Dəniz Kuboku-2018 beynəlxalq yarışlarının bağlanış mərasimi

Xəzər bölgəsində 15 gün davam edən mübarizənin qalibi elan olunub

31
(Yenilənib 15:17 10.08.2018)
Baş Qərargah rəisinin müavini: "Bu yarışlarda Azərbaycan Silahlı Qüvvələri layiqincə təmsil olundu"

BAKI, 10 avqust — Sputnik. Bu gün Müdafiə Nazirliyinin (MN) Təlim Tədris Mərkəzində (TTM) IV "Beynəlxalq Ordu Oyunları – 2018" çərçivəsində Bakıda təşkil edilən "Dəniz Kuboku-2018" beynəlxalq yarışlarının bağlanış mərasimi keçirilib. Sputnik Azərbaycan xəbər verir ki, əvvəlcə qalib ölkələrin bayraqları səhnəyə gətirilib, sonra yarışın qalibləri elan edilib.

Son nəticəyə görə, Rusiya Federasiyasının Xəzər filotiliyasının komandası, ikinci yerə Qazaxıstan Respublikasının, üçüncü yerə isə Azərbaycan və İran Hərbi Dəniz qüvvələrinin komandaları layiq görülüb. Qalib ölkənin himni çalınıb və "Dəniz Kuboku" birinci yerin sahibi olan Rusiya Federasiyasının komandasına təqdim edilib.

Mərasimdə çıxış edən IV Beynəlxalq Ordu Oyunları çərçivəsində "Dəniz Kuboku — 2018" müsabiqəsi təşkilat komitəsinin sədri, Azərbaycan Silahlı Qüvvələri Baş Qərargah rəisinin müavini, Döyüş Hazırlığı və Hərbi Təhsil Baş İdarəsinin rəisi, general-leytenant Nizam Osmanov bilirib ki, Rusiya Federasiyası Müdafiə Nazirliyinin təşəbbüsü ilə keçirilən Beynəlxalq Ordu Oyunları, eləcə də "Dəniz kuboku" qoşunların peşəkarlıq səviyyəsinin yüksəldilməsi üçün möhkəm zəmin yaradır.

"Bu yarışlarda Azərbaycan Silahlı Qüvvələri layiqincə təmsil olundu. Onların uğurları bizi sevindirir. Yarışların şəffaf keçirilməsi üçün hər cür şərait yaradılmışdı" — deyə N.Osmanov vurğulayıb.

O, qeyd edib ki, keçirilən yarışlar hərbi qulluqçularda həmrəylik hissi oyatmaqla bərabər, iştirakçıların yaddaşında xoş xatirə olaraq qalacaq: "Eyni zamanda, "Dəniz Kuboku" müsabiqəsi bütün iştirakçılara ölkəmizi daha yaxşı tanımaq, tarixi yerləri, abidələri görmək və xalqımızın adət-ənənələri ilə tanış olmaq imkanı yaratdı".

  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
  • Dəniz Kuboku-2018 beynəlxalq yarışlarının bağlanış mərasimi
    "Dəniz Kuboku-2018" beynəlxalq yarışlarının bağlanış mərasimi
    © Sputnik / Irade JELIL
1 / 15
© Sputnik / Irade JELIL
"Dəniz Kuboku-2018" beynəlxalq yarışlarının bağlanış mərasimi

Daha sonra Nizam Osmanov "Dəniz Kuboku — 2018" müsabiqəsini bağlı elan etdi.

Bunun ardınca mətbuat konfransı keçirilib. Mətbuat konfransında çıxış edən Azərbaycan Hərbi Dəniz Qüvvələri komandanının I müavini Sübhan Bəkirov yarışın gedişatından danışıb.

Rusiya Federasiyası hərbi-dəniz donanmasının əsas heyətinin nümayəndəsi, kapitan Dmitri Korovin çıxışında bildirib ki, yarışların keçilməsinə dəyişən hava şəraiti mane olsa da, yarış şəffaf şəkildə baş tutub: "Biz məşqlər zamanı görürdük ki, digər komandalar da uğurludur. Onların yarışlarda müəyyən səhvlərə yol verməsinin səbəbi isə, həyacanlı olmaları idi. Biz burada bir-birimizdən çox şey öyrəndik".

