Neftçalada insanlar su qabların kranın başına qoyublar

Qaragünlü neft rayonu: Neftçalanın min dərdi var idi, biri üstünə gəlib

1464
Əvvəllər rayon ərazisində balıqartırma zavodları olub, bəzi sakinlər burada çalışaraq dolanırmış. İndi zavodlar bağlanıb və bu, insanların yaşayışına mənfi təsir göstərir.

İradə Cəlilova, Sputnik Azərbaycan

BAKI, 4 iyul — Sputnik. "Xəzri küləkləri zamanı Xəzərin suyu Kürün suyuna qarışardı. Amma bu bir gün və ya bir neçə saat davam edərdi. İndi baş verən nəsə qəribə hadisədir. Belə uzun müddətli hadisə indiyədək olmamışdı".

Bu sözləri son günlər Kür çayının suyunun çəkilməsi barədə Sputnik Azərbaycan-a danışan Neftçala rayonu, Mayak kəndinin sakini deyib.

Qeyd edək ki, son günlər Kür çayı ətrafında yaranmış problemlərdən ən çox ziyan çəkən rayonlardan biri də 80 yaşlı Neftçaladır. Neftçala Bakıdan 140 kilometr uzaqlıqda yerləşir. Rayonun 48 kəndi var. Ancaq rayon əhalisi daha çox Xıllı, Bankə, Həsənabad kəndlərində məskunlaşıb.

© Sputnik / Irade JELIL
Neftçala rayonu Bakıdan 140 kilometr uzaqlıqda yerləşir

Salyan rayonunda Kürün üzərindəki körpüdən keçərkən, çayın suyunun xeyli azaldığı, kənarlarının susuzluqdan çat-çat olduğu müşahidə edilir. Onsuz da problemlərinin sayı-hesabı olmayan neftçalalılar, son günlər bir də susuzluqla üzləşiblər. Rayon sakinlərinin dediyinə görə, ən çox işsizlik, sosial yardımları ala bilməmək və su problemindən əziyyət çəkirlər.

Tarixçi Namiq Nəsirovun sözlərinə görə, qədim mənbələrdə Kür çayının mənsəbində (indiki Mayak kəndi ərazisi) parfiyalılara aid bir şəhər olub. Araşdırmalar zamanı şəhərin aşkar edilən qalıqları hazırda Şirvan milli parkının muzeyində saxlanılır.

© Sputnik / Irade JELIL
Neftçala rayonunda Kür çayına mənzərə. Son aylar Azərbaycanın ən böyük çayında suyun səviyyəsi kəskin azalıb.

Tarixçi bildirir ki, rayona bu ad neft yataqları ilə zəngin olduğu üçün verilib. Neft yataqları ötən əsrin əvvələrində aşkar edilib və bununla əlaqədar olaraq, fəhlələrin yaşaması üçün Trest və Qəsəbə adlı böyük yaşayış məntəqələri salınıb. Hazırda bu məntəqələr birləşdirilib və Mayak adlandırılır:

"Tarixi mənbələrə görə, Neftçala ərazisində neft qədim zamanlardan olub. Məsələn, ərəb coğrafiyaşünas 930-cu ildə yolunu buralardan saldıqdan sonra "Yollar və ölkələr" adlı kitab yazıb. Kitabda qeyd edib ki, Bakıda və Muğanda neft yataqları var. Həmin vaxtlar sakinlər nefti möcüzə hesab edir, sağlamlıqları üçün istifadə edirlərmiş".

Ancaq Neftçalada neft qazıntılarına 1840-cı illərdə başlanılıb. Bu gün isə Neftçala əhalisi əsasən heyvandarlıqla dolanır.

© Sputnik / Irade JELIL
Neftçalada heyvandarlıq təsərrüfatı

Kənd sakini Əlfağa Hüseynov danışır ki, Naftçalaya əvvəllər el arasında "nöyütxana" deyirlərmiş: "Rayonun müxtəlif adları olub. Boyat, Çala, Pirətavan deyiblər. Neftçala adı 52-ci ildə verilib, əvvəllər Xanqışlağı da deyiblər. Şirvan xanlığı dövründə (1747-1820) indiki rayon ərazisi Salyan mahalının tərkibində olub.", - deyə rayon sakini bildirib.

