Azərbaycanın Baş naziri Novruz Məmmədov

Novruz Məmmədov: "Türkiyə Cümhuriyyətinin elan olunması böyük hadisə idi"

22
(Yenilənib 21:06 29.10.2018)
Novruz Məmmədov Türkiyə xalqını Cümhuriyyətin 95-ci ildönümü münasibətilə təbrik edib

Eldar Tanrıverdiyev, Sputnik Azərbaycan 

BAKI, 29 oktyabr — Sputnik. Türkiyə Cümhuriyyətinin qurulmasının 95-ci ildönümü münasibətilə Türkiyənin Azərbaycandakı səfirliyi rəsmi qəbul təşkil edib.

Sputnik Azərbaycan xəbər verir ki, tədbiri giriş sözü ilə açan Türkiyənin Azərbaycandakı səfiri Erkan Özoral Türkiyə Prezidenti Rəcəb Tayyib Ərdoğanın təbrik məktubunu oxuyub.

Daha sonra Azərbaycanın baş naziri Novruz Məmmədov Türkiyə xalqını Cümhuriyyətin 95-ci ildönümü münasibətilə təbrik edib. O bildirib ki, Türkiyədə hazırda ikinci böyük bayram yaşanır: "Bu gün İstanbul Yeni Hava Limanının açılışı baş tutur. Bu, qardaş Türkiyənin dünyada həyata keçirdiyi böyük layihələrdən biridir. Böyük hadisə ilə əlaqədar Türkiyə xalqını, ölkə prezidenti Rəcəb Tayyib Ərdoğanı təbrik edirəm". 

Novruz Məmmədov Azərbaycan prezidenti İlham Əliyevin və hökumətin adından təbrikləri də çatdırıb: "Qardaş Türkiyəni səmimi qəlbdən təbrik edir, sülh, daha böyük nailiyyət, çiçəklənmə arzulayıram. Ölkələrimizin milli-mənəvi və mədəni dəyərləri eyni köklərə bağlıdır. Hazırda dünyada bir-birinə bu qədər yaxın olan başqa nümunə göstərmək çox çətindir. Türk dünyasının böyük oğlu Mustafa Kamal Atatürkün Azərbaycanın sevinci bizim sevincimiz, kədəri kədərimizdir", ulu öndər Heydər Əliyevin "Bir millət iki dövlət" ifadələri münasibətlərimizin əsl mahiyyətini nümayiş etdirir".

Məmmədov vurğulayıb ki, qurtuluş savaşından sonra Türkiyə Cümhuriyyətinin elan olunması mürəkləb geosiyasi vəziyyətdə böyük hadisə idi: "Bu illər ərzində Türkiyə böyük inkişaf yolu keçərək şərəfli yüksəlişə nail olub, inkişaf etmiş ölkələrlə bir cərgədə yerini tutub, regionda və dünyada söz sahiblərindən birinə çevrilib. Türkiyə Azərbaycanın müstəqilliyini tanıyan ilk ölkədir. Müstəqilliyinin ilk illərindən etibarən dövlət quruculuğu yolunda daim Azərbaycanı dəstəkləyib, haqq səsimizi ucaldıb. Dağlıq Qarabağ həqiqətləri ilə bağlı hər zaman yanımızda olub, Azərbaycanın haqlı mövqeyini dəstəkləyib. Bu, bir daha dostluğumuzu, qardaşlığımızı nümayiş etdirir. İki ölkə arasında siyasi, iqtisadi, mədəni, humaniyat, təhlükəsizlik, hərbi və digər sahələrdə münasibətlət yüksək səviyyədədir. Dövlət başçılarının şəxsi əlaqələri və qarşılıqlı səfərlərin xüsusi yeri vardır. Rəcəb Tayyib Ərdoğanla İlham Əliyevin dostluq əlaqələri ikitərəfli münasibətlərimizin gnişlənməsində müstəsna əhəmiyyəti var".

22
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

6
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

6
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

25
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

25
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN