Siyavuş Novruzov

Daha bir deputat öz əməkhaqlarının artırılmasını tələb edir

165
(Yenilənib 13:34 15.11.2018)
Milli Məclisdə sosioloji sorğu mərkəzinin yaradılması təklif edilib

BAKI, 15 noyabr-Sputnik. "Büdcədən Milli Məclisə ayrılan vəsait daha da artırılaraq, parlamentin adından hazırlanan sənədlərlə bağlı ayrıca şöbə yaradılmalıdır". Sputnik Azərbaycan xəbər verir ki, bunu Milli Məclisin deputatı Siyavuş Novruzov Milli Məclisin xərclər smetası ilə bağlı qanun layihəsinin müzakirəsi zamanı çıxış edərkən deyib.

O bildirib ki, Milli Məclisin adından xarici dillərdə sənədlər hazırlanır: "Onların hazırlanması üçün rus dilli, ingilis dilli mütəxəssislər cəlb olunmalıdır. Çünki Milli Məclisə bəzən qanunlar, müqavilələr bərbad halda gəlir. Bu baxımdan, xarici dilləri bilən mütəxəssislər yığışıb, buradan gedən sənədlərin mükəmməl olmasını təmin etməlidirlər". 

Boş deputat oturacaqları
© Sputnik / Murad Orujov

Milli Məclisdə sosioloji sorğu mərkəzinin yaradılmasını təklif edən S.Novruzov əvvəllər belə bir şöbənin fəaliyyət göstərdiyini dilə gətirib: "Prezident İlham Əliyev Milli Məclisin fəaliyyətini yüksək qiymətləndirir. Amma biz fəaliyyətimizlə bağlı ictimaiyyətin münasibətini bilmirik. Heç olmasa, ayda 1 dəfə mərkəz tərəfindən sorğu keçirilməli, mütəxəssislər tərəfindən sorğular vasitəsilə ictimaiyyətin fikri öyrənilməlidir. Dünya təcrübəsində bütün konqreslərdə bu cür mərkəzlər fəaliyyət göstərir, təhlillər həyata keçirilir"

Deputat çıxışı zamanı Milli Məclisə xarici ezamiyyələrlə bağlı ayrılan vəsaitin artırılmasını da təklif edib: “Bundan əlavə, Milli Məclisin əməkdaşlarının da əmək haqları artırımalıdır. Çünki, onlar gecə-gündüz işləyir, gündəlik gələn qonaqları, ayrı-ayrı parlament üzvlərini sənədləri, yerləşdirilməsi məsələsi ilə məşğul olurlar. Bu baxımdan, bu sahəyə ayrılan vəsait artırılmalıdır. Bu sahədə çalışanlar əziyyət çəkir və onlar da öz bəhrələrini görməlidirlər" .

Qeyd edək ki, bundan öncə deputat Qüdrət Həsənquliyev də millət vəkillərinin əmək haqlarının artırılması ilə bağlı təklif irəli sürmüşdü.

165
Teqlər:
Milli Məclis
Əlaqədar
Milli Məclis üzvləri üçün yeni qadağalar gəlir
Milli Məclis üzvündən sensasion təklif
Milli Məclis ilk oxunuşda qərarını verdi, diqqətlər 23 noyabra yönəlib
Milli Məclis yekun iclasını keçirir
Milli Məclis gözlənilən ciddi dəyişikliklərin müzakirəsinə başladı
COVID-19 virusundan ölən şəxsin meyiti morqa yerləşdirilir, arxiv şəkli

Dünyaya təəccüblənirdik, özümüz milyonu keçmişik: bu gün 38 nəfəri itirdik

5
İndiyədək ölkədə ümumilikdə 1181195 nəfərin koronavirus infeksiyasına yoluxması faktı müəyyən edilib

BAKI, 29 noyabr - Sputnik. Azərbaycan Respublikasında koronavirus (COVID-19) infeksiyasına 4170 yeni yoluxma faktı qeydə alınıb, 1985 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 38 nəfər vəfat edib.

İndiyədək ölkədə ümumilikdə 1181195 nəfərin koronavirus infeksiyasına yoluxması faktı müəyyən edilib, onlardan 73676 nəfər müalicə olunaraq sağalıb, 1361 nəfər vəfat edib, aktiv xəstə sayı 43158 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 17581, ötən müddət ərzində isə ümumilikdə 17182335 test aparılıb.

5
Teqlər:
rekord, ölənlər, yoluxma, Koronavirus, epidemiya, COVID-19, Azərbaycan
Mövzu:
Azərbaycanda koronavirus: son xəbərlər
ANAMA əməkdaşları, arxiv şəkli

İşğaldan azad olunan ərazilərdə mina təhlükəsi: vaxt qayıtmaq mümkün olacaq?

7
(Yenilənib 14:00 29.11.2020)
"10 il dedikdə bu, insanların əraziyə qayıtması deyil, bütün mina problemlərindən tam olaraq azad olunmadır" - ANAMA rəsmisi

BAKI, 29 noyabr - Sputnik. Tərtər-Suqovuşan yolunun yenidən qurulması, ərazilərin minalardan və partlamamış silah-sursatdan təmizlənməsi üçün əməliyyat-axtarış tədbirləri davam etdirilir.

Sputnik Azərbaycan APA-ya istinadən bildirir ki, bunu ANAMA-nın Operativ Qərargahının rəisi İdris İsmayılov söyləyib.

Onun dediyinə görə, artıq burada 10 gündür təmizləmə işi 3 istiqamətdə əllə, mexaniki maşınlarla və minaaxtaran vasitəsilə həyata keçirilir.

İsmayılov bildirib ki, bu günə kimi 169 ədəd mina və partlamamış hərbi sursat, tank əleyhinə və piyada əleyhinə minalar aşkar olunaraq zərərsizləşdirilib. 10 km yoldan artıq 8 km-i təmizlənib. Son 3-4 gün ərzində isə  yerdə qalan hissə təmizlənib istifadəyə veriləcək. Ümumiyyətlə, 27 sentyabr tarixindən əməliyyat-axtarış tədbirləri nəticəsində 750 ədəd partlamamış hərbi sursat,  4500 ədəd  piyada əleyhinə mina və 2000-ə yaxın tank əleyhinə mina aşkar edilərək götürülüb.

"Hazırda partlamamış silah-sursatla çirklənmiş ərazilərdə axtarış davam etdirilir. Ümumi ərazilərin və yaşayış məntəqələrin təmizlənməsi 3-5 ilə, tam olaraq bu işlərin başa çatdırılması isə 10 il müddətində nəzərdə tutulur. 10 il dedikdə bu, insanların əraziyə qayıtması deyil, bütün mina  problemlərindən tam olaraq azad olunmadır. Ucqar dağlıq ərazilərdə, əkin-otlaq sahələrində bunların hamısının təmizlənməsi 10 il müddətində nəzərdə tutulur. İnsanların qayıdışı isə daha tez müddətdə nəzərdə tutulur", - İ.İsmayılov bildirib.

7
Teqlər:
Qarabağ, əhali, təmizləmə, yol, Tərtər, Suqovuşan, ANAMA, təhlükə, işğaldan azad edilmiş ərazilər, mina
Mövzu:
Azərbaycan və Ermənistan arasında müharibə