Bacadan cıxan tüstü

Havanı zəhərləyən zavodla bağlı tədbir görüldü

71
Faktla bağlı zavodun iş icraçısı Rizvan Müslümov barəsində protokol tərtib edilib

BAKI, 31 oktyabr — Sputnik. Ekologiya və Təbii Sərvətlər Nazirliyinin "Qaynar xətt"inə Bakı- Salyan avtomobil magistral yolunun kənarında fəaliyyət göstərən kərpic zavodundan havaya qara tüstü atılması ilə bağlı şikayət daxil olub. Bu barədə Sputnik Azərbaycan-a Ekologiya və Təbii Sərvətlər Nazirliyinin mətbuat xidmətindən məlumat verilib.

Qeyd olunub ki, nazirliyin əməkdaşları tərəfindən sözügedən ərazidə fəaliyyət göstərən Kərpic İstehsalı Zavodunun ətraf ərazilərində araşdırma və monitorinq aparılıb.

Zavodun ətraf ərazisinin atmosfer havasından nümunələr götürülərək analizlər aparılıb. Analizlərin nəticələrinə görə qaz birləşmələrindən toluol 1.4, etil-benzol 4.8, meta-ksilol 1.3, his 3, tozun miqdarının isə 4.2 dəfə sanitar normadan artıq olduğu müəyyən edilib.

Faktla bağlı zavodun iş icraçısı Rizvan Müslümov barəsində protokol tərtib edilib və o, İnzibati Xətalar Məcəlləsinin müvafiq maddəsinə əsasən, vəzifəli şəxs qismində 2500 manat məbləğində cərimə olunub.

71
Əlaqədar
Dəfn qaydaları dəyişir, 3 əmələ görə cərimə tətbiq olunacaq
Sürücülərə xəbərdarlıq: Bu gündən yeni cərimə tətbiq ediləcək
Yol polisi sürücülərə xəbərdarlıq edir: Geciksəniz, cərimə ediləcəksiniz
Son bir ay ərzində paytaxt sürücülərini cana yığan şəxslər cərimə olundu