CƏMİYYƏT
Cəmiyyətin həyatında baş verən aktual hadisələr

Badamdar sürüşmə zonasından yeni xəbər var

© Sputnik / Irade JELILTeleviziya Qülləsi yaxınlığında sürüşmə sahəsi
Televiziya Qülləsi yaxınlığında sürüşmə sahəsi - Sputnik Azərbaycan
Abunə olmaq
Sürüşmə müstəvisində olan çatların ölçüsündə də nisbi artım müşahidə olunub

BAKI, 30 oktyabr - Sputnik. Badamdar sürüşmə sahəsində monitorinqlər davam etdirilir. Bu barədə Sputnik Azərbaycan-a Ekologiya və Təbii Sərvətlər Nazirliyi tərəfindən yaradılan Qərargahdan məlumat verilib. 

Зона оползней на Баилово - Sputnik Azərbaycan
HADİSƏ
Badamdar göz görə-görə sürüşür

Bildirilib ki, sürüşmə zonasında 30 oktyabr saat 10:00-a olan monitorinqlərin nəticəsinə əsasən, ərazidə gərginlik qalmaqdadır. Həmçinin sürüşmənin yuxarı hissəsində asılı halda olan süxur kütləsinin qopması qeydə alınıb.

Sürüşmə müstəvisində olan çatların ölçüsündə də nisbi artım müşahidə olunub. Yuxarı hissədə yerləşən fərdi yaşayış evlərinin hasarlarında quraşdırılmış mayaklarda isə dəyişiklik qeydə alınmayıb.

Xatırladaq ki, Badamdar - 20-ci sahə yolunun sağ kənarında sürüşmə oktyabrın əvvələrindən müşahidə edilir. Ərazidə 11 fərdi ev və 3 obyekt var. Məlumata görə, evlərin divarlarında müxtəlif ölçülü çatlar yaranıb. Çatlara mayaklar qoyulub. Vəziyyət nəzarət altındadır.

Xəbər lenti
0