Азербайджанские манаты разного номинала

"Azərbaycan Meliorasiya Su Təsərrüfatı" ASC-yə 30 milyon manat ayrıldı

77
(Yenilənib 19:25 15.02.2019)
İki rayonun qış otlaqlarında meliorasiya işləri üçün 30 milyon manat ayrılıb

BAKI, 15 fevral - Sputnik. Prezident İlham Əliyev Sabirabad və Salyan rayonlarında yerləşən qış otlaqlarında meliorasiya işləri ilə bağlı əlavə tədbirlər haqqında sərəncam imzalayıb.

Sputnik Azırbaycan-ın xəbərinə görə, sərəncamda deyilir ki, son illərdə respublikada pambıqçılığın, taxılçılığın, digər kənd təsərrüfatı bitkiləri və heyvandarlıq məhsulları istehsalının genişləndirilməsi məqsədilə müasir tələblərə cavab verən su anbarlarının, nasos stansiyalarının, suvarma kanallarının və digər su təsərrüfatı obyektlərinin tikilməsi on minlərlə hektar torpaq sahəsinin əkin dövriyyəsinə cəlb edilməsinə, aqrar sektorun inkişafına, ən mütərəqqi standartlar səviyyəsində aqroparkların və iri kənd təsərrüfatı müəssisələrinin fəaliyyətə başlamasına zəmin yaradıb. Aqrar sahədə aparılan uğurlu islahatlar nəticəsində bir sıra strateji məhsullara tələbatın yerli istehsal hesabına tam ödənilməsinə, ölkənin ərzaq təminatında xarici bazardan asılılığın azaldılmasına, ixracyönümlü məhsulların istehsal həcminin artırılmasına və bununla da regionların davamlı inkişafına nail olunub.

Görülən işlərin davamı olaraq, Sabirabad və Salyan rayonlarındakı qış otlaqlarında meliorativ tədbirlər layihəsi çərçivəsində son iki il ərzində az məhsuldar qış otlaqlarında aparılmış meliorasiya işləri nəticəsində 15950 hektar, o cümlədən Sabirabad rayonunda 14319 hektar və Biləsuvar rayonunda 1631 hektar əraziyə suvarma suyu çatdırılıb.

Bu istiqamətdə tədbirlərin davam etdirilməsinin vacibliyini nəzərə alaraq, Sabirabad və Salyan rayonlarında yerləşən qış otlaqlarında meliorativ tədbirlərin davam etdirilməsi məqsədilə Azərbaycan Respublikası Prezidentinin 2019-cu il 15 yanvar tarixli 890 nömrəli Sərəncamı ilə təsdiq edilmiş "Azərbaycan Respublikasının 2019-cu il dövlət büdcəsində digər layihələr üzrə dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü"nün 1.8.27-ci yarımbəndində göstərilmiş məbləğin 30 milyon manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.

Maliyyə Nazirliyinə bu sərəncamda göstərilən məbləğdə maliyyələşməni təmin etmək, Nazirlər Kabinetinə bu sərəncamdan irəli gələn məsələləri həll etmək tapşırılıb.

77

Ekspert: “Bu səbəblərə görə gənclərimiz Türkiyədə təhsilə üstünlük verir”

5
(Yenilənib 22:53 26.02.2021)
Təhsil eksperti İlqar Orucov deyir ki, gənclərimiz iqtisadiyyat, tibb, turizm və İT ixtisaslarında təhsil almaq üçün Türkiyə universitetlərini seçirlər
İlqar Orucov: “Distant təhsil alanların diplomlarının tanınması ilə bağlı qanuna bənd əlavə edilib”

Azərbaycanın təhsil naziri Emin Əmrullayev Türkiyədə 23 min civarında azərbaycanlı tələbənin təhsil aldığını bildirib. Nazirin sözlərinə görə, azərbaycanlı tələbələrin təhsil aldığı xarici ölkələr arasında Türkiyə ilk yerdədir.

Bəs azərbaycanlı tələbələr nə üçün Türkiyədə oxumağa üstünlük verir?

