Müdafiə naziri, general-polkovnik Zakir Həsənov

Müdafiə nazirindən ilginc mesaj: "Naxçıvan əməliyyatının detallarını açmırıq"

9575
(Yenilənib 15:50 02.01.2019)
Zakir Həsənov: "Əməliyyat elə peşəkarlıqla həyata keçirildi ki, qarşı tərəf nə baş verdiyini indiyədək dərk etmir"

BAKI, 2 yanvar — Sputnik. "Biz real vəziyyəti bilməliyik. Hərbi hissələrdə "Açıq qapı" günlərində valideynlərə müraciət edirəm ki, bura bir-birimizi tərifləməyə gəlməmişik. Məqsədimiz odur ki, problemlər aşkara çıxarılsın və həll edilsin. Həqiqətin üzə çıxarılması üçün Müdafiə Nazirliyi müxtəlif vasitələrdən istifadə edir. Onlardan biri "etimad qutusu"nun olmasıdır. Yəni hər bir əsgər valideyni adını qeyd etmədən problem barədə məktub yaza bilər. Həmin məktubları Nazirliyin Baş İdarəsinin nümayəndələri götürə bilir. Biz komandirlərə inanırıq, amma real vəziyyəti də bilməliyik.

Sputnik Azərbaycan xəbər verir ki, bunu müdafiə naziri, general-polkovnik Zakir Həsənov "Real TV"-yə müsahibsində deyib. "İşimiz göz qabağındadır, üzüaçıq valideynlərin qarşısına çıxırıq. İşimizin nəticəsindən əminik. Real vəziyyətin ortaya çıxarılması Ali Baş Komandanın tələbidir. Azərbaycan xalqı çəkinən, qorxan xalq deyil, problem olanda üzə deyir" - nazir bildirib.

Z.Həsənov qeyd edib ki, "Açıq qapı" günləri 3 aydan bir keçirilir: "Həm də eyni hərbi hissələrə getmirik. Media nümayənədləri prosesə qoşulsunlar, nöqsan varsa, çəksinlər, amma doğru-düzgün təqdim etsinlər. Şəxsi münasibətlərə görə yalan yazmasınlar. Söhbət məndən, səndən, digərindən getmir. Söhbət Azərbaycan Ordusundan gedir, onlar həssasdırlar, çünki düşmənlə üz-üzədirlər, gördüklərə işə qiymət verilməsini gözləyirlər. Ona görə həmişə deyirəm ki, müsahibə götürəndə, ilk növbədə, əsgərdən götürün. Əsas əsgərdir, əsgərsiz komandir də, general da olmaz. Xahiş edirəm ki, media nümayəndələri "Açıq qapı" günləri mən gedən hərbi hissəyə deyil, başqalarına baş çəksinlər. Kimsə fikirləşə bilər ki, nazir hara gedirsə, orada yaxşı şərait yaradılır".

"Azərbaycan Respublikasının Prezidenti, Ali Baş Komandan cənab İlham Əliyevin orduya göstərdiyi qayğı göz qabağındadır. Azərbaycan əsgərinin təminatı yüksək səviyyədədir. Bunu xalq da görür. Tam məsuliyyətimlə deyirəm, Azərbaycan Ordusunu dünyanın aparıcı ölkələrinin orduları ilə müqayisə etmək olar" - deyə o vurğulayıb.

Müdafiə naziri diqqətə çatdırıb ki, hazırda orduda təminat məsələlərinə mülki şəxslər baxırlar: "Hazırda 20 minə yaxın mülki şəxs orduda təsərrüfat işləri ilə məşğul olur. Onlar qab yuyurlar, yemək bişirirlər, camaşırxanalarda işləyirlər. Bu, həm də iş yeridir. Digər tərəfdən bu, əsgərləri təsərrüfat işlərindən ayıraraq döyüş hazırlığına yönəltməkdir. Əsgərlər bütün təsərrüfat işlərindən ayrılıb. Hələlik ön xətdə buna imkan yoxdur, amma mərhələli şəkildə bunu həll edəcəyik. İnanıram ki, 2019-cu ildə bu məsələ tam başa çatacaq. "Açıq qapı" elan edirik ki, gəlib baxsınlar, görsünlər. Biz özümüzü reklam etmirik. Biz gərək əsgərlərimizi təbliğ edək".

