Bakıda tikinti, arxiv şəkli

Bakının dərdi var, Bakı xəstədir...Paytaxtı necə xilas etməli?

811
(Yenilənib 12:48 21.10.2019)
Əmlak eksperti Elnur Fərzəliyevin sözlərinə görə, tikinti sənayesinin inkişafı ölkə iqtisadiyyatı üçün faydalı olsa da, müəyyən həllolunmaz problemlərə də gətirib çıxarır.

İradə Cəlilova, Sputnik Azərbaycan

BAKI, 12 oktyabr — Sputnik. Texnogen, antropogen fəaliyyət, həmçinin fiziki təsirlər nəticəsində atmosferə küllü miqdarda çirkləndirici xüsusiyyətə malik tullantılar atılır. Nəticədə insan sağlamlığına və bioloji varlıqların yaşam tərzinə təsir edən təhlükələr yaranır.

Tikintilərin gündən-günə artması, əhali axını, avtomobillərin sıxlığı paytaxtda atmosfer havasnın çirklənməsinə səbəb olur.

İlham Əliyevin sədrliyi ilə Nazirlər Kabinetinin 2018-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib
© Official website of President of Azerbaijan Republic

Mütəxəssislərin fikrincə, belə davam edərsə, Bakının aqibəti heç yaxşı olmayacaq. Vəziyyətdən çıxış isə, şəhərin genişləndirilməsidir.

Sputnik Azərbaycan Bakının vəziyyətini araşdırıb.

Əmlak eksperti Elnur Fərzəliyevin sözlərinə görə, tikinti sənayesinin inkişafı ölkə iqtisadiyyatı üçün faydalı olsa da, müəyyən həllolunmaz problemlərə də gətirib çıxarır.

"Bakı şəhərində güclü sıxlıq müşahidə edilir. Avtomobil sıxlığı, yaşayış binalarının bir-birinə sıxlığı var. Qaydalara görə, bir bina ilə digər binanın arasında məsafə həmin binanın hündürülüyü və yarısı qədər olmalıdır. Əksər yerlərdə bu normativlərə əməl olunmur. Normativlərə görə, 1 hektarlıq ərazidə 400-420 nəfər yaşaya bilər. Və bu bir hektar ərazidə avtomobil dayanacağı, yaşıllıq və s. yerləşdirilmılidir. Ancaq bugün görürük ki, 1 hektarda 2-3, bəzən 4 bina tikilir. Hər binada 400-500 yaşayış mənzili olur. Bu da insan sıxlığına, binalarln bir-birinə yaxın olmasına, yaşıllıqların və avtoparkların olmamasına gətirib çıxarır. Sovet dövründə binların yaxınlığında avtomobillər üçün dayanacaqlar olurdu. Bu gün həmin dayanacaqlar çoxmərtəbəli binalarla əvəz olunub. Bu gün həmin avtoparklar sökülüb yerində böyük binalar tikilib".

Ərazidə avtomobil dayanacağı yerləşdirilməlidir
©Karikatura
Ərazidə avtomobil dayanacağı yerləşdirilməlidir

Ekspert deyib ki, bəzən yeni binanı köhnə tikiliyə o qədər yaxın tikirlər ki, sonra köhnə binanı söküb yenisi ilə əvəz etmək çətin olur. Çünki ara məsafələr qorunmur.

"Ara məsafələr qorunmadığı, böyük avtoparklar olmadığı üçün yol kənarı olan ticarət mərkəzləri, xəstəxanalara gəlın şəxslər avtomobillərini yol kənarında saxlamağa məxbur olurlar. Bu da böyük sıxlığa səbəb olur. Təxmini satatistikaya görə Bakı şəhərində 600 mindən çox avtomobil var. Belə bir sual çıxır ortaya - bu qədər avtomobil üçün avtodayanacaq nəzərdə tutulubmu? Təbii ki xeyr. Eyni zamanda Bakıya müxtəlif bölgələrdən insanlar gəlir. Sıxlıq yaranır. Bunun üçün çəhəri genişləndirmək lazımdır. Və tikintilırin qarşısı alınmalıdır" - deyə vurğulayan ekspert qeyd edib ki, vəziyyət belə davam edərsə, insanlarimiz üçün çox ciddi problemlər yaranacaq.

