Rusiyalı politoloq Yevgeni Mixaylov

"Azərbaycanla Rusiyanın əməkdaşlığı böyük təhlükənin qarşısını aldı"

47
(Yenilənib 13:00 16.10.2018)
Yevgeni Mixaylov: "Hazırda vəziyyət nəzarət altındadır və onun pisləşməsi gözlənilmir"

BAKI, 16 oktyabr — Sputnik. "Azərbaycan və Rusiya transsərhəd cinayətlər və korrupsiyaya qarşı güclü şəkildə mübarizə aparır".

Bunu Sputnik Azərbaycan Multimedia Mərkəzində keçirilən tədbirdə rusiyalı politoloq Yevgeni Mixaylov deyib. O bildirib ki, iki ölkə arasında həm iqtisadi, həm də siyasi sahədə əməkdaşlıq inkişaf edir.

"Xarici qüvvələr Kabardin-Balkarda və Şimali Qafqazda vəziyyətin pisləşməsini istəyirdilər. Lakin bizim ölkələrin əməkdaşlığı buna imkan vermədi, təhlükənin qarşısı alındı. Rusiya Dağıstanda terrorçulara qarşı mübarizə aparır. Öz növbəsində Azərbaycan da terrorizmə qarşı ciddi mübarizə aparır. Hazırda vəziyyət nəzarət altındadır və onun pisləşməsi gözlənilmir" — deyə Y.Mixaylov vurğulayıb.

47
Teqlər:
Yevgeni Mixaylov, Rusiya, Azərbaycan, politoloq, terror
Əlaqədar
Rusiyalı səfir Azərbaycanla təhsil əlaqələrinin önəmindən danışır
Siyasi gərginlik böyük maliyyə axını gətirib: İran itirir, Azərbaycan və Rusiya qazanır
Rusiyanın qalxanını yaratmış azərbaycanlı sensasiyalı iddia ortaya atıb
Azərbaycanlılar Rusiyada qəzaya uğrayıb

Yanvarın 25-nə qədər ölkədə ictimai nəqliyyat işləməyəcək

9
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

9

Təhsil naziri: "Öyrənmə motivasiya arasında çox böyük əlaqə var"

8
Emin Əmrullayev: "Mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır".

BAKI, 22 yanvar - Sputnik. Təhsil naziri Emin Əmrullayev pandemiya ilə əlaqədar şagirdlərin dərslərində bəzi geriləmələrin olması ilə bağlı səsləndirilən fikirlərə münasibət bildirib.

Xəzər Televiziyasında yayımlanan “Vaxt gəldi” proqramında nazir övladlarından birinin 1-ci sinfə getdiyini, digərinin isə məktəbəqədər yaşda olduğunu deyib. O, distant təhsilin problemlərindən bəhs edərkən deyib:  

“Distant təhsil və teledərslər öz-özlüyündə izləmə baxımından maraqlı prosesdir. Eyni zamanda bu, çox çağırışlı məsələdir, o mənada ki, problemlidir. Belə ki, avadanlıqdan istifadə və ya müxtəlif problemlər meydana çıxır. Misal olaraq, hava soyuq olanda işıqlar sönə bilər. Bunu uşağa izah etmək məsələsi var. Odur ki, mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır”.

Nazir ibtidai siniflərdə şagirdlərin sosial-psixoloji, sosial-emosional inkişafına fokuslaşmalı olduğumuzu da qeyd edib:

“Biz emosiyalara və ya hansısa gümanlara yox, faktlara, ölçmələrə, elmə inanmalıyıq. Hazırda bununla bağlı planlar var və bunlardan biri də şagirdlərin biliyinin qiymətləndirilməsinin aparılmasıdır. Təbii, şagirdlər də dərsə qayıtmalıdır ki, biz bunu edə bilək. Yaxud başqa formatlar da düşünə bilərik. İnandığım budur ki, fokuslanmalı olduğumuz məsələ, xüsusilə də ibtidai sinifdə şagirdlərin sosial-psixoloji, sosial-emosional inkişafıdır. Mənə görə məktəb insanın sosial emosional inkişafını irəli aparan yer olmalıdır. Çünki öyrənmə və motivasiya arasında çox böyük əlaqə var”.

8
Teqlər:
Azərbaycanın təhsil naziri, təhsil naziri, Emin Əmrullayev