Mövzu ilə bağlı Sputnik Azərbaycan-a danışan təhsil eksperti İlqar Orucov deyir ki, azərbaycanlı tələbələrin Türkiyədə təhsil almağa üstünlük verməsinin bir neçə səbəbi var:

“İlk olaraq qeyd edim ki, Türkiyə ilə qonşuluq, mədəni yaxınlıq təhsil üçün bu ölkəni seçmək üçün əsas səbəblərdir. Türkiyədə təhsilin səviyyəsi xeyli yüksəlib. Gənclərimiz iqtisadiyyat, tibb, turizm və İT ixtisaslarında təhsil almaq üçün Türkiyə universitetlərini seçirlər. Bildirmək istərdim ki, Türkiyə universitetlərinin diplomalarının ölkəmizdə tanınmasında hər hansı problem yoxdur. Sadəcə son illər distant təhsil diplomlarının tanınması məsələsində bəzi problemlər ortaya çıxıb. Distant təhsil alanların diplomlarının tanınması ilə bağlı qanuna bənd əlavə edilib. Ümid edirəm ki, həmin qanun qəbul edildikdən sonra tək Türkiyədə deyil, digər ölkələrdə təhsil alanların problemləri aradan qalxacaq”. 

İlqar Orucovungeniş şərhinə audiofaylda qulaq asa bilərsiniz

5
Kinolent, arxiv şəkli

Azərbaycanlı yazıçı: "Hazırda müharibə ilə bağlı yazılan əsərlərdə yersiz pafos var"

9
(Yenilənib 09:39 27.02.2021)
Sevda Sultanova: "Bu faciə Azərbaycan tarixinin ən dəhşətli faciəsidir. Bunu yazmaq, ekranlaşdırmaq böyük psixoloji hazırlıq tələb edir".

Şahpəri Abbasova, Sputnik Azərbaycan

BAKI, 27 fevral — Sputnik. Azərbaycan tarixinin qanlı gecəsindən 29 il keçir. Bəs bu gecə Azərbaycan ədəbiyyatında və incəsənətində necə əks olunub? Biz də elə bu sualla bir sıra ədəbiyyat və incəsənət adamlarına müraciət etdik. Bəstəkar, professor Firəngiz Əlizadə mövzu ilə bağlı fikirlərini Sputnik Azərbaycan-la bölüşüb: "Xocalı soyqırımını əks etdirən əsərlər yazılıb. Bəstəkar Məmməd Quliyevin "Xocalı harayı" kantatası var ki, dəfələrlə Heydər Əliyev sarayında Üzeyir Hacıbəyli adına Azərbaycan Dövlət Simfonik Orkestri tərəfindən səsləndirilib. Bundan başqa, Türkiyədə yaşayan Yusif Mirişli "Xocalı 613" simfonik əsərini yazıb. Bu əsər də dəfələrlə mötəbər tədbirlərdə səsləndirilib. Bu mövzuda mahnılar da yazılıb. Azad Zahid, Vüqar Camalzadə, Pikə Axundova, İlahə İsrafilova Xocalı mövzusunda mahnılar yazıblar. Mənim də "İntizar" adlı operamda Xocalı faciəsinin motivləri var. Həmin operada ümumən Azərbaycan xalqının faciəsi yer alıb".

Kinoşünas Sevda Sultanova isə düşünür ki, Xocalı faciəsi yetərincə təsvir olunmayıb: "Qarabağ müharibəsi başlayandan istər sənədli, istərsə də bədii filmlər çəkilib. Xocalı soyqırımı ilə bağlı sənədli filmlərimiz var. Rejissor Elşən Zeynalovun çəkdiyi, Leyla Əliyevanın təşəbbüsü ilə litvalı rejissor Andreas Brokasın "Sonsuz dəhliz" (ing. Endless Corridor) filmi xaricdə də mükafatlara layiq görülüb. "Xocalıya ədalət" kampaniyası çərçivəsində çəkilmiş sənədli filmlər yaxşıdır. Amma bədii filmlər demək olar ki, çəkilməyib. Oruc Qurbanovun çəkdiyi "Haray" filmi, Orxan Qasımovun "Biz qayıdacağıq" filmi var. Amma bu filmlər bədii-estetik, ssenari baxımından zəif filmlərdir. Epizodik olaraq "Fəryad" filmində də keçir".