Ekoloq Cəmşid Quliyevin sözlərinə görə, regionlardan şəhərə axın heç də torpaq sürüşmələrini sürətləndirən yeganə amil deyil. Düzdür, bu tipli proseslərə insan sıxlığının təsiri var: "Əhali sıxlığının başqa ekoloji problemlərə də təsiri var. Bura atmosfer çirkliliyi, ətraf mühitin çirklənməsi və. Misal göstərmək olar".

Ekoloqun sözlərinə əsasən, torpaq sürüşmələrinin daha önəmli səbəbləri var. Əslində tikintilərin yerləri öncədən torpaqşünaslar tərəfindən müəyyən edilməli və konkret qurumların bu barədə rəyi olmalıdır.

"Hər bir maddi substansiya kimi torpaqlarında gücünün müəyyən həddi var. Hətta kənd təyinatlı torpaqlar üçün hər hektara düşən mal-qara sayı konkret həddə qədər olmalıdır. Bu həddi aşdıqda torpaqlar həddən artıq yüklənmiş hesab edilir. Bu da torpaq eroziyalarına gətirib çıxarır" - deyə o bildirib.

C. Quliyev əlavə edib ki, torpaqların əhali sıxlığı ilə yüklənməsi bur cür problemlərin yaranmasına gətirib çıxarır.

"Lakin bu güclü bir amil deyil. Burada əsas səbəb tikintilərdir. Torpaqların nəmlik əmsalı, torpağı nəmləndirən mənbələr, yaxınlıqdakı su hövzələri, axıntılar torpaqşünaslar tərəfindən müəyyənləşdirilməlidir. Bundan sonra orada tikintilərə icazə verilməlidir. Bu bir qayda olaraq qəbul edilməli və torpaq mütəxəssisləri məsləhətləşmə aparılmalıdır. Və yaxud da tikinti şirkətləri məsuliyyəti öz boynuna götürməlidir" - deyə o vurğulayıb.

811
Beyrutda partlayış, arxiv şəkli

Çənədəki maska, Beyrut, nüvə silahı millətin imicini "yuyan" dovşan qanı

7
(Yenilənib 19:38 10.08.2020)
Təəssüf ki, bütün dünyanın nüvə silahından imtina edəcəyinə dair ümidlərin gerçəkliyə çevriləcəyi real görünmür...

BAKI, 10 avqust — Sputnik. 7x7 ötən həftənin ən yaddaqalan hadisələrini şərh edir

Optimallaşdırma

Ötən həftə dövlət müəssisələrinin ayıbları üzə çıxdı. Koronavirusla mübarizə sahəsində görülən tədbirlər və sosial-iqtisadi vəziyyətlə bağlı videoformatda müşavirədə məlum oldu ki, dövlət şirkətlərinin əksəriyyəti nəinki büdcəyə gəlir gətirmir, ağır yük kimi dövlət onları belində daşıyır.

Müşavirədən bir gün sonra dövlət başçısının sərəncamı ilə yaradılan “Azərbaycan İnvestisiya Holdinqi” indi büdcədə “oturan” şirkətlərin xərclərinin optimallaşdırılması, izafi xərclərin qarşısının alınması funksiyasını yerinə yetirəcək. Yəni asfalt çəkib, sonra qazıb altından qalan “lopatka”nı çıxarmaq dövrü geridə qalır... 

Nazirlər Kabineti, arxiv şəkli
© Official website of President of Azerbaijan Republic

Yumşaltdıqca yumşalır

Ötən həftə karantin rejimi bir qədər də yumşaldıldı. Əksər bağlı müəssisə və obyektlər artıq iş başına qayıdır. Əlbəttə, bu, sevindiricidir. Aylardır, çətinliklə üzləşən, gəlirindəm məhrum olan xeyli insan yenidən işinə qayıdır. Bəli, dövlət bu dövr ərzində sosial paketlərlə vəziyyəti yüngülləşdirdi, vətəndaşına dəstək oldu. Ancaq iqtisadiyyatın hazırkı resessiyası dövlətin rezervlərinə də təsir edir, belə vəziyyət uzunmüddətli ola bilməz. İndi bizim üzərimizə nə düşür? Cəmi 3 nəsnəyə  - sosial məsafə, maska və gigiyenik vasitələrdən istifadə etməklə xəstələnməmək və yoluxdurmamaqla arzuolunmaz vəziyyətə qayıtmamaq. Yenidən evdə qalmaq istəmiriksə, cəmi 3 şərtə dəqiqliklə əməl etməliyik – məsələn, maskanı çənəmizə yox, nəzərdə tutulmuş nahiyələri ötrməklə taxmalıyıq.

