Sərhədlərimiz etibarlı əllərdədir - Sərhəd zastavasında bir gün

121
(Yenilənib 10:40 20.08.2020)
Sərhədçilər üçün yaradılan şərait standartlara tam uyğun görünürdü: zastava daimi isti su ilə təchiz edilib,  təmizliyə ciddi riayət olunur, yataq otaqları və yeməkxana nəzərəçarpacaq dərəcədə səliqəlidir.

Leyla Abdullayeva, Sputnik Azərbaycan

BAKI, 19 avqust – Sputnik. Dünən - 18 avqust sərhədçilərin peşə bayramı idi. Biz də onların həyat tərzini öyrənmək üçün Qusar rayonunda yerləşən  ucqar dağ massivində - dəniz səviyyəsindən 1600 metr  hündürlükdə yerləşən sərhəd zastavasına üz tutduq.

Zastavanın ucqarda, gözdən-üzdən uzaq yerdə yerləşməsinə baxmayaraq, buradakı nizam-intizam ilk baxışdan diqqətimizi cəlb elədi. Sərhədçilər üçün yaradılan şərait də standartlara tam uyğun görünürdü: zastava daimi isti su ilə təchiz edilib,  təmizliyə ciddi riayət olunur, yataq otaqları və yeməkxana nəzərəçarpacaq dərəcədə səliqəlidir.

© Sputnik / Leyla Abdullayeva
Sərhədçilər vaxtaşırı olaraq biliklərini də zənginləşdirirlər

Burada əsgərlərlə rəhbərlik arasında subardinasiya və ciddiyyət qorunur. Bununla yanaşı, səmimi mühit də diqqətimizdən yayınmır. Burada əsgərlər və zabitlər mehriban ailə kimi yaşayır.

Əsgərlər atlar və itlərlə keşiyini çəkdikləri əraziləri dolaşır, binoklla ətrafı və uzaq məsafələri diqqətlə nəzərdən keçirirlər.

Hərbi dərs və təlimdən sonra əsgərlərin hamısı bir nəfər kimi əllərini yuyub nahar masasına otururlar. Menyuda plov və sousdur. Yeməklər kənardan ləzzətli görünür. Ümumiyyətlə, sözügedən zastavada söhbətləşdiyimiz əsgərlər yeməklərin dadı və keyfiyyətindən razıdırlar. “Anamın bişirdiyi yeməyin dadını verməsə də, buradakı yeməklər də ləzzətli və doyumlu olur”, - deyə əsgərlərdən biri bildirir. Bir başqa əsgərə görə isə, buradakı yeməklər evdəki yeməkdən fərqlənmir, bəzənsə, hətta evdəkindən daha yaxşı olur.

Pandemiya dövrü olduğundan, əsgər görüşləri və məzuniyyətlər müvəqqəti olaraq təxirə salınıb. Bunun psixoloji baxımdan əsgərlərə necə təsir etdiyini öyrənməyə çalışırıq. Komandirlərinin icazəsi ilə əsgərlərlə söhbətləşdik. Onlar heç nədən narahat olmadıqlarını, ailələri üçün darıxsalar da, bunun müvəqqəti çətinlik olduğunu bildiklərini söylədilər.

Əsgərlərlə söhbətdən belə qənaətə gəldik ki, burada onlara kifayət qədər yaxşı hərbi təlim keçilir, üstəlik, vətənpərvərlik hissi aşılanır. Ümumi təəssüratımız isə belədir: Sərhədlərimiz etibarlı əllərdədir.

Ötən gün Azərbaycan Sərhəd Mühafizəsinin yaradılmasının 101-ci ildönümü tamam oldu. Milli sərhəd mühafizəsi ənənələrini yaşadan və inkişaf etdirən Dövlət Sərhəd Xidməti keçmişinə ehtiram bəsləyir və gələcəyə böyük inamla hərəkət edir.

18 avqust 1919-cu il tarixində Azərbaycan Xalq Cümhuriyyətinin parlamenti ölkənin sərhədlərinin mühafizəsi haqqında qanun qəbul edib. Qanuna əsasən, Xalq Cümhuriyyəti Hərbi Nazirliyinin tərkibində Azərbaycanın ilk Sərhəd Qoşunları dəstəsi yaradılıb.