Həsənov Azərbaycan Ordusunun 100 illiyi ilə bağlı keçirilən paradda Ali Baş Komandan İlham Əliyevin bütün dünyaya mesaj verdiyini bildirib: "Bütün dünya Azərbaycanın hərbi imkanlarını, qüdrətini gördü. Prezident İlham Əliyev düşmənə mesaj verdi ki, Azərbaycan Ordusunun maddi-texniki bazası yüksək səviyyədədir, ağlınızı başınıza yığın, torpaqları azad edin. Paradı Türkiyə Prezidenti Rəcəb Tayyib Ərdoğan da izlədi. Tədbirdə Türkiyənin yüksək rütbəli zabitləri, nazirləri iştirak etdi. Bununla bütün dünyaya qardaşlıq, həmrəylik nümayiş etdirildi. Paradda ən müasir silahlar nümayiş olundu, düşmənlər də bunu gördü. Biz onların reaksiyasını da gördük. Prezident İlham Əliyev paradda çıxışı zamanı bildirdi ki, burada nümayiş etdirilən silahlar Azərbaycan Ordusunun malik olduğu silahların hamısı deyil. Mən bunu xüsusi qeyd etmək istərdim. Çünki bunun özü də bir mesaj idi".

"Azərbaycan Ordusunun qarşısında duran əsas məsələ Dağlıq Qarabağ münaqişəsi, Ermənistanın işğalı altında olan torpaqların azad olunmasıdır. Prezident İlham Əliyev bu istiqamətdə çox uğurlu siyasət həyata keçirir. Orduda döyüş hazırlığı yüksək səviyyədədir. Bunun yüksək səviyyədə olmasının göstəricilərindən biri müasir silahın, texnikanın olmasıdır. İkinci məsələ şəxsi heyətin bacarığı və peşəkarlığıdır. Bu gün Azərbaycan Ordusunun 90 faizi peşəkar hərbçilərdən ibarətdir. Döyüş hazırlığını müəyyən edən vəzifələrdə peşəkar hərbçilər xidmət edirlər" - nazir deyib.

"Bu yaxınlarda hərbi hissələrdən birinin tank bölüyündə oldum, tankçılarla görüşdüm. Tank idarə edənlər ən azı 3 il xidmətdə olanlardır. Bunlar artıq peşəkardırlar. Görüş zamanı tankçıdan soruşuram ki, aprel döyüşlərində iştirak etmisən? Deyir, bəli. Yəni döyüş təcrübəsi də var. Döyüş maşınlarını idarə edənlərin hamısı müddətdən artıq xidmət edənlərdir. Bunlar 5 il, 10 ildir ki, bu vəzifədədirlər. Təbii ki, bunlar vəsait tələb edir. Hazırkı iqtisadi imkanlar buna şərait yaradır. Azərbaycan əsgərinin qəhrəman obrazını formalaşdırmaq lazımdır" - o, əlavə edib.

Z.Həsənovun sözlərinə görə, Azərbaycanda hərbi hissələrin 80 faizi yenidən qurulub və hər birində şərait yüksək səviyyədədir: "Hazırda 12 böyük hərbi hissənin tikintisi davam edir, işlər, yəqin ki, 2019-cu ildə yekunlaşacaq. Gələn ilin əvvəlində Cəmşid Naxçıvanski adına hərbi liseyin bərpası başa çatacaq, açılışını planlaşdırırıq".

Nazir ilginc mesaj da verib: "Ötən il Naxçıvanda keçirilən hərbi əməliyyatlara Azərbaycan Respublikasının Prezidenti, Ali Baş Komandan cənab İlham Əliyev yüksək səviyyədə qiymət verib. Bir çox hallarda məxfiliyi qorumağa çalışırıq. Ona görə də Naxçıvan əməliyyatının detallarının hamısını danışmaq olmur. Həmin əməliyyatda Əlahiddə Ümumqoşun Ordusu əsgərindən tutmuş komandanına kimi yüksək peşəkarlıq nümayiş etdirib. Onlar əməliyyatı elə peşəkarlıqla həyata keçirdilər ki, qarşı tərəf dərk etmirdi ki, nə baş verir? Bəlkə də axıra qədər dərk edə bilməyiblər. İndi də öz uğursuzluqlarını, məğlubiyyətlərini ört-basdır etməyə çalışırlar. Bu isə onların problemidir".

"Ümumiyyətlə, hərbiçilər arasında söz davası aparmağın tərəfdarı deyiləm. Dəfələrlə demişəm, hərbçilər döyüş meydanında sözünü deyir. Bəzilərinin hərbi biliyi, bacarığı yoxdur və deyirlər ki, orada top atılmadı, döyüş aparılmadı... Əksinə, yüksək peşəkarlıqlı komandirlər bəzi əməliyyatları elə həyata keçirirlər ki, böyük atışmaya ehtiyac olmur" - o vurğulayıb.