"Burada psixoloji və mənəvi məsələ də var. Bu faciə Azərbaycan tarixinin ən dəhşətli faciəsidir. Bunu yazmaq, ekranlaşdırmaq böyük psixoloji hazırlıq tələb edir. Bu yaxınlarda bir araşdırma etmişdim. Müasir kinoda müharibə film modelləri necədir? Məlum oldu ki, II Dünya müharibəsindən sonra ən böyük soyqırım hesab olunan Srebrenitsa qətliamı haqqında film yoxdur. Heç bosniyalıların özləri də çəkməyiblər. Halbuki Bosniyanın rejissorları nüfuzlu festivalda yer tutublar. 2020-ci ildə Jasmila Jbanic həmin hadisə ilə bağlı bir bədii film çəkib. Müsahibələrin birində deyir ki, "nəhayət ki, biz bu filmi çəkə bildik". Yəni, onlar özləri də bir növ həmin hadisəni çəkməyə bir növ hazır deyildilər.

Dediyim odur ki, Xocalı faciəsini çəkməyə mənəvi güc lazımdır. Artıq biz qalibik, ona görə də Mədəniyyət Nazirliyi, kinematoqrafiya şöbəsi artıq bu barədə düşünməlidir. Hətta müsabiqə də elan etmək olar. Elə bir film çəkilməlidir ki, bu dünyanın istənilən ölkəsində yaşayan insana təsir edə bilsin" - Sultanova bildirir.

Yazıçı Pərviz Seyidlinin fikrincə, Xocalı soyqırımı ədəbiyyatımızda yetərincə işıqlandırılmayıb: "Ədəbiyyatımızda düşməni ancaq eybəcər, çirkin, qəddar göstərməklə bizi qaldırmaq olmaz. Çox az sayda əsərlər var ki, həmin hadisəni düzgün çatdıra biliblər. Bu vaxta qədər yazılanlar məğlubluq prizmasından yazılırdı. Bu vaxta qədər nə yazılıbsa, finalı açıq qalıb. Hazırda müharibə ilə bağlı yazılan əsərlərdə yersiz pafos var. Düşməni aşağılamaq peşəkarlığa xas olan cəhət deyil. Düşməni situasiyanın içində düşmən kimi göstərməliyik. Mən bu hadisə ilə bağlı bir neçə tamaşalar hazırlamışam. Bütövlükdə drammaturgiyada boşluqlar olduğuna görə, təkcə bu mövzu yox, digər mövzular da işlənilməyib. Hazırda İlqar Fəhmi ilə müştərək pyesimizin üzərində işləyirik. Biz həmin tamaşanı Heydər Əliyev adına Müasir Təhsil Kompleksində qururuq. Amma bu tamaşa geniş kütlə üçün hazırlanmış tamaşa deyil".

9
Teqlər:
film, əsər, Xocalı soyqırımı, yazıçı
Lacivərd sahilin kosmosdan görünüşü, arxiv şəkli

Kannda qeyri-adi muzey açılıb - FOTO

0
Eksponatları muzeyə qayıqda gətirərək kranların köməyilə dalğıclar quraşdırıblar. İndi dayverlər muzeyə giriş üçün pul ödəmədən bu heykəllərə baxa bilərlər. 

BAKI, 27 fevral - Sputnik. Kannda, Lacivərd sahildə yeni, sualtı incəsənət muzeyi açılıb. 

Sputnik Azərbaycan bildirir ki, bu barədə Lonely Planet yazır.

Muzey Sent-Marqerit adasının yaxınlığındadır. Orada iki metr hündürlükdə insan sifəti formasında altı heykəl nümayiş olunur. Bunlar yerli sakinlərin portretidir. Məsələn, onlardan biri 80 yaşlı balıqçı, digəri ibtidai sinfin 9 yaşlı şagirdidir.

Посмотреть эту публикацию в Instagram

Публикация от Jason Decaires Taylor (@jasondecairestaylor)

Hərəsi 12 ton çəkiyə malik heykəllər 3 metr dərinlikdə yerləşdirilib.

Britaniyalı sualtı heykəltaraş Ceyson Dekeyr Teylor bu abidələri yaratmağa dörd il sərf edib. Bunlar rəssamın Aralıq dənizində ilk installyasiyasıdır.

Heykəllər toksik olmayan, pH dərəcəsi neytral sementdən hazırlanıb, yəni ətraf mühitə zərəri yoxdur. Mahiyyətcə heykəllər süni riflərdir, burada mərcanlar, balıqlar və xərçəngkimilər məskən sala bilərlər. 

Посмотреть эту публикацию в Instagram

Публикация от Jason Decaires Taylor (@jasondecairestaylor)

Eksponatları muzeyə qayıqda gətirərək kranların köməyilə dalğıclar quraşdırıblar. İndi dayverlər muzeyə giriş üçün pul ödəmədən bu heykəllərə baxa bilərlər. 

0