığı qədər şərait yaratsa da, qeyd etdiyimiz kimi onların işinə o qədər də dəyər verən yox idi.

Sputnik Azərbaycan həsir zənbil toxuyan sənətkarla görüşmək üçün Astara rayonunun Kakalos kəndinə üz tutub.

Qamışdan həsir və zənbil toxuyan Rüfət Rzayev Kakalos kənd Mədəniyyət evində metodist vəzifəsində çalışır. Bakıdan gələcəyimizi bilib, havanın yağışlı olmasına baxmayaraq, bizi həyətdə gözləyən, mehriban, səmimi, ürəkləri sözlə dolu olan sənətkarlarla görüşüb, işləri ilə tanış oluruq.

İlk həmsöhbətimiz, Kakalos kəndinin canlı tarixi Fərbiyə Şabanova olur (onun haqqında digər yazıda ətraflı danışacağıq). F.Şabanova bizə kəndin tarixindən danışır. Tarix muzeyi ilə, gördüyü işlərlə tanış edir.

© Sputnik / Irade JELIL
Həsir

Həsir və zənbillərin ustası Rüfət Rzayev isə bizə bu sənət haqqında məlumat verir. Onun sözlərinə görə, müasir dünya həsir zənbilləri qəbul etməsə də, bu sənətlə də maraqlananlar az olmayıb.

R.Rzayev özü 1995-ci ildən bu işlə məşğul olur. Deyir ki, iş çətin olsa da, gətirdiyi gəlir o qədər də çox olmur:

"Əvvəllər soyuducu olmayanda insanlar bütün qidalarını zənbildə saxlayırdılar. Yəni zənbillər bütün qidaları keyfiyyətini pozmadan saxlaya bilir. Zənbillər qamışdan hörülür. Qamış isə iki cür olur. Onlar "lığ" və "püzə" adlanır. Əsasən onları may ayında toplayırıq. Sonra quruduruq və həsir, zənbil, asılqan, süfrə, ayaqaltı və s. hörürük".

R.Rzayevin sözlərinə görə, zənbillər ölçülərinə görə müxtəlif qiymətlərə satılır. Kiçik ölçülü zənbillər 3, böyüklər isə 10-15 manata satılır.

Həsir zənbil ustası deyir ki, cənub bölgəsi qış aylarında nəmişlik, rütubət olduğu üçün xüsusi qamışdan hazırlanmış həsir döşəməyə salınır. Bu isə rütubətin qarşısını alır.

"Zənbil keşidən toxunur. Televizora baxa-baxa keşini toxuyuram. 5-6 metr hazırlayıram. Sonra zənbili toxumaq asan olur. Məsələn, bir balaca zənbili bir saata toxuya bilirəm. Böyük zənbillər isə bir günə hazır olur", - deyən R Rzayev bildirir ki, gənclər qamış toxuculuğuna maraq göstərirlər, amma qazanclı olmadığı üçün çoxu bu işlə məşğul olmur.

© Sputnik / Irade JELIL
Qamışdan həsir və zənbil toxuyan Rüfət Rzayev

Ustanın sözlərinə görə, həsir palazların toxunması bir qədər çox zaman alır. Məsələn 1,5 metrlik həsirlər 2-3 günə başa gəlir və müxtəlif qiymətlərə satılır.

Rüfət Rzayev, demək olar ki, bu sənətin ustadıdır. O, mədəniyyət evində təkcə həsirçiliklə məşğul olmur, bəzən tamaşalarda da rol alır. Dediyinə görə, onun tamaşaları əsasən talış dilində olur və bu tamaşalara talışlar çox maraqla baxırlar.

Ömrünün 68-ci ilini yaşayan Rüfət Rzayev bundan sonra yaşayacağı həyatı öz sənətinə həsr edəcəyini deyir.

11
Mövzu:
Sözlə deyə bilmədiklərimizin izharı - sənət
Könül Kərimova

İzləyiciləri müğənnini sərt tənqid etdilər - "Üzünüzdə təbiilik yoxdur"

12
(Yenilənib 21:09 16.01.2021)
Videoda saçını və makiyajını nümayiş etdirən müğənninin görüntülərini izləyiciləri birmənalı qarşılamayaraq, son zamanlar özündə etdiyi dəyişikliyi onun yaşına uyğun hesab etməyiblər

 

BAKI, 16 yanvar — Sputnik. Əməkdar artist Könül Kərimova "Instagram" hesabında yeni video paylaşıb. Sputnik Azərbaycan xəbər verir ki, videoda saçını və makiyajını nümayiş etdirən müğənninin görüntülərini izləyiciləri birmənalı qarşılamayıblar. Belə ki, son zamanlar özündə etdiyi dəyişikliyi izləyiciləri müğənninin yaşına uyğun hesab etməyərək çoxsaylı rəylər yazıblar.

İzləyicilər "Məncə, gözəl görünmürsünüz. Üzünüzdə təbiilik yoxdur. Kuklaya oxşayırsınız", "Gözəl deməzdim, amma gözəl görünmək üçün dəridən-qabıqdan çıxmısınız" sözlərini yazıblar.

12
Teqlər:
video, izləyici, Könül Kərimova
Bankada dollarlar, arxiv şəkli

Financial Times: "Dolları taxtdan salacaqlar"

0
(Yenilənib 22:13 16.01.2021)
"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq" - Avrokomissiyadakı mənbə

BAKI, 16 yanvar - Sputnik. Avropa Şurası dünya bazarında "dolların ağalığının" həddi aşdığını bəyan edəcək. 

Sputnik Azərbaycan bildirir ki, bu barədə Financial Times Avropa Komissiyasındakı mənbələrinə istinadən yazıb. 

Qəzetin məlumatına görə, AŞ bu məsələni ABŞ-ın yeni prezidenti Co Baydenin yanvarın 20-də planlaşdırılan inauqurasiyasından əvvəl qaldırmaq istəyir. Avropa Komissiyasının layihəsinin yanvarın 19-da qəbul ediləcəyi gözlənilir, həmçinin ona əlavələrin ediləcəyi də istisna olunmur. 

FT əlavə edir ki, layihədə ABŞ Prezidenti Donald Trampın İrana qarşı tətbiq etdiyi məhdudlaşdırma tədbirlərindən sonra Avropa ölkələrinin müəyyən çətinlik çəkdiyi qeyd olunur. Sənəddə bazarların "qeyri-qanuni eksterritorial tətbiqin nəticələrindən" qorunmasının vacibliyi vurğulanır. 

"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq. Söhbət AŞ-nın dünyadakı yerindən, ölçülərimizə müvafiq olan iqtisadi və maliyyə dövlətinin imkanlarından gedir", - mənbələrdən biri deyib.

0
Teqlər:
"The Financial Times", Avropa Komissiyası, Avropa Şurası, dollar