BAKI, 17 avqust - Sputnik. Azərbaycan Respublikasının Prezidenti İlham Əliyevin sərəncamı ilə Eldar Həsənov səfir vəzifəsindən geri çağırılıb. Bu barədə Sputnik Azərbaycan AZƏRTAC-a istinadən xəbər verir.
Sərəncamda deyilir:
"Azərbaycan Respublikası Konstitusiyasının 109-cu maddəsinin 15-ci bəndini rəhbər tutaraq qərara alıram:
Eldar Hümbət oğlu Həsənov iqamətgahı Belqrad şəhərində olmaqla Azərbaycan Respublikasının Serbiya Respublikasında, Monteneqroda və Bosniya və Herseqovinada fövqəladə və səlahiyyətli səfiri vəzifələrindən geri çağırılsın".
Prezidentin digər sərəncamı ilə Dursun Ayvaz oğlu Həsənov Azərbaycan Respublikasının Gürcüstanda fövqəladə və səlahiyyətli səfiri vəzifəsindən geri çağırılıb.
