Dənizə çirkab sularının axıdılması, arxiv şəkli

Xəzəri çirkləndirənləri hansı cəzalar gözləyir?

117
(Yenilənib 21:26 26.02.2019)
Bəzi neft-qazçıxarma müəssisələrinin lay suları, eyni zamanda idarə olunmayan təsərrüfat-məişət tullantı suları Xəzəri çirkləndirən əsas mənbələrdir

İradə Cəlil, Sputnik Azərbaycan

BAKI, 26 fevral — Sputnik. Bakıda bir çox ərazilərdə Xəzərin və sahilboyu zolağın çirklənməsi halları ilə qarşılaşırıq. Məsələn Şıx, Buzovna çimərliyində sahil zolağı kanalizasiya suları ilə yanaşı məişət tullantıları ilə də çirkləndirilir. Hövsan qəsəbəsində isə vəziyyət daha acınacaqlıdır. Çünki burada dənizə neft artıqları axıdılır.

Ekologiya və Təbii Sərvətlər Nazirliyinin mütəxəssisi Mirsalam Qəmbərov Sputnik Azərbaycan-a açıqlamasında bildirib ki, mövcud problemlərin aradan qaldırılması istiqamətində Nazirlik tərəfindən tədbirlər görülür.

O bildirib ki, Xəzərin ekoloji vəziyyətinin yaxşılaşdırılmasına dair tədbirlərin həyata keçirilməsinə baxmayaraq, dənizin mövcud durumunu hələ də qənaətbəxş hesab etmək olmaz: “Xəzər dənizi daha çox Abşeron yarımadasından, Xaçmaz, Neftçala, Lənkəran rayonlarının inzibati ərazilərindən çirklənməyə məruz qalır. Bəzi neft-qazçıxarma müəssisələrinin lay suları, eyni zamanda idarə olunmayan təsərrüfat-məişət tullantı suları Xəzəri çirkləndirən əsas mənbələrdir".

Onun sözlərinə görə, "Suraxanı Oil Company", "Balakhanı Operating Ltd", "Bahar Enerji" əməliyyat şirkətləri, "Azgerneft" MMC müəssisələrində formalaşan lay suları ətraf əraziləri çirkləndirməklə təmizlənmədən birbaşa Xəzərə axıdılır. Bu müəssisələrin ("Bahar Enerji" istisna olmaqla) istehsalat suları Hövsan kanalı vasitəsilə Xəzərə tökülür ki, bu da qəsəbə ətrafı sahilboyu ərazilərin çirklənməsinə səbəb olur.

M.Qəmbərov qeyd edib ki, Nazirlik tərəfindən hazırda açıq Hövsan kanalının yenidən qurulması və qapalı sistemə keçirilməsi üçün layihə smeta sənədləri hazırlanıb: “Sözügedən müəssisələrə lay sularının müvafiq normalara cavab vermək şərti ilə idarə olunmasına dair göstərişlər verilib. Bu istiqamətdə müvafiq tədbirlərin görülməsi barədə müzakirələr aparılır. Lay sularının uducu quyulara vurulması üçün müəssisələrə ciddi tapşırıqlar verilib".

Onun sözlərinə görə, Xəzər dənizinin ümumi çirklənmədən qorunmasının qarşısının alınması üçün Tədbirlər Planı var: “Hazırda Xəzər dənizinin sahilboyu ərazilərindən dənizə istiqamətlənmiş axarlardan mütəmadi olaraq nümunələr götürülür və təhlillər aparılır. Çirklənməyə səbəb olan fiziki və hüquqi şəxslərə məlumatlar ötürülür, xəbərdarlıqlar edilir, nöqsanların aradan qaldırılması üçün məcburi göstərişlər verilir, inzibati qaydada qanunvericiliyə uyğun tədbirlər görülür. Eyni zamanda mütərəqqi texnologiyaların tətbiqi tövsiyə olunur və təbliğat işləri aparılır".

M.Qəmbərov, həmçinin qeyd edib ki, Xəzər sahili boyunca bir sıra istirahət mərkəzlərində təsərrüfat-məişət mənşəli tullantı suları primitiv, kustar üsulla tikilmiş "şambo"lara, oradan isə dənizə axıdılır. Son nəticədə bu axarlar vasitəsilə dəniz çirklənməyə məruz qalır.

“Belə müəssisələrin inventarlaşdırılması aparılıb və ətraf əraziləri, o cümlədən dənizi çirkləndirən həmin obyektlərə ciddi xəbərdarlıqlar edilib, növbəti çimərlik mövsümünə qədər hər bir obyektə fərdi olaraq çatışmazlıqların aradan qaldırılması məqsədilə icrası məcburi olan tapşırıqlar verilib” – deyə qeyd olunub.

117

İyulun 20-dən sonra buraxılış qəbul imtahanları keçiriləcək

0
(Yenilənib 10:52 14.07.2020)
İyul ayında keçiriləcək imtahanların dəqiq tarixləri, onların keçiriləcəyi şəhər və rayonlar, eləcə də imtahanlarda iştirak edəcək kontingent haqqında məlumat imtahandan 1 həftə əvvəl DİM-in saytında yerləşdiriləcəkdir.

