Dəmir yolu, arxiv şəkli

Ağlayaq, yoxsa gülək: Dəmir yolu körpülərə giriş-çıxış bağlansın?

688
(Yenilənib 17:02 22.10.2019)
“Əhalinin az olduğu yerlərdə bunu tətbiq etməyə ehtiyac yoxdur, bütün yolu hasarlamaq da absurddur və mümkün deyil”

İradə Cəlilova, Sputnik Azərbaycan

BAKI, 22 oktyabr — Sputnik. “Dünyada intiharların təxminən 80 faizi aşağı və orta gəlirli ölkələrdə baş verir. İnsanlar həyatlarına son qoymaq üçün ən müxtəlif yollar seçirlər. İntiharların qarşısının alınması üçün körpülər və dəmir yollarına çıxış məhdudlaşdırılmalıdır”.

Bu barədə Ümumdünya Səhiyyə Təşkilatının (ÜST) Azərbaycan üzrə rəhbəri Hande Harmancı deyib.

Təəssüflə qeyd etmək lazımdır ki, intihar halları Azərbaycandan da yan keçmir. Bəs, dəmir yolları və körpülərə çıxışın məhdudlaşdırılması intihar hallarının qarşısını alacaqmı? Ümumiyyətlə, belə bir məhdudiyyət mümkündürmü?

Sputnik Azərbaycan bu məsələni araşdırmağa çalışıb.

Nəqliyyat eksperti Elməddin Muradlı bildirib ki, dünyanın bir çox ölkələrində dəmir yolları dəmir məhəccərlə hasarlanıb. Yəni vətəndaşların bu yollara girişi qadağandır: "Amma bunu əhalinin sıxlıq təşkil etdiyi yerlərdə tətbiq etmək olar. Əhalinin az olduğu yerlərdə bunu tətbiq etməyə ehtiyac yoxdur, bütün yolu hasarlamaq da absurddur və mümkün deyil".

E.Muradlı qeyd edib ki, hamısını olmasa da, bəzi körpülərə dəmir torlar çəkmək mümkündür.

Məsələ ilə bağlı Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli bildirib ki, Hande Harmancının bəyanatı gülməlidir. Belə ki, edilən təklif intiharların qarşısının alınmasında heç bir rol oynaya bilməz: "Həyatına son qoymaq istəyən bunu hər yerdə edə bilər. Tıxacda körpünün üstündə sərnişinin halı pisləşib, həkim gəlməlidir, piyada körpüyə qalxmalıdır. Körpüyə piyada üçün çıxış bağlı olsa, bu necə olacaq? Körpülərə giriş-çıxış açıq olmalıdır. Bu dünyanın hər yerində belədir. Körpülərə çıxış bağlansa, qəza, fövqəladə hadisə, yanğın və s. zamanı körpüyə necə qalxıb-düşmək olacaq? Gərək o zaman körpülərin giriş-çıxışına nəzarətçi də qoyulsun".

A.Nəcəfli bildirib ki, ümumiyyətlə səslənən fikir düzgün fikir deyil. İntiharların qarşısını almaq üçün başqa təkliflər verilməlidir.

"Azərbaycan Dəmir Yolları" Qapalı Səhmdar Cəmiyyətinin Mətbuat katibliyi şöbəsinin rəisi Natəvan Bayramova məsələ ilə bağlı bildirib ki, dəmir yolu nəqliyyatı ölkə nəqliyyat sisteminin əsas qollarından olan strateji sahələrdən biridir: "İntihar hadisələri isə arzuolunmaz haldır. Açıqlanmış rəsmi rəqəmlərə əsasən ölkəmizdə intihar halları digər ölkələrlə müqayisədə azdır. 

Onu da qeyd etməliyəm ki, ölkəmizdə intiharların qarşısını almaq üçün insanlar arasında maarifləndirmə işləri son illərdə daha da geniş şəkildə aparılır. Təbii ki, bu cür halların ümumiyyətlə baş verməməsini istərdik.

Dəmir yollarının mühafizəsi bu qurumun tərkibində fəaliyyət göstərən təşkilat tərəfindən yetərincə yaxşı təşkil olunur. Onu da qeyd edək ki, Azərbaycan dəmir yolunda hərəkətin sıx olduğu baş yolların açılmış uzunluğu 2898,9 kilometr təşkil edir. Bu yollar da, əsasən, bütün ölkə boyu əhalinin sıx məskunlaşdığı ərazilərdən keçir. Diqqətinizə çatdırmaq istərdim ki, stansiyalararası mənzillərin ətraflarında əhali sıx məskunlaşıb. Xüsusi təhlükəli zonalarda dəmiryolçular tərəfindən çəpərləmə işləri həyata keçirilir. Bütün dəmir yolu boyu mühafizə şəbəkəsi yaratmaq məsələsi isə gündəmdə deyil".

688
Füzuli rayonunda dağıdılmış məscid, arxiv şəkli

Ermənilər daha bir məscidimizi tövləyə çeviriblər - VİDEO

2
(Yenilənib 14:31 26.11.2020)
Anar Kərimov: "Kaş ki Fransa Senatı birtərəfli və son dərəcə siyasiləşdirilmiş qərarlar qəbul etmək əvəzinə, gəlib ermənilərin Qarabağ ərazilərində nə etdiklərinə baxardılar. Füzuli rayonunda XIX əsrə aid olan Merdinli kənd məscidi tövləyə çevrilib".

BAKI, 26 noyabr — Sputnik. Mədəniyyət nazirinin birinci müavini, Mədəniyyət nazirinin vəzifələrini icra edən Anar Kərimov ermənilərin işğal zamanı daha bir məscidimizə qarşı etdiyi vandalizm hərəkətləri barədə yazıb. Sputnik Azərbaycan xəbər verir ki, o, bu barədə "Twitter" hesabında paylaşım edib.

"Kaş ki Fransa Senatı birtərəfli və son dərəcə siyasiləşdirilmiş qərarlar qəbul etmək əvəzinə, gəlib ermənilərin Qarabağ ərazilərində nə etdiklərinə baxardılar. Füzuli rayonunda XIX əsrə aid olan Merdinli kənd məscidi tövləyə çevrilib".

Kadrlardan məsciddə karikatura çəkilməsini görmək mümkündür.

2
Teqlər:
video, erməni vandalizmi, tövlə, məscid, Füzuli
Mövzu:
Azərbaycan və Ermənistan arasında müharibə
Ağdamda Cümə məscidi, arxiv şəkli

Xalq artisti Ağdamda azan səsləndirib - VİDEO

6
(Yenilənib 14:14 26.11.2020)
Bundan başqa, 27 ildən sonra doğma torpağına ayaq basan xalq artisti sənət yoldaşı Təyyar Bayramovla "Qarabağ" mahnısını da ifa ediblər

BAKI, 26 noyabr — Sputnik. Əslən Ağdamdan olan Xalq artisti Mənsum İbrahimov öz doğma torpağına səfər edib. Ağdam məscidini ziyarət edən Xalq artisti orada azan səsləndirib.

Bundan başqa, 27 ildən sonra doğma torpağına ayaq basan xalq artisti sənət yoldaşı Təyyar Bayramovla "Qarabağ" mahnısını da ifa ediblər.

6
Teqlər:
Cümə məscidi, Mənsum İbrahimov, xalq artisti, azan, Ağdam