Saxta dərmanlar

Mütəxəssislər xəbərdarlıq edirlər ki, ölkəmizdə aptek şəbəkələrindən kənarda fəaliyyət göstərən bir qrup dərman ticarəti fırıldaqçılarının aktivliyi yenidən artıb. Azərbaycan Tibb Universitetinin dosenti Fuad İslamzadə deyib ki, ən yaxşı halda heç bir müalicəvi təsiri olmayan və hətta insan orqanizminə zərərli ola biləcək preparatları uydurma "alimlərin" adlarından geniş reklam edirlər.

Sərhəddə saxlanılan dərman preparatları
© The State Customs Committee of AR.

Bu həftə dərman həftəsidir, deyəsən - Qırmızı Körpü gömrük postunda ölkəyə gizli şəkildə keçirilmək istənilən dərman preparatları aşkarlanıb.

İşbazlar bazardakı tələbatı yaxşı izləyirlər və onları yalnız alver maraqlandırır. Səhihliyi təsdiqlənmədiyi üçün firmanın adını qeyd etmədən, bir hadisəni təəssüflə xatırlamalı oluram: Bir neçə il öncə dərman firmalarından birinin rəhbəri Almaniyada məşhur dərman istehsalçısının zavoduna gedərək, xahiş edir ki, dərmanın ən vacib və ən bahalı komponentini onun içərisindən çıxararaq xüsusi olaraq onun üçün ucuz qiymətə istehsal etsinlər. Təbii ki, “nemes”lər işbazı qapının kandarından qovurlar.

Görün, koronavirus əleyhinə vaksin çıxsa, bizi hansı hoqqalar gözləyir.

Onlayn narkotik bazarı

Sosial izolyasiya və qapanma tədbirlərindən irəli gələrək ticarətin əksər istiqamətləri onlayn xidmətə keçmişdi. Görünür, narkotik alverçiləri də rəqəmsallaşmadan, elektronlaşmadan ruhlanaraq bizneslərini yeni platformaya daşımaq qərarına gəliblər. Ticarətini sosial şəbəkələrdə reklam edən daha bir narkotik alverçisinin biznesinə yenə də polis mane olub.

“Instagram” sosial şəbəkəsində profil açaraq narkotik vasitələrin qəbulunu təbliğ edən videolar yayan şəxs - Bərdə rayon sakini Sənan Ağayev saxlanılıb. Türmə həyatı isə onlayn yaşanmır, Sənanın bunu və səhvini başa düşməsi üçün barmaqlıqlar arasında vaxtı olacaq.

Beyrut partlayışı

Başıbəlalı Livan yenidən alovlanır. Beyrutda ötən həftə baş verən partlayış hadisəsi ölkədə yeni vətəndaş müharibəsinin başlanğıcına çevriləcək kimi görünür. 

1975-ci ildə başlayıb, 1990-cı ilədək davam edən vətəndaş müharibəsi bu ölkəni əldən salmışdı – bu dövr ərzində ölkədə 150-230 minədək insanın öldüyü, 350 mindən çox insanın yaralandığı bildirilirdi. Müxtəlif güc mərkəzlərinin maraqlarının toqquşduğu Livanda uzunmüddətli sabitlik bərpa oluna bilməyib.

Görünür, coğrafi yerləşmə xalqların taleyinə, xoşbəxtliklərinə həmişə təsir edəcək...

Nüvə təhlükəsizliyi

BMT-nin baş katibi Antoniu Quterreş 1945-ci ildə ABŞ-ın Xirosima şəhərinə atom bombasının atılmasının 75-ci ildönümü günü çağırış edib. "75 il nüvə silahına sahib olmağın təhlükəsizliyi gücləndirməkdənsə, zəiflədiyini başa düşmək üçün hətta çoxdur", - baş katib bildirib və soyuq müharibədən sonra yaradılan nüvə silahlarına nəzarət müqavilələrinin indi təhdid altında olduğunu etiraf edib.

Təəssüf ki, bütün dünyanın nüvə silahından imtina edəcəyinə dair ümidlərin gerçəkliyə çevriləcəyi real görünmür. Və əgər nüvə silahı təhlükəsizliyə təhdiddirsə, ABŞ, Rusiya, Çin, Fransa kimi aparıcı ölkələr ondan bu vaxta qədər hansı səbəbdən imtina etməyib?! Gücün haqlı olduğu müasir dünyada, belə çıxır ki, nüvə silahı təhlükəsizliyi zəiflətmir.