BAKI, 14 iyul – Sputnik. Dövlət İmtahan Mərkəzi tərəfindən iyulun 20-dən sonra növbəti buraxılış (qəbul) imtahanlarının keçirilməsi nəzərdə tutulur.

DİM-dən Sputnik Azərbaycan-ya verilən məlumata görə, imtahanlarla əlaqədar tədbirlər planı iyulun 14-də keçiriləcək DİM Direktorlar Şurasının iclasında müzakirə olunacaq və Nazirlər Kabineti yanında Operativ Qərargaha təqdim olunacaq.

Məlum olduğu kimi, Dövlət İmtahan Mərkəzi tərəfindən son bir ayda ölkə ərazisində buraxılış (qəbul) imtahanları keçirilir. Belə ki, xüsusi karantin rejimi tətbiq olunduqdan sonra Dövlət İmtahan Mərkəzi tərəfindən 1 iyun tarixində Nazirlər Kabineti yanında Operativ Qərargaha pandemiya şəraitində imtahanların keçirilməsi ilə əlaqədar tədbirlər planı təqdim olunub və Operativ Qərargah tərəfindən iyunun 10-dan etibarən imtahanların keçirilməsinə icazə verilib. 

Bundan sonra Mərkəz tərəfindən 10, 11, 18, 19 iyun tarixlərində bir sıra şəhər və rayonlarda 9 və 11-ci siniflər üzrə buraxılış imtahanları, 9-cu sinif təhsil bazasında kolleclərə qəbul imtahanları, 9 və 11-ci sinif şagirdləri üçün Azərbaycan dili (dövlət dili kimi) imtahanları keçirilib. Qeyd olunan tarixlərdə keçirilən imtahanlarda 86385 nəfər iştirak edib. 

İyunun 19-da isə Nazirlər Kabineti tərəfindən müəyyən şəhər və rayonlarda xüsusi karantin rejiminin sərtləşdirilməsi ilə bağlı qərar qəbul olunduğu və imtahanların keçirilməsinə icazə verilmədiyi üçün Mərkəz tərəfindən sərtləşdirilmiş rejim tətbiq olunmayan şəhər və rayonların ərazisində imtahanların keçirilməsi üçün yenidən Qərargaha müraciət olunmuş və 24-25 iyun və 2‑3 iyul tarixlərində növbəti buraxılış (qəbul) imtahanlarının keçirilməsi üçün razılıq əldə olunmuşdur. İyulun 10-da isə sərtləşdirilmiş rejim tətbiq olunmayan 41 şəhər və rayonda əvvəlki illərin məzunları üçün qəbul imtahanları keçirilmişdir. Beləliklə, 1 ay ərzində bu imtahanlarda ümumilikdə 142 mindən artıq şagird (abituriyent) iştirak etmişdir. İlk iki həftə ərzində keçirilmiş imtahanlarda iştirak edən bütün şəxslərin (86385 nəfər) nəticələri artıq elan olunmuşdur. Bundan əlavə 24-25 iyun və 2-3 iyul tarixlərində keçirilən 9-cu sinif buraxılış (qəbul), 9 illik təhsil bazasında kolleclərə qəbul, 9 və11 illik təhsil səviyyələri üzrə Azərbaycan dili imtahanları iştirakçılarının (29426 nəfər) da nəticələri elan olunmuşdur. Qeyd olunan tarixlərdə keçirilən imtahanlarda iştirak edən 11-ci sinif şagirdləri və 10 iyulda keçirilən imtahan iştirakçılarının nəticələri də elan edilmiş qrafikə uyğun DİM-in saytına yerləşdiriləcəkdir.

Qeyd etmək istərdik ki, keçirilən imtahanlarda ehtiyat tədbirləri çərçivəsində görülən işlərə əlavə olaraq iyunun 24-dən etibarən sərtləşdirilmiş karantin rejimi tətbiq olunan şəhər və rayonlarda yaşayan və DİM tərəfindən imtahanların idarə edilməsinə cəlb olunan hər bir əməkdaş COVID‑19 testindən keçirilib. Məlumat üçün bildiririk ki, görülən qabaqlayıcı tədbirlərin sayəsində indiyə qədər keçirilən imtahanlarda iştirakçılar və imtahan heyəti arasında koronavirusa yoluxma faktı qeydə alınmayıb.