Z.Həsənov Azərbaycan Ordusunun uğurla yeni tarix yazdığını vurğulayıb: "Dünyada gedən döyüşləri izləyirik, müsbət və ya mənfi tərəflərini təhlil edirik. Müsbət tərəflərini ordumuzda tətbiq edirik. 2016-cı ildə də hər şeyi xırdalığına qədər təhlil etdik, hansı təhdidlərlə üzləşdik, hansı çətinliklər qarşımıza çıxdı və sair. Problemlərin aradan qaldırılması üçün planlar cızdıq, Prezident İlham Əliyevə məruzə etdik. Bu məsələlərin içində yeni avadanlıq, silah alınması məsələsi də vardı. Prezident İlham Əliyev bu məsələyə diqqətlə yanaşdı, problemlərin əksəriyyəti həll edildi".

9575
Teqlər:
prezident, İlham Əliyev, Ali Baş Komandan, əməliyyat, Azərbaycan, ordu, müdafiə naziri, Zakir Həsənov
Əlaqədar
Azərbaycanla Türkiyə arasında hərbi əməkdaşlığa dair mühüm razılıq əldə olunub
Müdafiə Nazirliyi ilə Hərbi Prokurorluq birgə tədbirlər planı imzalayıb
DTX-nın hərbi hissəsində bayram tədbiri keçirilib
Xidmət müddəti başa çatmış hərbi qulluqçuların bir hissəsi ehtiyata buraxılıb
At, arxiv şəkli

Gədəbəydə naməlum şəxslər atı ağacdan asıblar

9
(Yenilənib 22:48 26.02.2021)
Tovuz rayonu Keşməli kənd sakini Həsənov Elton ona məxsus atın Gədəbəy rayonunun Saratovka kəndində ağacdan asıldığı ilə bağlı polisə şikayət ərizəsi təqdim edib.

BAKI, 26 fevral — Sputnik. Gədəbəy rayonunda Tovuz sakininə məxsus atın hələ ki, kimliyi məlum olmayan şəxs və ya şəxslər tərəfindən ağacdan asılmasına görə polis araşdırmalara başlayıb.

Bu barədə "Report"a DİN-ın Mətbuat Xidmətinin Gəncə regional qrupunun baş inspektoru, polis baş leytenantı Eşqin Qasımov bildirib.

“Vətəndaş Elton Həsənovun müraciəti ilə əlaqədar Gədəbəy rayon Polis Şöbəsində araşdırmalar aparılır, araşdırmanın nəticəsindən asılı olaraq məsələyə hüquqi qiymət veriləcək” - deyə, DİN rəsmisi bildirib.

Qeyd edək ki, Tovuz rayonu Keşməli kənd sakini Həsənov Elton İlham oğlu ona məxsus atın Gədəbəy rayonunun Saratovka kəndində hələlik kimliyi bilinməyən şəxs və ya şəxslər tərəfindən ağacdan asıldığı ilə bağlı polisə şikayət ərizəsi təqdim edib.

9
Zəfər muzeyi və memorial kompleksi, arxiv şəkli

Vətən müharibəsi memorial kompleksi Zəfər muzeyi fondunun eksponatları təqdim olunub

7
Mədəniyyət Nazirliyi tərəfindən Vətən müharibəsi memorial kompleksi və Zəfər muzeyi fondunun yaradılması üçün lazımi materialların toplanılması istiqamətində işlər davam etdirilir.

BAKI, 26 fevral — Sputnik. Mədəniyyət Nazirliyi tərəfindən Vətən müharibəsi memorial kompleksi və Zəfər muzeyi fondunun təşkili üçün lazımi materialların toplanılmasına başlanılıb.

Sputnik Azərbaycan xəbər verir ki, vətəndaşlarımız müvafiq materialların təhvil verilməsində fəal iştirak edirlər. Həmçinin bu istiqamətdə müxtəlif dövlət qurumları – Daxili İşlər Nazirliyinin Daxili Qoşunları, Azərbaycan Respublikasının Minatəmizləmə Agentliyi, Dövlət Sərhəd Xidməti, Müdafiə Sənayesi Nazirliyi öz töhfələrini verir. "Gazelli Art House" qalereyası da muzeyin fondu üçün materiallar təqdim edib. Təhvil verilən materiallar Zəfər muzeyi fondunun ilk eksponatlarıdır.

Təqdim edilən materiallar arasında Vətən müharibəsi zamanı Ermənistan silahlı qüvvələri tərəfindən Azərbaycanın dinc əhalisinə qarşı istifadə edilən müxtəlif növ silahlar və mərmilərin qalıqları, işğalçı ordu ilə qəhrəmancasına mübarizə aparan hərbçilərimizin şəxsi əşyaları da var. Bu əşyaların hər biri tarixi əhəmiyyət kəsb edir, çünki onlar möhtəşəm qələbəmizin "şahidi"dir.

Mədəniyyət Nazirliyi tərəfindən Vətən müharibəsi memorial kompleksi və Zəfər muzeyi fondunun yaradılması üçün lazımi materialların toplanılması istiqamətində işlər davam etdirilir.

7
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0