Dovşan qanı

Qazaxıstanda 37 yaşlı azərbaycanlı qanunsuz yolla külli miqdarda pul əldə etmək üçün “tamaşa” qurub. Tez-tez qonaq getdiyi Almatıda özünü Qazaxıstana meyvə və tərəvəz gətirən iş adamı kimi təqdim edərək, partnyor axtarmağa başlayıb. Bu zaman onun tələsinə Nur-Sultandan olan biznesmen düşüb. 37 yaşlı kişi əmisi oğlu, onun dostu və sevgilisi ilə cinayət əməlini həyata keçirib. O, özünü oğurlatdırıb, daha sonra “oğrular” qazaxıstanlı biznesmenə səsli mesaj və azərbaycanlının qanlı fotosunu göndərib, onun sağ qalması üçün qazaxıstanlıdan 100 min dollar pul istəyiblər.

Biznesmen isə polisə müraciət edib. Aparılan araşdırmalar zamanı cinayətkarların əməlləri ifşa olunub. Bildirilib ki, əslində fotoda azərbaycanlının üzərinə tökülən dovşan qanı olub.

Qazaxıstan saytlarında isə böyükmiqyaslı “təbliğatı”mız gedib. Beləcə, ölkənin imici, nüfuzu üçün xərclənən vaxt və resursları, yaxşıların yaxşı əməllərini belə “soydaşlar” bir dovşan qanı ilə yuyub aparırlar.

7
Əlaqədar
Mayk Pompeo, ərəblərin gecikmiş atomu, sosial lift və xoşbəxtlik
“Gallup”, Türkiyənin əzələsi və "oh, my god!"
"Food City", “beşinci təkər” və Rəhim Qazıyev
XİN-dəki "Pole Çudes", Aya Sofya və nazirlə milçəyin fərqi
"Bu, bir oyundur" dediyimiz COVİD-19 artıq başımıza oyun açır
Otel nömrəsi, arxiv şəkli

Artıq ürəklərə xal düşüb - əvvəlki imicə, pul qazanmağa ümidlidirlər

14
(Yenilənib 19:32 10.08.2020)
"Kimə başa salmaq olacaq ki, bu şəxslər xəstə deyil, sadəcə karantinə götürülmüş şəxslər idi?" - Samir Dübəndi

Nigar İsgəndərova, Sputnik Azərbaycan

BAKI, 10 avqust — Sputnik. Koronavirus (COVID-19) pandemiyası mart ayından başlayaraq Azərbaycanın da turizm sektorunda ciddi tənəzzülə səbəb olub. Koronavirus infeksiyasının yayılmasının qarşısını almaq məqsədilə Azərbaycan Respublikası ilə qonşu dövlətlər arasında dövlət sərhədində məhdudlaşdırıcı rejimin, eləcə də dünyanın əksər ölkələrində vətəndaşların səfərlərinə müvəqqəti məhdudiyyətlərin tətbiq olunması ilə əlaqədar 2020-ci ilin yanvar-iyun aylarında ötən ilin eyni dövrü ilə müqayisədə turizm infrastrukturunun əsas elementlərindən olan mehmanxana və mehmanxana tipli müəssisələrin göstəricilərində geriləmə qeydə alınıb, ölkə mehmanxanalarında keçirilmiş gecələmələrin sayı 55,9 faiz azalaraq 585,9 min olub.

© Sputnik / Elnur Salayev
İnfoqrafika: Cari ilin yanvar-iyun aylarında mehmanxanalarda keçirilmiş gecələmələrin faiz nisbəti

Əcnəbilər və vətəndaşlığı olmayan şəxslər tərəfindən mehmanxanalarda keçirilmiş gecələmələrin sayı əvvəlki ilin yanvar-iyun aylarına nisbətən 64,3 faiz azalaraq 340,8 min olub ki, bu da ümumi gecələmələrin 58,2 faizini təşkil edir.

© Sputnik / Elnur Salayev
İnfoqrafika: Əcnəbilərin və vətəndaşlığı olmayan şəxslərin keçirdiyi gecələmələrin faiz nisbəti

Cari ilin yanvar-iyun aylarında mehmanxanaların gəlirləri əvvəlki ilin eyni dövrü ilə müqayisədə 61,6 faiz azalaraq 72,0 milyon manat olub ki, onun da 58,7 faizi nömrələrin (otaqların) təqdim olunması üzrə xidmətlərdən, 28,6 faizi ictimai iaşə xidmətlərindən, 3,3 faizi müalicə və sağlamlıq xidmətlərindən, 9,4 faizi isə digər xidmətlərin göstərilməsindən əldə edilib.

