AZAL-dan verilən məlumata görə, ölkəyə gələn bütün sərnişinlər mütləq qaydada karantinə yerləşdiriliblər
BAKI, 19 may — Sputnik. Azərbaycanın milli aviadaşıyıcısı bu gün Berlindən Bakıya çarter reysi yerinə yetirib.
"Azərbaycan Hava Yolları" QSC-nin mətbuat xidmətindən Sputnik Azərbaycan-a verilən məlumata görə, həmin reyslə 188 nəfər Azərbaycan vətəndaşı çatdırılıb. Ölkəyə gələn bütün sərnişinlər mütləq qaydada karantinə yerləşdiriliblər.
Berlindən Bakıya çarter reysi ilə gələn sərnişinlər
Qeyd edək ki, həmyerlilərimizin vətənə çatdırılması üçün çarter reysləri AZAL tərəfindən Azərbaycan Respublikasının Nazirlər Kabineti yanında Operativ Qərargahın müəyyən etdiyi plana uyğun həyata keçirilir.
