Hövsan qəsəbəsi ərazisində Xəzər dənizinin ekoloji vəziyyəti

Azərbaycanın tullantı sularında COVID-19 varmı: "Azərsu" bu sualın qarşısında aciz qalıb

699
(Yenilənib 14:02 20.07.2020)
"Azərsu" ASC-nin suyun tərkibində koronavirusun olub-olmadığını yoxlamaq imkanı yoxdur. Çünki qurum bunun üçün lazım olan aparata malik deyil.

Nigar İsgəndərova, Sputnik Azərbaycan

BAKI, 20 iyul — Sputnik. İtaliya yeni pandemiya dalğasını təsbit etmək üçün tullantı suları analiz edəcək.

İtaliyanın Səhiyyə Nazirliyinin nəzdində olan Yüksək Səhiyyə İnstitutu bu aydan başlayaraq turizm bölgələrində, oktyabrdan etibarən isə bütün ölkə ərazisində tullantı suları analiz ediləcəyini bildirib. Bu üsulla virusun yayılmağa başladığı bölgələrdə erkən mərhələdə vəziyyət təsbit ediləcək.

2019-cu ilin oktyabrından 2020-ci ilin fevralınadək İtaliyada aparılan araşdırmalar nəticəsində, tullantı sularda COVID-19-un olduğu müəyyən edilib. Bundan iki ay sonra isə İtaliyada ilk yoluxma faktı qeydə alınıb. Son rəqəmlərə görə, hazırda İtaliyada koronavirusdan dünyasını dəyişənlərin sayı 34 min 914, ümumi yoluxma sayı isə 242 min 149 olub.

Bəs, Azərbaycanın tullantı sularında vəziyyət necədir?

"Azərsu" ASC-dən Sputnik Azərbaycan-a bildirilib ki, onlar suyun toplanması, təmizlənməsi və yenidən dənizə buraxılması ilə məşğul olmaqla yanaşı, bir sıra analizlər də aparırlar. Lakin qurumun suyun tərkibində koronavirusun olub-olmadığını yoxlamaq imkanı yoxdur. Çünki "Azərsu"da bunun üçün lazım olan aparat mövcud deyil.

Xatırladaq ki, İtaliya ilə yanaşı Almaniya da suların tərkibində COVID-19 virusunun ola biləcəyi ehtimalını irəli sürmüşdü.

Parisə mənzərə, arxiv şəkli
© AFP 2020 / ERIC FEFERBERG

Tibb sahəsi üzrə ekspert Adil Qeybulla Sputnik Azərbaycan-a bu barədə açıqlamasında deyib ki, Almaniya içməli sulardan da ehtiyatlı olmaq lazım gəldiyi barədə xəbərdarlıq edib.

"Bu gün xarici ölkələrin əksəriyyətində su krandan içməli vəziyyətində istehlaka verilir. Lakin bununla yanaşı, aparılmış tədqiqatlar krandan su içməyin də riskli olduğunu göstərdi", - deyən ekspert, suyun bakterioloji tərkibinə diqqət yetirməyin zəruri olduğunu qeyd edib:

"Suyun bakterial çirklənməsi anlayışı var. Bu zaman suya müxtəlif mikroblar, bakteriyalar qarışmış olur. Suda COVID-19-un aşkarlanması isə insan ifrazatlarına bağlıdır. İfrazat kanalizasiya vasitəsilə axıdıldığından, çirkab sularda COVID-19-un tapılması mümkündür. Düşünürəm ki, kanalizasiya sularının dezinfeksiya edilməsi istiqamətində də hansısa işlər aparılmalıdır".

699
Moskvada Gəncənin atəşə tutulması nəticəsində həlak olanlara xatirə lövhəsi

Erməni terrorunun qurbanları dünyanın dörd bir yanında anıldı

2
(Yenilənib 21:54 20.10.2020)
Dünyanın bir çox ölkələrində Ermənistan ordusunun Gəncə şəhərində törətdiyi təxribata etiraz əlaməti olaraq aksiya keçirilib.

