Masallıda gəncləri hərbi xidmətə yola saldılar

Övladımı vətənə qurban demişəm - Masallı gənc sakinlərini döyüşə yolladı

532
(Yenilənib 22:17 02.10.2020)
Masallıda Azərbaycan Silahlı Qüvvələrinə həqiqi hərbi xidmətə çağrılan gənclərin yola salınma mərasimi keçirildi. 

Rahim Muradov, Sputnik Azərbaycan

BAKI, 2 oktyabr — Sputnik. Masallıda gəncləri təntənəli şəkildə milli ordu siralarına yola salıblar.

Sputnik Azərbaycan-ın bölgə müxbirinin verdiyi xəbərə görə, bu gün Səfərbərlik və Hərbi Xidmətə Çağırış üzrə Dövlət Xidmətinin Masallı Rayon Şöbəsinin həyətində baş tutan mərasimdə, gənclərin həqiqi hərbi xidmətə yola salınması izdihamla qeyd edilib. Son günlər ordumuzun cəbhədə əldə etdiyi uğurlar hərbi xidmətə gedən gənclərdə böyük ruh yüksəkliyi yaradıb. Çağırışçı Murad Nağıyev ordumuzun tarix yazdığını deyib:

"Mən fəxr edirəm ki, Şanlı Azərbaycan Ordusunda qulluq etməyə gedirəm. İnşallah, torpaqlarımızı azad edəcəyik. Qarabağ Azərbaycanındır! Yaşasın Azərbaycan əsgəri!"
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
  • Masallıda gəncləri hərbi xidmətə yola saldılar
    © Sputnik / Rahim Murad
1 / 9
© Sputnik / Rahim Murad
Masallıda gəncləri hərbi xidmətə yola saldılar

Masallı sakini Şəmsəddin Nəsirov da öz növbəsində oğlunu böyük ruh yüksəkliyi ilə hərbi xidmətə yola saldığını bildirib:

"Bütün Azərbaycan xalqını salamlayıram. Burada Hərbi Xidmətə gedənlərin hamısı mənim övladımdır. Ali Baş Komandana inanıram, qələbə bizimlə olacaq!"

Balaxanım Həsənova müzəffər ordumuzun torpaqlarımızın işğaldan azad olunmasında, yeni çağrılan əsgərlərimizin də şücaət göstərəcəklərinə əminliyini ifadə edib:

"Mən bir ana kimi oğlumu hərbi xidmətə yola salıram. Bütün analar kimi, mən də bununla qürur duyuram. O gün olsun, qələbə ilə qayıtsınlar. Allah hərbçilərimizi qorusun! Qarabağ bizimdir! İnşallah, sevinəcəyik."

Oğlunu orduya yola salan valideynlərdən biri isə, "bu mənim övladımdır, onu da vətənə qurban demişəm" deyə bildirib.   

Mərasimin sonunda Masallı çağırışçıları Azərbaycan Respublikasının Dövlət Bayrağını öpərək onun altından keçib ordu sıralarına yola düşüblər. 

532

İki gün əvvəl ordudan tərxis olunan könüllü əsgər ölüb

24
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

24
Qəza, arxiv şəkli

Cəlilabadda ağır yol qəzası olub, ölən yaralananlar var

15
Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir. Ölən və yaralananların şəxsiyyəti dəqiqləşdirilir.

BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.

"Report"un məlumatına görə, qəza axşam saatlarında rayonun Alar kəndi ərazisində qeydə alınıb.

İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

15