Xəzər dənizində neft platforması və şelf, arxiv şəkli

“Xəzər dənizinin hüquqi statusu haqqında” Konvensiya təsdiq edilib

85
(Yenilənib 20:23 12.02.2019)
Parlament Xəzərlə bağlı sənədləri ratifikasiya edib

BAKI, 12 fevral - Sputnik. Milli Məclisin bu gün keçirilən plenar iclasında “Xəzər dənizinin hüquqi statusu haqqında” Konvensiyanın təsdiq edilməsi məsələsinə baxılıb.

Sputnik Azərbaycan xəbər verir ki, “Xəzər dənizinin hüquqi statusu haqqında” Konvensiya 2018-ci il avqustun 12-də Aktau şəhərində imzalanıb.

Müzakirələrdən sonra Konvensiya təsdiq edilib.

Həmçinin, plenar iclasda "2010-cu il 18 noyabr tarixli "Xəzər dənizində təhlükəsizlik sahəsində əməkdaşlıq haqqında" Sazişə Xəzər dənizində mütəşəkkil cinayətkarlıqla mübarizədə əməkdaşlıq üzrə" Protokolun, "2010-cu il 18 noyabr tarixli "Xəzər dənizində təhlükəsizlik sahəsində əməkdaşlıq haqqında Saziş"ə Xəzər dənizində terrorçuluqla mübarizədə əməkdaşlıq üzrə" Protokolun, "2010-cu il 18 noyabr tarixli "Xəzər dənizində təhlükəsizlik sahəsində əməkdaşlıq haqqında" Sazişə Sərhəd orqanları arasında əməkdaşlıq və qarşılıqlı fəaliyyət üzrə" Protokolun, "Xəzəryanı dövlətlərin hökumətləri arasında nəqliyyat sahəsində əməkdaşlıq haqqında" Sazişin və digər Sazişlərin təsdiq edilməsi məsələsinə baxılıb.

Bildirilib ki, layihələr Azərbaycanın milli maraqlarına cavab verir və Konvensiyanın imzalanmasından sonra Xəzərin statusundan irəli gələn məsələləri özündə əks etdirir.

Müzakirələrdən sonra qanun layihələri səsverməyə çıxarılaraq qəbul edilib.

 

85