Külək ciddi fəsadlara səbəb olub

Paytaxt yaxınlığında qorxulu vəziyyət yaranıb, sakinlər təşviş içərisindədirlər

412
Qəsəbədə yerləşən qaçqın şəhərciyində binaların damı yerindən qopub

BAKI, 25 oktyabr — Sputnik. Mehdiabad qəsəbəsində güclü külək ciddi fəsadlara yol açıb. Bu barədə Sputnik Azərbaycan-a sakinlər məlumat veriblər.

Onların sözlərinə görə,  güclü külək nəticəsində qaçqın şəhərciyində yerləşən binaların damı yerindən qopub. "Vəziyyət pisdir. Evin damı qopub düşdü. Uşaqlar qorxudan ağlayır. Nəsə olacağından narahatıq" — deyə sakinlər bildiriblər. 

Qeyd edək ki, bu gün Bakı və Abşeron yarımadasında küləkli hava müşahidə olunur. Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin məlumatına görə, oktyabrın 26-dan küləyin sürəti daha da artacaq. Güclü şimal-qərb küləyinin oktyabrın 27-si səhərədək davam edəcəyi gözlənilir. Abşeron yarımadasında hava şəraitinin ötən günlə müqayisədə təzadlı dəyişəcəyi, atmosfer təzyiqinin xeyli yüksəlməsi fonunda güclü xəzri küləyinin əsəcəyi və havanın temperaturunun 10-12 dərəcə aşağı enəcəyi gözlənilir ki, bu da meteohəssas insanlar üçün əlverişsizdir. 

Oktyabrın 27-si səhər saatlarından isə yarımadanın bəzi yerlərində yağışın leysan xarakterli intensiv olacağı ehtimalı var. Havanın temperaturu ötən günlərlə müqayisədə 10-12 dərəcə aşağı enəcək. 

Azərbaycanın rayonlarında da oktyabrın 26-dan 27-si gündüzədək hava şəraiti kəskin dəyişəcək. Havanın temperaturu ötən günlərlə müqayisədə 10-12 dərəcə aşağı enəcək. Arabir yağış yağacağı gözlənilir, bəzi yerlərdə intensiv və güclü olacağı, dolu düşəcəyi, dağlıq ərazilərdə qara keçəcəyi ehtimalı var.

Qərb küləyi ayrı-ayrı yerlərdə arabir güclənəcək. Çaylarda suyun miqdarının artacağı, bəzi dağ çaylarından qısamüddətli daşqın və sel keçəcəyi ehtimal olunur.

412
Əlaqədar
Sabah əsl istirahət havası olacaq, külək...
"Səsi külək adam" danışır, həm keçmişdən, həm də gələcəkdən
Şimşək, yağış, külək - Növbəti həftə belə başlayacaq
Leysan, dolu, şimşək, külək gəlir
Sürücülərə xəbərdarlıq edildi, külək var, ehtiyatlı olun