Brüsseldə Şərq Tərəfdaşlığı ölkələrinin sammiti, arxiv şəkli

Köhnə qitəyə vizasız gedə bilərik, amma öncə istixana qazları, rəqəmsal iqtisadiyyat və...

1426
(Yenilənib 14:23 12.05.2020)
Avropa İttifaqı Şurası "Şərq Tərəfdaşlığı"nın 2020-ci ildən sonrakı siyasətinə dair təsdiqlədiyi sənəddə ən çox yeni element iqtisadiyyata və ətraf mühitə aiddir

Eldar Tanrıverdiyev, Sputnik Azərbaycan

BAKI, 12 may — Sputnik. Avropa İttifaqı Şurası Avropa İttifaqı (Aİ) və Azərbaycan arasında yeni çərçivə sazişi haqqında aparılan danışıqlarda irəliləyişi alqışlayır. Sputnik Azərbaycan xəbər verir ki, bu fikirlər Avropa İttifaqı Şurasının "Şərq Tərəfdaşlığı"nın 2020-ci ildən sonrakı siyasətinə dair təsdiqlədiyi qərarda yer alıb.

Şura tərəfindən təsdiqlənən sənəd Avropa İttifaqının Şərq Tərəfdaşlığı Proqramına daxil olan ölkələrə münasibətdə rəsmi mövqeyidir.

Sənəddə həmçinin qeyd olunur ki, yalnız müəyyən şərtlər həyata keçirildiyi təqdirdə Avropa İttifaqı Şərq Tərəfdaşlığı ölkələri ilə vizasız rejim haqqında danışıqlara başlayacaq.

Xatırladaq ki, Avropa İttifaqına qısamüddətli səfərlər üçün Şərq Tərəfdaşlığı ölkələrindən üçü – Gürcüstan, Moldova, Ukrayna vətəndaşları vizasız səfər edə bilirlər. Azərbaycan, Ermənistan və Belarus vətəndaşları üçün isə viza tələb olunur.

"Avropa İttifaqına səfər etmək üçün vətəndaşlarından viza tələb olunan digər ölkələrlə viza rejiminin liberallaşdırılmasına dair danışıqlar şərtlər imkan verəcəyi təqdirdə baş tutacaq", - deyə sənəddə qeyd olunur.

Bu şərtlər siyahısına mövcud səfər rejiminə riayət edilməsi, viza rejiminin sadələşdirilməsi və readmissiya haqqında razılaşmaların qənaətbəxş şəkildə yerinə yetirilməsi daxildir.

Sənədə əsasən, 2020-ci ildən sonra Şərq Tərəfdaşlığı proqramının praktiki məqsədi yenə də islahatlar olacaq. Avropa İttifaqı Şurası qeyd edir ki, islahatların həyata keçirilməsi proqrama üzv ölkələrin öz əllərindədir, lakin qurum "adekvat maliyyə və ekspert dəstəyi" verməklə bu səyləri dəstəkləməyə hazırdır.

Avropa İttifaqı Şurası "Şərq Tərəfdaşlığı"nın 2020-ci ildən sonrakı siyasətinə dair təsdiqlədiyi sənəddə daha çox iqtisadiyyata və ətraf mühitin qorunmasına dair müddəalara yer verilib.

Diqqət çəkilən əsas sektorlardan biri rəqəmsal iqtisadiyyatdır. Avropa İttifaqı Şurası qarşısına 6 postsovet ölkəsini birləşdirərək vahid rəqəmsal bazarın üstünlüklərini artırmaq məqsədi qoyub.

Avropa İttifaqı, həmçinin Şərq Tərəfdaşlığı ölkələrinə İqlim dəyişikliyi üzrə Paris razılaşmasının öhdəliklərini həyata keçirməyə, həmçinin atmosferə buraxılan istixana qazlarının azaldılması üçün bu ölkələrin iqtisadiyyatlarını modernləşdirməyə yardım etməyə hazırdır.

Qeyd edək ki, "Şərq Tərəfdaşlığı" proqramı Avropa İttifaqı tərəfindən 2009-cu ildə başladılıb. Onun əsas məqsədi altı ölkə - Azərbaycan, Belarus, Ermənistan, Gürcüstan, Moldova və Ukrayna ilə regional əməkdaşlığın inkişaf etdirilməsidir.

1426
Əlaqədar
“ASAN Viza” vasitəsilə vizaların rəsmiləşdirilməsini dayandırdı
90 günlük viza, Naxçıvana qatar... Ərdoğanın Bakıya səfərinin nəticələri
Rusiya viza verilişini dayandırdı
Postsovet Birliyi 2020-də: yeni başlanğıc, yoxsa gözləməyə davam
Hər kəs qapıları bağlayır, Türkiyə açır
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı
 Türkiyə ordusuna məxsus Bayraqdar PUA-sı, arxiv şəkli

Rusiya Qarabağa görə yeni PUA yaradır

30
(Yenilənib 23:25 05.12.2020)
"Uzun mənzilli radar patrulu üçün pilotsuz bir helikopter" "kiçik və aşağı sürətli düşmən pilotsuz təyyarələrini aşağı və son dərəcə aşağı yüksəkliklərdə" izləmək və "onlara hərbi hava hücumundan müdafiə zenit-raket sistemlərini hədəf almaq" üçün nəzərdə tutulub

BAKI, 5 dekabr — Sputnik. Noyabr ayında Rusiya müəssisələri "son yerli qarşıdurmaların təcrübəsinin təhlilini" nəzərə alaraq, düşmən pilotsuz təyyarələri ilə mübarizə aparmaq üçün hazırlanmış pilotsuz uçuş aparatı (PUA) yaratmağa başlayıb.

Sputnik Azərbaycan Rusiya mətbuatına  istinadla xəbər verir ki, məlumata görə, "uzun mənzilli radar patrulu üçün pilotsuz bir helikopter" "kiçik və aşağı sürətli düşmən pilotsuz təyyarələrini aşağı və son dərəcə aşağı yüksəkliklərdə" izləmək və "onlara hərbi hava hücumundan müdafiə zenit-raket sistemlərini hədəf almaq" üçün nəzərdə tutulub.

Silahın qısa müddətdə yaradılacağı qeyd edilir.

Xatırladaq ki, noyabr ayında Strateji və Texnologiyaların Təhlili Mərkəzinin (CAST) direktor müavini Konstantin Makienko Qarabağdakı son münaqişəni şərh edərkən Rusiyanın məğlub tərəf olduğunu qeyd edərək bildirib ki, Ukrayna Silahlı Qüvvələri də Rusiyanın sahib olmadığı üçüncü nəsil tank əleyhinə raket sistemləri və kamikadze dronlarına sahibdir.

30
Teqlər:
Azərbaycan, Qarabağ, istehsal, Rusiya, PUA
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq