Azərbaycan bayrağı

Birləşmiş Ştatlarda Azərbaycanla bağlı daha bir önəmli bəyannamə qəbul edilib

412
(Yenilənib 13:29 28.12.2018)
Çikaqo meri bütün çikaqoluları Azərbaycanın Həmrəylik Günü və mədəniyyətlərarası əlaqələri qeyd etmək üçün Azərbaycan icmasına qoşulmağa dəvət edir

BAKI, 28 dekabr — Sputnik. ABŞ-ın İllinois ştatının Çikaqo şəhərinin meri Rahm Emanuel tərəfindən 31 dekabr Dünya Azərbaycanlılarının Həmrəylik Günü elan edilib. Azərbaycan Respublikasının ABŞ-dakı Səfirliyindən Sputnik Azərbaycan-a verilən məlumata görə, ABŞ-da yaşayan, habelə bütün dünya azərbaycanlılarına ünvanlanmış bəyannamədə 1991-ci ildə Azərbaycanın müstəqilliyini bərpa etməsindən sonra ölkəmizin Qafqazın əsas iqtisadi güc mənbəyinə çevrilməsi, regionda sülh, sabitlik, dözümlülük, multikulturalizmi və müxtəlif etnik mənsubiyyətlər arasında dialoqu təşviq etməsi vurğulanır.

ABŞ və Azərbaycan bayraqları
© Azərbaycanın Los Ancelesdəki Baş Konsulluğu

Sənəddə bildirilir ki, Həmrəylik Günü Azərbaycanın ümummilli lideri Heydər Əliyev tərəfindən ölkəmizin bütün dünyada yaşayan azərbaycanlılarla güclü bağlarını qeyd etməsi üçün elan edilib.

Dünyada 50 milyon Azərbaycanlının yaşadığı qeyd olunan bəyannamədə ölkəmizin ABŞ-ın müttəfiqi və tərəfdaşı olması, Çikaqoda yaşayan Azərbaycan icmasının bu şəhərin müxtəliflik, mədəniyyətlərarası anlaşma və rifahına töhvə verməsi alqışlanır, 2015-ci ildə bu icma tərəfindən yaradılan ABŞ-ın Orta Qərb ştatları üzrə Azərbaycan Mərkəzinin ABŞ-Azərbaycan münasibətlərinin güclənməsinə xidmət etməsi təqdir olunur.

Çikaqo meri bütün çikaqoluları Azərbaycanın Həmrəylik Günü və mədəniyyətlərarası əlaqələri qeyd etmək üçün Azərbaycan icmasına qoşulmağa dəvət edir.

Xatırladaq ki, Çikaqo meri tərəfindən sözügedən bəyannamə ABŞ-ın Orta Qərb ştatları üzrə Azərbaycan Mərkəzinə təqdim edilib.

Onu da qeyd edək ki, bu günlərdə analoji qərar ABŞ-ın San Dieqo şəhərinin rəhbərliyi tərəfindən də qəbul olunub.

412
Teqlər:
Dünya Azərbaycanlılarının Həmrəylik Günü, şəhər, ABŞ
Əlaqədar
ABŞ-dan Azərbaycan nefti ilə bağlı proqnoz gəldi
Yeni ildə milyonlarla azərbaycanlının gözü ABŞ-a zillənəcək
Rusiya və ABŞ-dan Azərbaycana böyük etimad

Qarabağdakı hava limanları ICAO reyestrinə daxil ediləcək

0
Hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

 

BAKI, 25 noyabr — Sputnik. Beynəlxalq Mülki Aviasiya Təşkilatı (ICAO) Azərbaycanın daha 6 hava limanının beynəlxalq məkan indeksləri kataloquna daxil edilməsini təsdiq edib.

Sputnik Azərbaycan bu barədə "Azərbaycan Hava Yolları" QSC-yə (AZAL) istinadən xəbər verir.

“Əlamətdar haldır ki, beynəlxalq təşkilatın yenilənmiş reyestrinə Zabrat, Yevlax və Naftalandakı hava limanları ilə yanaşı, həm də Ali Baş Komandan, Prezident İlham Əliyevin rəhbərliyi altında azad edilmiş ərazilərdə - Ağdam, Füzuli və Xankəndində yerləşən hava limanları da daxil olacaq. Bu, beynəlxalq aviasiya qurumlarının ölkəmizin ərazi bütövlüyünü tanımasının növbəti təzahürüdür”, – deyə AZAL-ın prezidenti Cahangir Əsgərov bildirib.

Qeyd edilən hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

Azərbaycanın beynəlxalq səviyyədə tanınmış sərhədləri daxilində aeronaviqasiya xidmətinə görə məsuliyyət Çikaqo konvensiyasının (ICAO-nin 7300 nömrəli sənədi) prinsiplərinə uyğun olaraq, AZANS Hava Hərəkəti İdarəsinə həvalə edilib. Bu məsuliyyət hədləri ICAO Şurası tərəfindən təsdiq edilib və Azərbaycanın suveren ərazilərinə müvafiqdir.

Qeyd etmək lazımdır ki, ICAO Azərbaycanın öz ərazisi üzərindəki hava məkanında mütləq suverenliyini dəfələrlə təsdiq və qeyd edib.

Məkanın işarələri 7910/178 nömrəli Sənədin müddəalarına müvafiq olması məqsədilə ICAO tərəfindən yoxlanılır. Rüblük sənədə dəyişikliklər yalnız müvafiq qaydada nəzərdən keçirildikdən sonra daxil edilir.

Qeyd etməliyik ki, işğal edilmiş ərazilər üzərində hava məkanı təxminən 30 il müddətində beynəlxalq uçuşlar üçün bağlı olub. Həmin ərazidəki mülki aviasiya infrastukturu ciddi şəkildə zərər çəkmiş və tam dağılmış vəziyyətə gətirilib.

Beynəlxalq uçuşların həyata keçirilməsi məqsədilə, uzun illər Ermənistan işğalı altında qalan ərazilər üzərində aeronaviqasiya təminatının bərpa edilməsi üzrə işlər yerinə yetiriləcəkdir. Bütün bunlar mülki aviasiyanın təkcə regional səviyyədə deyil, həm də qlobal miqyasda inkişaf etməsinə kömək edəcək.

0
Teqlər:
Xocalı hava limanı, hava limanı, AZAL
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

9
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

9
Teqlər:
Azərbaycan, test, Koronavirus, COVID-19, yoluxma