Qeyd edək ki, "Beynəlxalq Ordu Oyunları — 2018" yarışları çərçivəsində iyulun 28-dən avqustun 11-dək Azərbaycan, Belarus, Qazaxıstan, Çin, İran və Rusiya ərazisində ümumilikdə 28 müsabiqə təşkil olunub.

Azərbaycan hərbçiləri 5 müsabiqədə iştirak ediblər. Hərbçilərimiz ölkəmizdə keçiriləcək "Dəniz kuboku" ilə yanaşı, Rusiyada "Tank biatlonu" və "Səhra mətbəxi", Qazaxıstanda "Artilleriya atəşinin ustaları" və Belarusda "Snayper həddi" müsabiqələrinə də qatılıblar.

31
Teqlər:
"Dəniz Kuboku-2018", "Beynəlxalq Ordu Oyunları - 2018", müsabiqə, Müdafiə Nazirliyi, yarış
Əlaqədar
"Dəniz kuboku-2018"in ilk epizodu yerinə yetirilib - VİDEO
Azərbaycanın hərbi dənizçiləri dəniz döyüşünə hazırdır
Azərbaycan hərbçiləri "Beynəlxalq Ordu" yarışlarında - VİDEO
Hərbçilərimiz gəminin davamlılığı uğrunda mübarizə aparıblar - VİDEO
Xalq artisti Arif Babayev, arxiv şəkli

Xanəndə Arif Babayevdən üzücü xəbər

33
(Yenilənib 22:58 30.09.2020)
Yaşar Babayev: "Təəssüf ki, atam Azərbaycan Ordusunun uğurlu əməliyyatı nəticəsində bir sıra kəndlərimizin işğaldan azad edilməsi xəbərindən bixəbərdir"

Şahpəri Abbasova, Sputnik Azərbaycan

BAKI, 30 sentyabr — Sputnik. Xalq artisti Arif Babayev bir neçə gün öncə insult keçirib. Xanəndənin səhhəti stabil olaraq qalır. Bu barədə Sputnik Azərbaycan-a Xalq artistinin oğlu Yaşar Babayev məlumat verib: "Arif Babayev hal-hazırda evdədir. Təəssüf ki, atam Azərbaycan Ordusunun uğurlu əməliyyatı nəticəsində bir sıra kəndlərimizin işğaldan azad edilməsi xəbərindən bixəbərdir. Çünki, atam həmin hadisədən 1 gün qabaq xəstələnib. Ona həyəcanlanmaq olmaz, ona görə də bu xəbəri ona verməmişik. Çox sevincliyik, inanırıq ki, atam sağalana qədər torpaqlarımız işğaldan azad olar, biz də ona bu müjdəli xəbəri verərik".

Məlumat üçün bildirək ki, Arif Babayev XX əsrin ikinci yarısından etibarən Qarabağ xanəndəlik məktəbinin görkəmli nümayəndələrindən biri sayılır. Onun yaradıcılığında "Şur", "Seygah" muğam dəstgahları, "Arazbarı", "Qarabağ şikəstəsi" zərbi muğamları xüsusi yer tutur. Xüsusilə, "Seygah" muğamını Arif Babayev təkrarolunmaz bir üslubda oxuyub. Xanəndə həm də təsnif və xalq mahnılarının ifaçısı kimi çox sevilir.

O, müxtəlif illərdə "Azərbaycan SSR Əməkdar artisti", "Azərbaycan SSR Xalq artisti", "Şöhrət" ordeni, "İstiqlal" ordeni, "Qızıl çinar" beynəlxalq mükafatı və "Şərəf" ordeni ilə təltif olunub.