2020-ci ilin yanvar-iyun aylarında mehmanxanaların birdəfəlik tutumundan istifadə 7,6 faiz səviyyəsində olub (2019-cu ilin yanvar-iyun aylarında 21,6 faiz). Bu göstərici Beyləqanda 21,8 faiz, Naftalanda 21,7 faiz, Qusarda 13,6 faiz, Şabranda 12,8 faiz, Qubada 11,8 faiz, Bakıda 11,4 faiz, Qəbələdə 11,0 faiz, Biləsuvarda 10,4 faiz, Cəlilabadda 9,2 faiz, Sabirabadda 9,2 faiz, Göyçayda 9,2 faiz, Naxçıvan Muxtar Respublikasında 8,3 faiz, digər rayon və şəhərlərdə isə ölkə üzrə orta göstəricidən aşağı olub.

Gecələmələr üzrə daha çox Rusiyadan gələnlər öndədirlər.

© Sputnik / Elnur Salayev
İnfoqrafika: Gecələmələrin ölkələr üzrə faiz nisbəti

 

Bəs mehmanxanalar pandemiyadan sonra fəaliyyətlərini bərpa edə biləcəklərmi?

Sputnik Azərbaycan-a danışan DAİR Otellər və Restoranlar Assosiasiyası İdarə Heyətinin sədri Samir Dübəndi öncə rəqəmlərə toxunub və bugünkü vəziyyəti şərh edib:

"Əslində bu rəqəmlərin hamısı 0-5, 0-10 faiz arası olmalı idi. Ehtimal ki, bu rəqəmlərə karantin üçün ayrılan otellərdə yerləşdirmələrin sayı da daxil edilib. Bura həmçinin mövcud şəraitlə əlaqədar olaraq TƏBİB və digər bu kimi aidiyyəti qurumların ezam olunmuş nümayəndələrinin də sayı daxildir. Amma bu heç də o demək deyil ki, bu otellər turist, yaxud da qonaq qəbul ediblər".

"Otellər hər zaman ən çətin gündə də böyük dayaq olub. Amma pandemiya zamanı modul tipi xəstəxanalar ola-ola onlardan istifadə etməyib karantinə alınan insanları otellərə yerləşdirdik. Belə bir şeyin olması, qeyd edim ki, otelin imicinə təsir edən amildir. Sabah hansısa turizm agentliyi, yaxud da turist bu otellərdə vaxtı ilə xəstələrin yaşadığını düşünəcək və onun ürəyində, belə desək, xal qalacaq. Kimə başa salmaq olacaq ki, bu şəxslər xəstə deyil, sadəcə karantinə götürülmüş şəxslər idi? Yaxud da kimə başa salmaq mümkün olacaq, həmin şəxslər otaqları tərk edəndən sonra belə orada hava dəyişdirilir, dezinfeksiya işləri aparılır. Amma bunu hər kəs anlamır. Bu şübhələr də otellərin fəaliyyətinə təsirsiz ötüşməyəcək", - deyə ekspert əlavə edib. 

S.Dübəndi otellərin fəaliyyətində yaranmış maneələrdən də danışıb: "Bundan başqa, digər fakta da toxunum. Ötən günlərdə Azərbaycan Qida Təhlükəsizliyi Agentliyi ilə bir görüşümüz oldu. Nabranda otel rəhbəri olan həmkarımız dedi ki, Nabranda polislər onlara işləməyə imkan vermirlər. O, sualı mənə ünvanladı və bildirdim ki, karantin dövrü başlayandan bu günədək dövlət tərəfindən otellərin işinə heç bir məhdudiyyət qoyulmayıb. Otellərin fəaliyyətinə icazə verilmirsə, o zaman maraqlıdır, bu rəqəmlər haradan çıxır? O zaman belə çıxır ki, bu rəqəmlərə karantinə götürülmüş şəxslər də daxildir".

"İctimai iaşə müəssisələrinin isə işinə məhdudiyyət, qadağa qoyulur. Yəni bu müəssisələrin yerində xidməti qadağandır. Düzü, bu məsələ də bir qədər bizim üçün təəccüb doğurur. Çünki bir tərəfdən biz çimərlikləri açırıqsa, nə üçün restoranların açıq ərazilərdə xidmətinə icazə verilmir?! Bu nə dərəcədə məntiqə uyğundur?! Biz burada heç bir məntiq görmürük. Müxtəlif qaydalara riayət etmək şərti ilə insanların bir yerdə çimərliklərdə toplaşmasına icazə verilirsə, nə üçün restoranın açıq səma altında olan hissəsində insanlar görüşə, çay içə, qidalana bilmirlər?" - deyə ekspert əlavə edib.

