Vərəmin diaqnostika, müalicə və profilaktikasına müasir yanaşmalar mövzusunda beynəlxalq elmi-praktiki konfrans

Bakıda təhlükəli xəstəliklə bağlı həyəcan siqnalı verildi

376
(Yenilənib 10:33 06.11.2018)
Hər gün 13 uşaq isə məhz vərəm xəstəliyindən dünyasını dəyişir

BAKI, 6 noyabr - Sputnik. "Vərəmin diaqnostika, müalicə və profilaktikasına müasir yanaşmalar" mövzusunda beynəlxalq elmi-praktiki konfrans keçirilir.

Sputnik Azərbaycan xəbər verir ki, konfransda millət vəkili, Ailə, qadın və uşaq məsələləri komitəsinin üzvi Sədaqət Vəliyeva çıxış edib. O bildirib ki, vərəmin diaqnostika, müalicə və profilaktikasına müasir yanaşmaların işlənib hazırlanmasında əsas məqsəd bu xəstəliklərdən ölənlərin sayının azaladılmasıdır. Əsas hədəf 2035-i ilə qədər vərəmdən ölüm hallarının 95 faizədək aşağı salınmasıdır.

Ümumdünya Səhiyyə Təşkilatının loqosu
© AP Photo / Anja Niedringhaus

Deputat onu da qeyd edib ki, bu istiqamətdə Səhiyyə Nazirliyi tərəfindən bir çox işlər görülür. Ümumdünya Səhiyyə Təşkilatı ilə əməkdaşlığın aparılması da bu işə müsbət töhfə verəcək. 

Ümumdünya Səhiyyə Təşkilatının nümayəndəsi Sayohat Həsənova isə çıxışında Avropa regionundakı vərəm xəstəliyi ilə bağlı son vəziyyətdən danışıb. O qeyd edib ki, təkcə 2016-cı ilin statistikasına görə, 290 min vərəmli xəstə qeydə alınıb və onların 32 mini uşaq, 87 mini isə qadındır.

S.Həsənova vurğulayıb ki, regionda hər 20 dəqiqədə 1 nəfər dünyasını dəyişir. Hər gün 13 uşaq isə məhz vərəm xəstəliyindən dünyasını dəyişir: “Avropada vərəmli xəstələrin sayına nəzər yetirdikdə, burada 100 minə 32 vərəmli xəstənin düşdüyünü görə bilərik. Vərəmlə bağlı hazırlanan xəritəyə nəzər yetirdikdə regionumuzun həm qalib, həm də bəzi məsələlərdə məğlub olduğunu deyə bilərik. Avropa ilə müqayisədə regionumuzda vərəmin azalma tempi daha yüksəkdir”.

“Əsas uğurlardan biri isə vərəmli xəstələrin daha tez aşkarlanmasıdır. Regionda vərəm xəstəliyinin aşkarlanma tempi Avropa ilə müqayisədə yüksəkdir” – deyə o vurğulayıb.

Ümumdünya Səhiyyə Təşkilatının nümayəndəsi regionda QİÇS xəstələrinin də sayının artdığını bildirib: “Hər il regionda QİÇS xəstələrinin sayı artır. Regionda hər il, təxminən, 12-13 faiz artım nəzərə çarpır. Xəstələrin sayının artması ilə əlaqədar olaraq ölüm hallarında da 12 faiz artım nəzərə çarpır”. 

Daha sonra deputat Sədaqət Vəliyeva regionlardakı vəziyyətdən danışıb. Bildirib ki, regionlarda əldə olunan nəticələr vəziyyətin heç də yaxşı olmadığını deməyə əsas verir: “Bu sırada Xocavəndi xüsusi ilə qeyd etmək olar. 2017-ci ildə rayonlar üzrə Xocavənddə epidemioloji vəziyyət gərgin olub. Bundan başqa, xəritədəki digər regionlarda, o cümlədən də Oğuz və Qaxda da göstəricilər heç də ürəkaçan deyil. Bu isə onu deməyə əsas verir ki, regionlarda vərəmlə mübarizə lazımınca aparılmır”.

Regionların vərəm xəritəsini nümayiş etdirən S.Vəliyeva 2013-cü ildə ARV-yə cəlb olunanların 60, 2017-ci ildə isə 83 faiz olduğunu söyləyib. Bildirib ki, geniş saylı dərmanlara davamlı vərəm xəstələrin 325 nəfəri müalicəyə cəlb olunub: “2017-ci ildə aşkar olunmuş 3871 vərəmli xəstələrin 373 nəfəri 0-17 yaş uşaq və yeniyetmələr olub. Uşaq və yeniyetmələrin vərəmlə xəstələnmə göstəricisi 15 faiz olub”.