33
Azərbaycan bayrağı, arxiv şəkli

Ölkədə bayrağa həddindən artıq tələbat yaranıb: Qiymət baha, anbarlarsa boşdur

51
(Yenilənib 22:08 30.09.2020)
Məlahət Kəlbiyeva: "Ölkədə hərbi rejimlə əlaqədar bayraqlara təlabat artıb. Həddən artıq sifarişlər gəlir, inanın, çatdıra bilmirik".

İradə Cəlilova, Sputnik Azərbaycan

BAKI, 30 sentyabr — Sputnik. Sentyabrın 27-dən Ermənistan-Azərbaycan təmas xəttində başlayan hərbi əməliyyatlar hamıda mübarizə ruhunu oyadıb. Kimi ön cəbhədə, kimi isə arxa cəbhədə Azərbaycanın torpaqlarının bütövlüyü uğrunda mübarizə aparır.

Bu gün şəhərin küçələrində, evlərin eyvanlarında, avtomobillərdə müqəddəs Azərbaycan və Türkiyə bayraqları dalğalanır.

Sosial şəbəkələrdə isə mağazalarda bayraqların qiymətlərinin bahalaşması ilə bağlı müzakirələr yer alır. Şəbəkə istifadəçiləri bayraqların qiymətinin 2-3 dəfə bahalaşdığını iddia edirlər.

Sputnik Azərbaycan bir neçə mağaza ilə əlaqə saxlayaraq məsələni dəqiqləşdirməyə çalışıb. Təbii olaraq, mağazalardan agentliyə bildiriblər ki, bayraqların qiymətində heç bir dəyişiklik olmayıb.

Bununla belə, bəzi mağazalarda bayraq satışı dayandırılıb. Mağazalar bunun səbəbini anbarlara yeni malların gətirilməməsi ilə izah ediblər. Satıcıların sözlərinə görə, hər gün vətəndaşlar bayraq üçün müraciət edirlər. Amma bayraqların qiymətində heç bir artım olmayıb.

Satıcılar hazırda anbarlarda bayrağın olmadığını da qeyd ediblər. 

Qiymətlərə gəlincə, masaüstü bayraqlar 3 manat, otaq üçün böyük ölçülü bayraqlar isə 25-90 manat arasında satılır.

Hərbi ekspert Ramil Məmmədlinin sözlərinə görə, indiki müharibə şəraitində bayraqların qiymətlərinin bahalaşması yolverilməzdir. Əksinə, bayraq istehsalı ilə məşğul olan müəssisələr, şəxslər vətənpərvərlik ruhunu yüksək tutmaq üçün bayraqların qiymətini ucuzlaşdırmalıdır ki, hər kəs alıb, evindən, eyvanından, avtomobilindən asa bilsin. 

"Azəratribut" MMC-nin təsisçisi Məlahət Kəlbiyeva Sputnik Azərbaycan-a açıqlamasında bildirib ki, ölkədə hərbi rejimlə əlaqədar bayraqlara təlabat artıb:

"Həddən artıq sifarişlər gəlir. Nazirliklər, supermarket şəbəkələri, idarələr sifariş edir. İnanın, sifariş o qədər çoxdur ki, çatdıra bilmirik".

M.Kəlbiyeva qeyd edib ki, əksinə, vəziyyətlə əlaqədar olaraq bayraqların qiyməti ucuzlaşıb.

Onun sözlərinə görə, vətənin ağır günündə hamı bacardığı qədər yardım etməlidir: "Biz özümüz də ehtiyac olduğu təqdirdə bayraqları pulsuz veririk. Əvvəl 100 manata satdığımız bayraqları indi 50-60 manata satırıq. Belə günlərdə qazanc düşünmək olmaz. Bu, günahdır".

O qeyd edib ki, özü də sosial şəbəkələrdə müxtəlif mağaza və ticarət mərkəzlərində bayraqların baha satıldığı ilə bağlı məlumatlarla qarşılaşıb: "Bu, digər ölkələrdən gətirilmiş məhsullar ola bilər. Ancaq biz bacardığımız qədər bu günlərdə ucuz bayraqlarla xalqımıza dəstək verməyə çalışırıq".

51