14
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Pandemiyanın ən çox ziyan vurduğu sahə - Burada çalışanların yoluxma riski daha böyükdür
Təklif çox, müştəri az, qiymətlər enib - turizm cənnətində kirayə bazarı dad deyir
Azərbaycanda koronavirusla bağlı hökumətə təkliflər verildi
Mərkəzi Bank bilirdi ki, heç kim əməl etməyəcək: indi sahibkar borcludur, bank isə yox
Biz də turistlərə pul paylayaq? - Pandemiyanın vurduğu sektoru xilas etməyin yolları
Moskva səmasında bütöv ay, arxiv şəkli

Roqozin: Sadəcə "harasa uçmaq" istəyənlər Aya uçuş üçün testdən keçirilməyəcəklər

0
(Yenilənib 19:44 10.08.2020)
"Roskosmos" şirkətinin baş direktoru Dmitri Roqozin: "Aya uçuşa yararlılıq üçün psixoloji testlərdən həyatlarını tamamilə kosmosun inkişafına verməyə hazır olan insanlar keçə bilərlər".

BAKI, 10 avqust — Sputnik. Aya uçuşa yararlılıq üçün psixoloji testlərdən həyatlarını tamamilə kosmosun inkişafına verməyə hazır olan insanlar keçə bilərlər. Sputnik Azərbaycan Rusiya mediasına istinadla xəbər verir ki, bunu "Roskosmos" şirkətinin baş direktoru Dmitri Roqozin bildirib.

"Əgər onlar həqiqətən də öz həyatlarını kosmosa qurban vermək və bu sahədə nailiyyətlər qazanmaq istəyən unikal kosmos entuziastlarıdırsa, bizə lazım olan insanlardır", - deyə Roqozin Yuri Kostinin YouTube-dakı "Liçnıye svyazi" (Şəxsi əlaqələr) proqramında Aya uçuş kontekstində bildirib.

"Roskosmos"un baş direktoru qeyd edib ki, psixoloji testlərdən "bu fani Yer kürəsini tərk etmək və harasa uçmaq" istəyən insanlar keçməyəcəklər, onlardan uçuş zamanı nə mümkündürsə gözləmək olar.

Roqozinin sözlərinə görə, bir insanın Aya uçmasını təmin etmək üçün çox sayda yeni texnologiyaların tətbiq edilməsi lazımdır. Onların sırasına sidiyin təkcə texniki suda deyil, həm də içməli suda emalı, qidanın becərilməsi sistemləri, həmçinin 3D-çapın inkişaf etmiş texnologiyası da daxildir. Orbitdə cərrahiyyə əməliyyatı tələb olunarsa, printerlərin köməyi ilə misal üçün, qığırdaq və ya dəri kimi zəruri orqanları çap etmək lazımdır. Həmçinin, 3D-çapı kosmik texnikanın sıradan çıxmış detallarının istehsalı üçün lazım olacaq.

2021-ci ildə müasir Rusiyanın tarixində ilk dəfə olaraq "Luna-25" planetlərarası enmə aparatının Aya göndərilməsi planlaşdırılır. 2024-cü ildə "Ay – 26" orbital aparatının, 2025-ci ildə isə "Ay-27" enmə stansiyasının işə salınması nəzərdə tutulub. Bundan sonra ağır enmə stansiyası olan "Luna-28"in Aya göndərilməsi, onun peykdən süxur götürərək Yerə çatdırması, eləcə də ağır lunaxodun təchizatı üçün "Luna-29" stansiyasının Aya göndərilməsi planlaşdırılır. Son iki layihə hələ ki, heç bir proqrama daxil edilməyib.

Aya ilk rus kosmonavtının göndərilməsi 2030-cu ildə planlaşdırılır.

 

0
Əlaqədar
Mars parçası evinə qaytarılır
Bu gözəlin adı Yerdir: kosmosdan planetin unikal şəkilləri
Göydəndüşmə olacaq: Ay resursları bizə kömək edə bilərmi?
Dünyanın düz olduğunu sübut etməyə çalışan kişi əldəqayırma raketdə həlak oldu - VİDEO
Maskı üstələmək: Rusiya yeni raket hazırlayır