Şahpəri Abbasova, Sputnik Azərbaycan

BAKI, 20 oktyabr — Sputnik. Dünyanın bir çox ölkələrində Ermənistan ordusunun Gəncə şəhərində törətdiyi təxribata etiraz əlaməti olaraq aksiya keçirilib. Sputnik Azərbaycan xəbər verir ki, "Çex Respublikasında Azərbaycan İcması" təşkilatının təşəbbüsü ilə Ermənistan ordusunun Gəncə şəhərində törətdiyi təxribata etiraz əlaməti olaraq aksiya keçirilib. Çexiya ictimaiyyətinin diqqətini vandalizm aktlarına yönəltmək üçün soydaşlarımız təsirli bir vasitədən - rəmzi məna daşıyan sahibsiz ayaqqabılardan və oyuncaqlardan istifadə ediblər. Soydaşlarımız hər bir insanı Azərbaycanın haqq səsini eşitməyə və vandalizm aktlarına biganə qalmamağa səsləyiblər. Soydaşlarımızın təşkil etdikləri aksiyada Praqa sakinləri azərbaycanlı şəhid uşaqların "sahibsiz ayaqqabıları"na şahidlik ediblər. Bundan başqa, "Sarı gəlin" mahnısının sədaları altında yekunlaşan aksiyanın sonunda soydaşlarımız meydanı tərk edib, meydanda sahibsiz ayaqqabılar, yanan şamlar və gəlinciklər qalıb.

Yunanıstanda da oktyabr ayının 16-dan 17-nə keçən gecə Gəncədə baş vermiş terrorun qurbanları anılıb.

Estoniyanın Tallin şəhərində Azərbaycan Evinin binası önündə Gəncə hadisələrini əks etdirən xatirə guşəsi yaradılıb.

İspaniyanın Madrid şəhərində, Macarıstanın Budapeşt şəhərində, Özbəkistanın Daşkənd şəhərində, Misirin Qahirə şəhərində, Rusiyanın Moskva şəhərində, İsveçrənin Bern şəhərində, Tacikistanın Düşənbə şəhərində, Litvanın Vilnüs şəhəridə, Böyük Britaniyanın London şəhərində, Çinin paytaxtı Pekində də dəhşətli gecənin qurbanları anılıb.

2
Əlaqədar
“Qızımın vəziyyətinin necə olduğunu hələ də bilmirəm” – Gəncə faciəsinin qurbanı
Türk ulduzları Gəncə terroruna səssiz qalmayıblar
Dünya azərbaycanlıları Gəncə terroru barədə dünyaya car çəkib
Gəncə terrorunda gözlərini itirən Pərvin - "O, bir daha balalarını görə bilməyəcək"
Gəncə istiqamətində Ermənistanın PUA-sı məhv edildi
Zəngilan rayonu

Zəngilan şəhəri 27 il sonra - quş uçuşundan

11
(Yenilənib 21:30 20.10.2020)
Azərkosmos" işğaldan azad edilən Zəngilan şəhərinin peyk görüntüsünü paylaşıb: Zəngilanın təbiəti, tarixi abidələri ermənilər tərəfindən məhv edilib.

BAKI, 20 oktyabr — Sputnik. "Azərkosmos" işğaldan azad edilən Zəngilan şəhərinin peyk görüntüsünü paylaşıb.

Sputnik Azərbaycan-ın məlumatına görə, görüntü peyk operatorunun Facebook səhifəsində dərc olunub. "Azərkosmos" bu barədə yazıb:

"Ali Baş Komandan İlham Əliyev bu gün yeni zəfər müjdəsi verdi. Zəngilan şəhəri 27 ildən sonra düşmənin işğalından azad olundu. Zəngilan şəhərinin "Azersky" peykindən bu gün çəkilmiş təsvirini sizinlə bölüşürük. Zəngilan rayonunda dünyanın nadir təbiət incilərindən olan çinar ağacları ilə zəngin Bəsitçay Dövlət təbiət qoruğu bu illər ərzində ermənilər tərəfindən vəhşicəsinə dağıdılıb və talan edilib. İşğalçıların ekologiyaya etdiyi dağıdıcı təsir nəticəsində bölgənin flora və faunasına ciddi ziyan dəyib".

"Azərkosmos" həmçinin qeyd edib ki, Zəngilan rayonunun ərazisində orta əsrlərə aid və öz memarlıq üslubuna görə seçilən səkkizguşəli Yəhya ibn Məhəmməd türbəsi də təəssüf ki, işğalçıların dağıtdığı tarixi mədəniyyət abidələrimiz sırasındadır. Bu gün ölkəmizin uğurlu siyasəti və qüdrətli ordusu illərdir səbirsizliklə gözlədiyimiz torpaqlarımızın azad olunması xəbərləri ilə xalqımızı sevindirir, tezliklə tam qələbə çalmağımıza inamımızı daha da artırır.

Biz zəfər çalacağıq! Biz qalib gələcəyik! Qarabağ Azərbaycandır!

11