Sovet dövründə Sərhəd Qoşunları Dövlət Təhlükəsizlik Komitəsinin strukturu kimi mövcud olub. Azərbaycan müstəqilliyini bərpa edəndən sonra sərhəd xidməti bir müddət Milli Təhlükəsizlik Nazirliyinin tərkibində fəaliyyət göstərib.

Ümummili lider Heydər Əliyevin 2002-ci il 31 iyul tarixli fərmanı ilə Milli Təhlükəsizlik Nazirliyinin Sərhəd Qoşunları İdarəsinin əsasında Dövlət Sərhəd Xidməti yaradılıb. Dövlət Sərhəd Xidmətinin yaradılması Azərbaycan sərhədçilərinə olan inamın bariz göstəricisi idi. 

Prezident Heydər Əliyevin 2000-ci il 16 avqust tarixli Sərəncamı ilə 18 avqust hər il sərhədçilərin peşə bayramı günü kimi qeyd olunur.

Prezident İlham Əliyevin bu sahəyə daimi diqqət və qayğısı nəticəsində dövlət sərhədinin mühafizəsi sahəsi müasir texniki vasitələrlə təchiz olunub və orada qulluq edən əsgər və zabitlərin xidmət şəraiti yaxşılaşdırılıb.

121
Bank işçiləri, arxiv şəkli

Əhalinin banklardakı əmanətləri azalıb

1
(Yenilənib 21:24 27.10.2020)
Əhalinin banklardakı əmanətləri son bir ayda 40,2 milyon manat, ilin əvvəli ilə müqayisədə 803,7 milyon manat azalıb

BAKI, 27 oktyabr — Sputnik. Oktyabrın 1-nə əhalinin banklardakı əmanətləri 7 milyard 834,2 milyon manat təşkil edib.

Sputnik Azərbaycan Azərbaycan Mərkəzi Bankına (AMB) istinadla xəbər verir ki, əhalinin banklardakı əmanətləri son bir ayda 40,2 milyon manat (0,5%), ilin əvvəli ilə müqayisədə 803,7 milyon manat (9,3%) azalıb.

Bu göstərici ötən ilin müvafiq dövrü ilə müqayisədə 771,1 milyon manat (9%) azalma deməkdir.

1
Tibbi sığorta

Əmək Məcəlləsinə tibbi sığorta ilə bağlı yeni maddə əlavə edilir

7
(Yenilənib 20:33 27.10.2020)
Əmək Məcəlləsinə yeni maddə əlavə edilir. Yeni maddəyə əsasən, əmək müqaviləsində işçinin icbari tibbi sığortalanması barədə müvafiq məlumatlar mütləq göstərilməlidir

Xalid Məmmədov, Sputnik Azərbaycan

BAKI, 27 oktyabr — Sputnik. Milli Məclisin bu gün keçirilən plenar iclasında Əmək Məcəlləsinə dəyişiklik müzakirə edilib.

Sputnik Azərbaycan-ın məlumatına görə, Əmək Məcəlləsinə yeni maddənin - "Maddə 307-1. İşçilərin icbari tibbi sığortası" əlavə edilməsi təklif olunur.

Yeni maddəyə əsasən, işəgötürən "Tibbi sığorta haqqında" Azərbaycan Respublikasının Qanunu ilə müəyyən olunmuş qaydada hər bir işçinin icbari tibbi sığortalanmasını təmin etməlidir. Əmək müqaviləsində işçinin icbari tibbi sığortalanması barədə müvafiq məlumatlar mütləq göstərilməlidir.

Qanun layihəsi müzakirələrdən sonra səsə qoyularaq birinci oxunuşda qəbul edilib.

7
Əlaqədar
Gözünüz arxada qalmasın: Hərbiyə çağırılanların əməkhaqqı qanunauyğun şəkildə ödəniləcək
Tikinti meydançaları ölüm bazasına çevrilib, işçinin həyatı heç kəsi maraqlandırmır
Uşaq evindən ailələrə - yüksək müavinətlərin sirri açıqlandı
Nazirlik kimlərin cərimələri ödəməkdən azad ediləcəyini açıqladı