Nəzərinizə çatdırırıq ki, Dövlət İmtahan Mərkəzi tərəfindən sərtləşdirilmiş karantin rejimi tətbiq olunan şəhər və rayonlarda buraxılış və qəbul imtahanlarının keçirilməsi üçün də tədbirlər planı hazırlanıb və aidiyyəti qurumlarla razılaşdırılır. Belə ki, bu bölgələrdən olan şagirdlərin (abiturieyntlərin) sayı 47000 nəfər təşkil edir. Tədbirlər planı iyulun 14-də keçiriləcək DİM Direktorlar Şurasının iclasında müzakirə olunacaq və Nazirlər Kabineti yanında Operativ Qərargaha təqdim olunacaq. Qərargah tərəfindən icazə veriləcəyi təqdirdə iyulun 20-dən sonra növbəti 2 həftə ərzində və hər həftə 2 dəfə olmaqla hazırda sərtləşdirilmiş karantin rejimi tətbiq olunan rayon və şəhərlərdə buraxılış (qəbul) imtahanlarının keçirilməsi nəzərdə tutulur. Qeyd olunmalıdır ki, bu imtahanlarda iştirakçıların kütləviliyinin azaldılması məqsədilə kolleclərə (və ya hərbi liseylərə) ərizə verməyən 9-cu sinif şagirdləri iştirak etməyəcəklər. Bu şagirdlər üçün buraxılış imtahanı sentyabr ayında keçiriləcək. Həmçinin ali məktəblərə (kolleclərə) sənəd verməyən və buraxılış imtahanlarında iştirak etməyən 11-ci sinif məzunları üçün də sentyabr ayında buraxılış imtahanları keçiriləcək.

İyul ayında keçiriləcək imtahanların dəqiq tarixləri, onların keçiriləcəyi şəhər və rayonlar, eləcə də imtahanlarda iştirak edəcək kontingent haqqında məlumat imtahandan 1 həftə əvvəl DİM-in saytında yerləşdiriləcəkdir.

Daha sonrakı həftələrdə isə sanitar epidemioloji vəziyyətin əlverişli olacağı və Operativ Qərargah tərəfindən icazə veriləcəyi təqdirdə ali təhsil müəssisələrinə qəbul imtahanlarının ikinci mərhələsinin (blok imtahanları) keçirilməsi nəzərdə tutulur. Bu imtahanlarda 73000 abituriyentin iştirakı nəzərdə tutulur.

Qeyd edək ki, imtahan keçiriləcək tarixlərdə hansısa rayon və şəhərdə sərtləşdirilmiş karantin rejimi tətbiq olunarsa, həmin bölgələrdəki imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının və ehtiyac olarsa, iştirakçını müşayiət edən bir nəfərin imtahan binasına gedib və imtahandan sonra qayıtmasına icazə veriləcək.

İndiki şəraitdə bizim əsas məqsədimiz koronavirusla mübarizə əlehinə görülən tədbirlərə dəstək olmaq və ictimai sağlamlığın qorunub saxlanılmasına töhfə verməkdir. Abituriyentlərin və onların valideynlərinin, eləcə də müəllimlərin narahatlığı başa düşüləndir. Lakin hər bir şəxs bu həssas məqamda səbir nümayiş etdirməli, təşvişə düşməməli və adi qaydada öz imtahanlarına hazırlaşmalıdır. Mərkəz tərəfindən əvvəlki imtahanlarda olduğu kimi, bundan sonra da keçiriləcək imtahanlarda obyektivlik və ədalətlilik prinsipləri qorunmaqla, abituriyentlərin tam təhlükəsiz şəraitdə imtahan verməsi təmin olunacaqdır.

0
Artilleriya atəşi, arxiv şəkli

Cəbhədən yeni xəbər: Tovuzun daha bir kəndi artilleriyadan atəşə tutulub

21
(Yenilənib 10:40 14.07.2020)
Ermənilər Tovuz rayonunun Dondar Quşçu kəndini iriçaplı silahlardan və artilleriya qurğularından atəşə tutublar

Eldar Tanrıverdiyev, Sputnik Azərbaycan

BAKI, 14 iyul — Sputnik. Ermənistan silahlı qüvvələrinin bölmələri Tovuz rayonunun Dondar Quşçu kəndini iriçaplı silahlardan və artilleriya qurğularından atəşə tutub. Bunu Sputnik Azərbaycan-ın sorğusuna cavab olaraq Müdafiə Naziliyinin Mətbuat Xidmətinin rəisi polkovnik Vaqif Dərgahlı bildirib.

O, qeyd edib ki, kənd sakinlərinə heç bir ziyan dəyməyib.

Xatırladaq ki, Ermənistan silahlı qüvvələrinin bölmələri iyulun 14-ü səhər saatlarından başlayaraq Tovuz rayonunun Ağdam və Əlibəyli kəndlərini iriçaplı silahlardan və artilleriya qurğularından atəşə tutub. Həmin vaxt da kənd sakinlərinə heç bir ziyan dəyməyib.

Qeyd edək ki, iyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar. Hər iki tərəfin itki verdiyi bildirilir. Belə ki, Düşmən hücumunun qarşısını alarkən döyüşdə Azərbaycan Ordusunun hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub.

Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib.

Artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edilib.

Döyüşdə Azərbaycan Ordusunun hərbi qulluqçusu baş leytenant Mahmudov Rəşad Rəşid oğlu şəhid olub.

Hazırda əməliyyat şəraiti qoşunlarımızın nəzarəti altındadır.

21