Azərbaycan Daxili İşlər Nazirliyi

Başı qırxılan gənc qadınla bağlı rəsmi açıqlama

1009
(Yenilənib 15:28 03.12.2018)
O bildirib ki, hazırda Mingəçevir Şəhər Polis Şöbəsində məsələ ilə bağlı araşdırma aparılır və nəticəsindən asılı olaraq məsələyə hüquqi qiymət veriləcək

BAKI, 3 dekabr — Sputnik. "Kütləvi informasiya vasitələrində, sosial şəbəkələrdə əri tərəfindən başı qırxılan gənc qadınla bağlı məlum video yayıldıqdan sonra araşdırma aparılaraq onların şəxsiyyəti müəyyən olunub". Bu barədə Sputnik Azərbaycan-a Daxili İşlər Nazirliyi Mətbuat Xidmətinin rəis müavini Orxan Mansurzadə məlumat verib.

O qeyd edib ki, kütləvi informasiya vasitələrində, sosial şəbəkələrdə əri tərəfindən başı qırxılan gənc qadınla bağlı məlum video yayıldıqdan sonra araşdırma aparılaraq onların şəxsiyyəti müəyyən olunub: "Qadının anası, Mingəçevir şəhər sakini olan X.Malışova dekabrın 1-də ŞPŞ-yə ərizə ilə müraciət edərək onun ailəsinin və qızının şərəf və ləyaqətinin alçaldıldığını, şəxsi həyatının toxunulmazlığının pozulduğunu bildirib, bu məsələdə günahkar şəxslərin cəzalandırılmasını xahiş edib". 

O.Mansurzadənin sözlərinə görə, araşdırmalarla müəyyən edilib ki, Gəncə şəhərində anadan olmuş, hazırda Rusiya Federasiyasının vətəndaşı olan E.Həsənovla 2013-cü ilin aprel ayında ailə həyatı quran qadın iki il yarım müddətində həyat yoldaşı və sonuncunun ailə üzvləri ilə birlikdə Rusiyanın Stavropol vilayətinin Kislovodsk şəhərində yaşayıb.

"Lakin 2015-ci ilin oktyabrında həyat yoldaşı ilə münasibətlərində problem yarandığına görə o, anasının yanına qayıdaraq 4 yaşlı övladı ilə birlikdə yaşamağa başlayıb. Bu ilin sentyabrında ərinin valideynlərini qaynanası və qaynatası gəlinlərini yenidən Rusiya Federasiyasına aparsalar da, həmin ayın sonlarında həyat yoldaşının şübhələri və qısqanclığı səbəbindən yenidən narazılıq yaranıb və E.Həsənov Kislovodsk şəhərindəki yaşadıqları ünvanda anasının və böyük qardaşının köməkliyi ilə qadınnın saçını qırxaraq bunu videoçəkilişlə qeydə alıb" - deyə Mansurzadə qeyd edib.

O bildirib ki, hazırda Mingəçevir Şəhər Polis Şöbəsində məsələ ilə bağlı araşdırma aparılır və nəticəsindən asılı olaraq məsələyə hüquqi qiymət veriləcək.

1009
Teqlər:
Daxili İşlər Nazirliyi
Əlaqədar
Təbrizdən Bakıya köçən qadın: “Nəslimdə bir nəfər də olsun azərbaycanlı yoxdur”
Bakıda qadın öz ərini iyrənc cinayətdə günahlandırıb
"Kiminsə sevgilisi, saxladığı qadın deyiləm, gecələr rəqs edib çörək qazanıram"
Körpə, uşaq, qadın demirlər — ABŞ gözyaşardıcı qazdan istifadə edir
Bölgədə itkin düşmüş qadın Bakıda tapıldı
Əldə bıçaq, arxiv şəkli

Bərdədə bıçaqlanan icra başçısının keçmiş müavini imiş

44
(Yenilənib 19:34 30.05.2020)
Oğlu ilə bacısı oğlunu sakitləşdirmətə çalışan ataya üç bıçaq zərbəsi vurulub. Bacıoğlu dayıya rəhm etməyib.

Musa Muradlı, Sputnik Azərbaycan

BAKI, 30 may - Sputnik. Bərdə rayonunun Şərəfli kəndində məişət zəminində bıçaqlama hadisəsi baş verib. Sputnik Azərbaycan-ın əldə etdiyi məlumata görə, kənd sakinləri Şamil Qasımov və Orxan Fərəcbəyli arasında yaranan mübahisə əlbəyaxa davaya çevrilib. Orxan Fərəcbəyli bıçaqdan istifadə etmək istəyərkən Şamil Qasımovun atası Məzahir Qasımov araya girərək onları aralaşdırmağa çalışıb. Bu zaman Fərəcbəyli dayısı Məzahir Qasımova 3 bıçaq zərbəsi vurub.

Hadisə vaxtı yaralanan Məzahir Qasımov Bərdə rayon Mərkəzi Xəstəxanasına yerləşdirilib. Yaralı Məzahir Qasımovun vəziyyəti qənaətbəxşdir.

Faktla bağlı Bərdə Rayon Polis Şöbəsində cinayət işi başlanıb. Hadisəni törədən O.Fərəcbəylini saxlamaq hələlik mümkün olmayıb.

Onu da qeyd edək ki, Məzahir Qasımov 2005-2010-cu illərdə Bərdə rayon İcra Hakimiyyəti Başçısının I müavini vəzifəsində çalışıb. Hazırda “Azərtoxum” MMC-nin direktorudur.

