Bakıda VI Beynəlxalq Humanitar Forumu işə başlayıb

Prezident İlham Əliyev VI Beynəlxalq Humanitar Forumda nitq söyləyib

22
(Yenilənib 12:55 25.10.2018)
Dövlətimizin başçısı Forumun açılışında nitq söyləyir

BAKI, 25 oktyabr — Sputnik. Heydər Əliyev Mərkəzində VI Bakı Beynəlxalq Humanitar Forumu işə başlayıb. Sputnik Azərbaycan prezidentin rəsmi saytına istinadən xəbər verir ki, ölkə başçısı İlham Əliyev və birinci xanım Mehriban Əliyeva Forumun rəsmi açılış mərasimində iştirak edirlər.

Heydər Əliyev Mərkəzi
© Sputnik / Murad Orujov

“Yeni dünya və yeni insan formalaşdıraq: kreativlik və insan inkişafı” mövzusunda keçirilən VI Beynəlxalq Humanitar Foruma 86 ölkə və 24 beynəlxalq təşkilatdan 581 nümayəndə qatılıb.

Dövlətimizin başçısı Forumun açılışında nitq söyləyir.

2010-cu ildən təşkil olunan Forumun təşəbbüsçüləri Azərbaycan və Rusiya prezidentləridir. Beynəlxalq Humanitar Forum qlobal xarakterli məsələlərə dair geniş spektrli dialoqlar, fikir mübadilələri və müzakirələr aparmaq məqsədilə müxtəlif ölkələrdən tanınmış dövlət xadimlərini, elmin fərqli sahələri üzrə Nobel mükafatı laureatlarını və nüfuzlu beynəlxalq təşkilatların rəhbərlərini, o cümlədən dünyanın siyasi, elmi və mədəni elitasının nümayəndələrini bir araya toplayan mötəbər tədbirdir. VI Bakı Beynəlxalq Humanitar Forumu gələcək dünyamızı formalaşdıracaq kreativ ideyalar və onların həyata keçirilməsi yollarının axtarılmasını diqqətdə saxlayacaq. Dünyanı vahid məkan və bütün bəşəriyyəti bir cəmiyyət kimi görmək istəyi yeni münasibətlər qurmağa, daha mütərəqqi və aktual müzakirələr aparmağa imkan verəcək və bəşəriyyətin inkişafına ənənəvi yanaşmalarda dəyişikliklərin yaranmasına vəsilə olacaq.

Açılış çıxışlarından sonra Forum işini plenar və işçi sessiyalarla davam etdirəcək.

22
Teqlər:
VI Qlobal Bakı Forumu, forum, Prezident İlham Əliyev
Əlaqədar
Bakıda beynəlxalq forum keçirilir
Rusiyada Beynəlxalq İqtisadi forum işə başladı
Bakıda mötəbər toplantı başlayıb