Deputatın sözlərinə görə, bu gün Azərbaycanda təkrar müalicə olunanlar 74 faiz təşkil edir. “2012-2013-cü illərdə Azərbaycanda  çoxsaylı dərmanlara davamlı vərəmlər 13 faiz təşkil edib. Son bir ildə bu faiz 12-yə düşüb. Azərbaycanda uğurlu müalicə 59 faiz təşkil edir”.

S.Vəliyeva 2013-2017-ci illəri əhatə edən vərəmli xəstələrin İİV müayinəsinə ARV terapiyaya cəlb olunması üzrə göstəricilərin dinamikası ilə bağlı statistikaları da açıqlayıb. Qeyd edib ki, “2016-cı ildə bu faiz 79, 2017-ci ildə 81 olub. İİV-ə görə müayinədən keçənlərin faizi 2016-cı ildə 79, 2017-ci ildə 83 nəfər təşkil edib.

376
Teqlər:
deputat, Ümumdünya Səhiyyə Təşkilatı, Sədaqət Vəliyeva, QİÇS, vərəm
Əlaqədar
Möcüzə: Vərəm diaqnozu qoyan siçovullar
Azərbaycanda vərəm xəstələrinin sayı açıqlandı
Vərəm tüğyan edir – “SOS” verildi
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

4
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

4
Teqlər:
psixoloji yardım, sosial, reabilitasiya, əziyyət, müharibə, uşaqlar
Azərbaycan bayrağı, arxiv şəkli

Vətən müharibəsində iştirak edən gənclərə növbəti dəstək

13
(Yenilənib 22:37 27.11.2020)
"İşəgötürənlər üçün Əməkhaqqı Subsidiyası", "Biznesini Yarat Marafonu", "Peşəkar Gənclik Layihəsi"nin həyata keçirilməsi planlaşdırılır

BAKI, 27 noyabr — Sputnik. Dövlət Məşğulluq Agentliyi və Azərbaycan Respublikasının Gənclər Fondu ortaq layihələrə başlayacaq. Fonddan Sputnik Azərbaycan-a verilən məlumata görə, iki qurum tərəfindən "Gənclərin dayanıqlı məşğulluq proqramı"na start verilməsi və bu proqram çərçivəsində "İşəgötürənlər üçün Əməkhaqqı Subsidiyası", "Biznesini Yarat Marafonu", "Peşəkar Gənclik Layihəsi"nin həyata keçirilməsi planlaşdırılır.

Proqramın və həyata keçiriləcək layihələrin müzakirəsi məqsədilə Dövlət Məşğulluq Agentliyi və Gənclər Fondu arasında onlayn görüş keçirilib. Görüşdə Dövlət Məşğulluq Agentliyinin İdarə Heyətinin sədri Mustafa Abbasbəyli, Gənclər Fondunun icraçı direktoru Fərid Cəfərov və iki qurumun əməkdaşları iştirak ediblər.

Bildirilib ki, layihələrin icrası zamanı işsiz və işaxtaran, ixtisası və peşəsi olmayan, əmək qabiliyyətli əlilliyi olan, risk qrupuna daxil olan gənclərlə yanaşı, Vətən müharibəsində iştirak edən, ikinci Qarabağ müharibəsi nəticəsində zərər görən və ya şəhid ailəsinin üzvü olan gənclərə üstünlük veriləcək.

Qeyd edilib ki, layihənin əsas məqsədi də xüsusilə həssas qrupdan olan gənclərin sosial müdafiəsinin gücləndirilməsi, məşğulluqlarının təmin edilməsi, gənclərdə rəqabətə davamlılığın artırılması, mövcud potensiallarının reallaşdırılmasıdır.

Görüşdə hər iki qurumun üzərinə düşən öhdəliklər də müzakirə edilib və vəzifə bölgüsü aparılıb. Yaxın günlərdə "Gənclərin dayanıqlı məşğulluq proqramı" və proqram çərçivəsində həyata keçiriləcək layihələr ictimaiyyətə geniş təqdim ediləcək.

13
Teqlər:
əməkhaqqı, biznes, , dəstək, iştirakçı, qazi, Qarabağ, Vətən müharibəsi