44
Baş Prokurorluğun binası, arxiv şəkli

Baş Prokurorluq Bərdədə iki nəfərin bıçaqlanması ilə bağlı məlumat yaydı

7
(Yenilənib 19:34 30.05.2020)
Elçin Cəfərov Cinayət Məcəlləsinin qeyd edilən maddələri ilə nəzərdə tutulan cinayət əməlini törətməkdə şübhəli şəxs qismində tutularaq istintaqa cəlb olunub.

BAKI, 30 may - Sputnik. Baş Prokurorluq bu gün Bərdədə baş verən bıçaqlanma hadisəsi ilə bağlı məlumat yayıb.

Prokurorluğun Mətbuat Xidmətindən Sputnik Azərbaycan-a verilən məlumatda bildirilir:

Mayın 30-da saat 11 radələrində Bərdə rayonunun Qaradəmirçi kənd sakini Vüsalə Cəfərovanın qardaşı Elçin Cəfərov tərəfindən döyülməsi barədə daxil olmuş məlumat əsasında dərhal rayon polis şöbəsinin əməkdaşları həmin ünvana gediblər.

Polis əməkdaşları evin həyətyanı sahəsinə daxil olarkən Vüsalə azyaşlı övladı Fatimə ilə birlikdə onlara yaxınlaşan zaman Elçin Cəfərov əlindəki bıçaqla onu təqib edərək qadına kürək nahiyəsindən qəsdən 3 dəfə vurub bədən xəsarətləri yetirib, daha sonra xidməti vəzifəsini həyata keçirməklə Vüsalənin öldürülməsinin qarşısını alan polis əməkdaşı Eşqin Məmmədova da bıçaqla qəsdən bir zərbə vuraraq daxilə keçən deşilmiş-cırılmış xəsarət yetirib.

Elçin Cəfərov digər polis əməkdaşları tərəfindən zərərsizləşdirilərək saxlanılıb.

Faktla bağlı Bərdə rayon Prokurorluğunda Cinayət Məcəlləsinin 29, 120.1 (qəsdən adam öldürməyə cəhd), 126.1 (qəsdən sağlamlığa ağır zərər vurma) və 315.2-ci (hakimiyyət nümayəndələrinə həyat və sağlamlıq üçün təhlükəli olan zor tətbiq etmə) maddələri ilə cinayət işi başlanıb.

İş üzrə hadisə yerinə baxış keçirilməklə iş üçün əhəmiyyət kəsb edən maddi sübutlar götürülüb, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib.

Elçin Cəfərov Cinayət Məcəlləsinin qeyd edilən maddələri ilə nəzərdə tutulan cinayət əməlini törətməkdə şübhəli şəxs qismində tutularaq istintaqa cəlb olunub, müdafiəçinin iştirakı ilə dindirilərkən törətdiyi cinayəti etiraf edib.

Hadisədən dərhal sonra zərərçəkmiş şəxslər Bərdə rayon mərkəzi xəstəxanasına çatdırılıb və onlara ilkin tibbi yardım göstərilib.

Hazırda zərərçəkmiş V.Cəfərova və polis əməkdaşının stasionar qaydada müalicələri davam etdirilir.

Cinayət işi üzrə zəruri istintaq-əməliyyat tədbirləri həyata keçirilməkdədir.

7
Minneapolisdə etirazlar

ABŞ-da iğtişaşlar yeni mərhələdə - Məsələyə Pentaqon qarışır

0
Şimali Karolina və Nyu-York ştatlarındakı hərbi polis birləşmələri hazır vəziyyətə gətirilib, əsgərlərə müvafiq tapşırıq alındıqdan sonra Minneapolisə getməyə hazır olmaq əmr edilib.

BAKI, 30 may - Sputnik. Pentaqon hərbi polis birləşmələrinə Minneapolisə yola düşməyə hazır olmağı əmr edib. Bu şəhərdə artıq neçə gündür ki, qaradərili Corc Floydun öldürülməsi ilə bağlı etiraz aksiyaları keçirilir. Məlumatı üç mənbəyə əsasən Associated Press paylaşıb.

Agentliyin məlumatına görə, ABŞ şəhərində qoşun yeridilməsi Müdafiə Nazirliyi üçün nadir haldır.

Şimali Karolina və Nyu-York ştatlarındakı hərbi polis birləşmələri hazır vəziyyətə gətirilib, əsgərlərə müvafiq tapşırıq alındıqdan sonra Minneapolisə getməyə hazır olmaq əmr edilib. Kolorado və Kanzas ştatlarındakı hərbçilər də analoji əmrlər alıblar, onlar bir sutka ərzində yola düşməyə hazır olmalıdırlar. Ümumilikdə 800 əsgər yola düşməyə hazır olmalıdır.

Pentaqondakı yüksək səviyyəli mənbənin sözlərinə görə, bu əmr ABŞ Prezidenti Donald Trampın Müdafiə naziri Mark Esperə Minneapolisdəki vəziyyətə mümkün çevik müdaxilə variantlarını nəzərdən keçirməsi barədə müraciət etdikdən sonra ortaya çıxıb.

Minneapolisdə polslə toqquşmaya səbəb olmuş kütləvi etirazlar mayın 26-dan davam edir. Etirazçılar polis zorakılığı nəticədinə qaradərili Corc Floydun ölməsi səbəbindən küçələrı çıxıblar. Etiraz tez bir zamanda iğtişaşa çevrilib. Artıq Milli Qvardiya hissələri şəhərdədir.

0