Ə.Hüseynovun sözlərinə görə, Kürün mənsəbi Neftçala rayonunun "Mayak" kəndindədir. Burada Kür Xəzərə tökülür. Hazırda Kürün səviyyəsi aşağı endiyi üçün Xəzər Kürə qarışıb.

Kənd sakini deyir ki, belə hadisələr ara-sıra baş verirmiş:

"Xəzri küləkləri zamanı Xəzərin suyu Kürün suyuna qarışardı. Amma bu bir gün və ya bir neçə saat davam edərdi. İndi baş verən nəsə qəribə hadisədir. Belə uzun müddətli hadisə indiyədək olmamışdı", -deyə kənd sakini bildirir.

© Sputnik / Irade JELIL
Kür çayının suyu Xəzərin suyu ilə qarışıb

Rayon sakinlərinin sözlərinə görə, əvvəllər rayon ərazisində balıqartırma zavodları olub. Bəzi sakinlər elə bu zavodlarda çalışaraq dolanırmış. İndi zavodlar da bağlanıb. Bu da onların yaşayışına mənfi təsir göstərir. Elə ailələr var ki, çox çətinliklə dolanır.

Neftçala rayonunun iqlimi yarımsəhra, quru çöllükdür. Qeyd edək ki, Şirvan Milli Parkının bir hissəsi Neftçala ərazisinə düşür.

Neftçala şəhər mərkəzi kiçikdir. Yollar isə ötən illərə nisbətən daha yaxşıdır. Bəzi yollar təmir edilib. Yol kənarları yaşıllıq olmasa da, ötən illərdəki kimi kələ-kötür, çala-çuxur deyil.

© Sputnik / Irade JELIL
Neftçalada Kürün üzərindən körpü

Yol kənarında müxtəlif kənd təsərrüfatı məhsulları satan alverçilərə, susuz qalmış iribuynuzlu mal-qaraya rast gəlmək mümkündür. Yeri gəlmişkən, Neftçaladakı kafelərdə qiymətlər münasibdir. Adam az gəldiyi üçün xidmət səviyyəsi də qaneedicidir. Neftçala deyəndə istər-istəməz yada balıq yeməkləri düşsə də, kafelərdə yaxşı balıq tapmaq olmur.

1464

MN: Ermənistan dərk etməlidir ki, bərpa edilən sərhədlər münaqişə zonası deyil

2
(Yenilənib 20:14 27.10.2020)
"Azərbaycan öz ərazilərini təhdid edən istənilən legitim hədəfləri yerləşdiyi ərazidən asılı olmayaraq məhv etmək hüququna malikdir"

BAKI, 27 oktyabr - Sputnik. “Ötən sutka ərzində düşmən humanitar atəşkəs rejimini dəfələrlə pozub”.

Sputnik Azərbaycan APA-ya istinadən bildirir ki, bunu bu gün Azərbaycan Respublikasında akkreditə olunmuş xarici hərbi attaşelərə və beynəlxalq təşkilatların (BMT, Aİ, BQXK) ölkəmizdəki nümayəndələri üçün keçirilən brifinqdə Müdafiə Nazirliyi Mətbuat Xidmətinin mətbuat katibi, polkovnik-leytenant Anar Eyvazov bildirib.

A.Eyvazov deyib ki, Azərbaycan yeni humanitar atəşkəs rejiminə riayət edir: “Ordumuz düşmənin təxribatları ilə əlaqədar yalnız adekvat tədbirlər görür. Ermənistan vəziyyəti gərginləşdirməyə hesablanmış təxribatçı hərəkətlərə son qoymalıdır. Ermənistan dərk etməlidir ki, bərpa edilən sərhədlər münaqişə zonası deyil, dövlət sərhədinin toxunulmazlığı təmin edilməlidir. Azərbaycan öz ərazilərini təhdid edən istənilən legitim hədəfləri yerləşdiyi ərazidən asılı olmayaraq məhv etmək hüququna malikdir”.

