Люди в аэропорту, фото из архива

Azərbaycanda yüzdən artıq miqrant saxlanıldı

29
(Yenilənib 16:32 09.08.2018)
Azərbaycanda 112 qanunsuz miqrant saxlanılıb

BAKI, 9 avqust — Sputnik. Dövlət Miqrasiya Xidməti (DMX) tərəfindən son dörd gün ərzində qanunsuz miqrasiyaya qarşı keçirilən tədbirlər za­ma­nı ümu­­mi­likdə 112 əcnə­bi sax­­­la­nıl­ıb. 

Bu barədə Sputnik Azərbaycan-a DMX-dan məlumat verilib.

Onlardan 22-si Rusiya, 18-i Gürcüstan, 13-ü Türkmənistan, 12-si Hindistan, 9-u Pa­kis­tan, 7-si Özbəkistan, 6-sı Ukrayna, 6-sı İran, 4-ü Türkiyə, 3-ü İraq, 3-ü Nigeriya, 2-si Qazaxıstan, 2-si Birləşmiş Ərəb Əmirlikləri, 1-i Nepal, 1-i Mərakeş, 1-i Fransa, 1-i Norveç və 1-i Suriya vətəndaşıdır.

Saxlanılan 6 nəfər Pakistan, 3 nəfər Nigeriya, 2 nəfər Hindistan və 1 nəfər Qazaxıstan vətən­da­şının qeydiyyat ünvanı üzrə yaşamadıqları, həmçinin 13 nəfər Türkmənistan (səy­yar ticarət) və 3 nəfər Hindistan vətəndaşının Azərbaycan Res­pub­li­ka­­sı­nın ərazisində gəlişinin bəyan edilmiş məqsədlərini pozduqları, digər 84 nəfərin isə ölkə ərazisində qanunsuz yaşadıqları müəyyən edilib.

Saxlanılan əcnəbilərdən 89 nəfər barəsində inzibati qərarlar qəbul edilib, digər əcnəbilərin Azərbaycan Respub­li­ka­­sı hü­dud­la­rından kə­na­ra çıxarılması istiqa­mətində müvafiq tədbirlər görülür.

DMX qanunsuz miqrasiyaya qarşı mü­ba­­ri­zə tədbirlərini da­vam etdirir.

29
Əlaqədar
Faciə: 100-ə yaxın miqrant dənizdə batdı
Bakıda qanunsuz miqrantlara bayram hədiyyəsi
Ermənilər Türkiyədən Yunanıstana qeyri-leqal miqrant daşıyarkən yaxalanıblar
Qanunsuz miqrantlar Azərbaycana axın edir
Azər Allahverənov: “Azərbaycanda qanunsuz miqrantların sayı azalıb”