Аэропорт Гейдар Алиев. Фото из архива AZAL

AZAL sərnişinlərlə bağlı açıqlama verib

55
(Yenilənib 14:19 09.08.2018)
Heydər Əliyev Beynəlxalq Aeroportu 40-dan çox istiqamət üzrə 30-dan çox aviaşirkətə xidmət göstərir.

BAKI, 9 avqust — Sputnik. Heydər Əliyev Beynəlxalq Aeroportu 2018-ci ilin ilk yeddi ayı ərzində 2,5 milyon sərnişinə xidmət göstərib. Bu barədə Sputnik Azərbaycan-a AZAL-ın mətbuat xidmətindən məlumat verilib. Bildirilib ki, bu göstərici ötən ilin analoji dövrü ilə müqayisədə 14% çoxdur.

Məlumata görə, cari dövr ərazində "Azərbaycan Hava Yolları" (AZAL) milli aviadaşıyıcısının payına 1 milyon 70 min sərnişin, milli loukoster "Buta Airways" aviaşirkətinin payına isə 259 min sərnişin düşüb.

Beynəlxalq reyslərlə ümumilikdə 2 milyon 150 min sərnişin (ümumi sərnişin axınının 86 faizi) daşınıb. Beynəlxalq sərnişinlərin ümumi sayının 33 faizi AZAL-ın, 12 faizi isə "Buta Airways"in payına düşüb.

Xatırladaq ki, hazırda Heydər Əliyev Beynəlxalq Aeroportu 40-dan çox istiqamət üzrə 30-dan çox aviaşirkətə xidmət göstərir. Ən məşhur beynəlxalq istiqamətlərin onluğuna iyul ayında Moskva, İstanbul, Dubay, Antalya, Şarja, Kiyev, Bağdad, Tehran, Bodrum və Təl-Əviv daxildir. Bu istiqamətlərə 371 min sərnişin uçub.

55
Teqlər:
"Buta Airways" aviaşirkəti, Heydər Əliyev Beynəlxalq Aeroportu, AZAL
Əlaqədar
AZAL qalmaqallı hadisəyə aydınlıq gətirdi
AZAL onlayn bilet satışını dayandırdı, səbəb...
AZAL-dan xəbərdarlıq gəldi, görün uçuşda nəyi qadağan etdilər
AZAL-ın reysi qeyri-adi olayla bağlı təxirə salındı