2
Teqlər:
adekvat cavab, Azərbaycan Müdafiə Nazirliyi, Azərbaycan Ordusu, Atəşkəsin pozulması, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
İlham Əliyev: "İşğalçı siyasətdən imtina etsələr, barışıq mümkündür"
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Şeyxdən II Qareginə irad: "Uşaqları hərbi savaşa çağırması..."
Erməni qüvvələrinin açdıqları atəşdən sonra Bərdədə vəziyyət

Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman

1
(Yenilənib 20:05 27.10.2020)
"Təəssüflər olsun ki, Ermənistanın qeyri-insani hərəkətlərdən çəkindirilməsi istiqamətində nüfuzlu beynəlxalq təşkilatlar tərəfindən ciddi ölçü götürülməməsi onları daha da azğınlaşdırır və yeni cinayət əməlləri törətməyə sövq edir"

BAKI, 27 oktyabr - Sputnik. Ermənistan silahlı qüvvələri 26 oktyabr 2020-ci il tarixdə saat 08:00-dan etibarən elan edilmiş humanitar atəşkəs rejiminin tələblərini növbəti dəfə pozaraq və müharibə cinayətlərini davam etdirərək Bərdə rayonunu müxtəlif istiqamətlərdən intensiv raket və ağır artilleriyadan atəşə tutmuşlar. Nəticədə mülki əhalidən 4 nəfər həlak olub, 13 nəfər isə yaralanıb. Həlak olanlar və yaralananlar içərisində uşaqlar da var. Dağıntılar altında hələ də çoxlu insan qaldığından bu rəqəmlər hər an arta bilər. 

Sputnik Azərbaycan bildirir ki, bu barədə ombudsman Səbinə Əliyevanın mətbuata açıqlamasında deyilir.
Vurğulanır ki, mülki insanlara qarşı törədilən bu terror bir daha onu göstərir ki, işğalçı Ermənistan beynəlxalq hüququn norma və prinsiplərinin, beynəlxalq humanitar hüquq normalarının, xüsusilə də Cenevrə Konvensiyalarının, eləcə də Müharibə zamanı mülki əhalinin müdafiəsi haqqında 1949-cu il 12 avqust tarixli Konvensiyanın, habelə BMT-nin Uşaq Hüquqları Konvensiyasının və insan hüquqları sahəsində digər sənədlərin müvafiq müddəalarını kobud şəkildə pozmaqla öz təcavüzkar siyasətindən, sülh və insanlıq əleyhinə yönəlmiş müharibə və terror cinayətləri törətməkdən hələ də əl çəkmir.
Təəssüflər olsun ki, Ermənistanın qeyri-insani hərəkətlərdən çəkindirilməsi istiqamətində nüfuzlu beynəlxalq təşkilatlar tərəfindən ciddi ölçü götürülməməsi onları daha da azğınlaşdırır və yeni cinayət əməlləri törətməyə sövq edir.

Dünya ictimaiyyəti səsimizə səs verərək Ermənistan tərəfindən törədilən son dərəcədə qəddar, amansız və qeyri-insani hadisələrə laqeyd qalmamalı, beynəlxalq müharibə cinayətlərinə yol vermiş işğalçı Ermənistan dövlətindən beynəlxalq hüquq normalarına və BMT Nizamnaməsinin tələblərinə əməl etməyi, mülki əhalinin həyat və sağlamlığı üçün ciddi təhlükə yaradan cinayətkar əməllərdən çəkinməyi, Ermənistan silahlı qüvvələrinin işğal etdikləri Azərbaycan ərazilərindən qeyd-şərtsiz çıxmalarını, dinc əhalinin qətlə yetirilməsində təqsirkar olan şəxslərin cəzalandırılması ilə bağlı təsirli tədbirlər görülməsini tələb etməlidir.

1
Teqlər:
ombudsman, erməni təxribatı, Ermənistan-Azərbaycan, Dağlıq Qarabağ münaqişəsi, ölənlər və yaralılar, dinc sakinlər, raket zərbələri, atəş, Bərdə
Mövzu:
Azərbaycan və Ermənistan arasında müharibə
Əlaqədar
Bərdədə erməni təxribatından ölənlərdən biri 7 yaşlı uşaqdır
Ermənilərin Bərdəni atəşə tutması nəticəsində ölənlərin sayı artdı
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Bərdə atəşə tutuldu, ölənlər var - YENİLƏNİB - FOTO