Eldar Tanrıverdiyev, Sputnik Azərbaycan
BAKI, 1 fevral — Sputnik. Avropa İttifaqı və Azərbaycan fevral ayının ortalarında Bakıda Strateji tərəfdaşlıq sazişinin ticarət hissəsini müzakirə edəcək. Sputnik Azərbaycan xəbər verir ki, bunu jurnalistlərə açıqlamasında Avropa İttifaqının Bakıdakı nümayəndəliyinin rəhbəri Kestutis Yankauskas bildirib.
"Ticarət hissəsi üzrə növbəti görüş fevralın ortası Bakıda baş tutacaq", - deyə Yankauskas bildirib.
Onun sözlərinə görə, sazişin ticarət hissəsinin sonuncu müzakirəsi 21-22 yanvar 2019-cu ildə keçirilib. Səfir müzakirəni səmərəli adlandırıb.
