Beynəlxalq Ordu Oyunları — 2018 tədbiri

Üç qonşu ölkənin hərbçiləri Bakıda: Qoy, ən güclü qalib gəlsin!

112
(Yenilənib 10:37 01.08.2018)
"Dəniz kuboku"nun əsas məqsədi Xəzəryanı ölkələr arasında dostluq və sülhün möhkəmlənməsidir

BAKI, 31 iyul — Sputnik. "Beynəlxalq Ordu Oyunları — 2018" yarışları çərçivəsində Bakıda keçirilən "Dəniz kuboku"nun əsas məqsədi Xəzəryanı ölkələr arasında dostluq və sülhün möhkəmlənməsidir.

Müdafiə naziri Moskvada bir sıra tədbirlərdə iştirak edib
© Official website of President of Azerbaijan Republic

Sputnik Azərbaycan xəbər verir ki, bunu yarışda iştirak edən Azərbaycan nümayəndə heyətinin rəhbəri, I dərəcəli kapitan Sübhan Bəkirov yarışın açılış mərasimi ilə bağlı bu gün keçirilən mətbuat konfransında deyib. Onun sözlərinə görə, Azərbaycan bu yarışlarda 2015-ci ildən iştirak edir və hər il müsabiqəyə maraq daha da artır.

"Kubok iyulun 31-dən avqustun 8-dək keçiriləcək və üç mərhələdən ibarət olacaq. Kubokda Rusiya, Azərbaycan, Qazaxıstan və İrandan olan nümayəndə heyətləri iştirak edir" — Bəkirov bildirib.

Rusiya nümayəndə heyətinin rəhbəri Sergey Yekimov isə oyunların ən yüksək səviyyədə təşkil olunduğunu vurğulayıb: "Rusiya komandası üçün bu müsabiqə xüsusi əhəmiyyət kəsb edir. Bu il yarışlarda fərqli tip gəmilərdən — kiçik artilleriya gəmilərindən istifadə edəcəyik. Dəniz müsabiqələri həmişə qarşılıqlı anlaşma və dostluq xarakteri ilə fərqlənib".

İran nümayəndə heyətinin rəhbəri Şahram Həbibi çıxışında ölkəsinin bu yarışlarda ikinci dəfə iştirak etdiyini xatırladıb: "Bu, dostluq yarışıdır. Əminəm ki, hərbi sahədə əlaqələr ictimai, siyasi, mədəni sahələrdəki əlaqələrə təsir edəcək".

  • Beynəlxalq Ordu Oyunları — 2018 tədbiri
    "Beynəlxalq Ordu Oyunları — 2018" tədbiri
    © Sputnik / Murad Orujov
  • Beynəlxalq Ordu Oyunları — 2018 tədbiri
    "Beynəlxalq Ordu Oyunları — 2018" tədbiri
    © Sputnik / Murad Orujov
  • Beynəlxalq Ordu Oyunları — 2018 tədbiri
    "Beynəlxalq Ordu Oyunları — 2018" tədbiri
    © Sputnik / Murad Orujov
1 / 3
© Sputnik / Murad Orujov
"Beynəlxalq Ordu Oyunları — 2018" tədbiri

Həbibi, həmçinin ölkəsinin "Dəniz Kuboku-2018"də ABŞ-ın nümayəndə heyətinin müşahidəçi kimi iştirakına qarşı olmadığını da bildirib: "Qoy, baxsınlar və hərbi potensialımızı görsünlər. Sonra da gedib ölkələrində bu barədə danışsınlar".

Qazaxıstan nümayəndə heyətinin rəhbəri Kanat Niyazbekov isə yarışda, məhz ölkələrində istehsal olunan gəmilərlə iştirak etdiklərini vurğulayıb. O, çıxışının sonunda iştirakçılara uğurlar arzulayıb: "Qoy, ən güclü qalib gəlsin".

Daha sonra üç mərhələdə keçiriləcək 6 müsabiqədə iştirak sırası ilə bağlı püşkatma keçilib.

Qeyd edək ki, iyulun 28-dən avqustun 11-nə kimi keçiləcək "Beynəlxalq Ordu Oyunları-2018" ilə bağlı Azərbaycan, Belarus, Qazaxıstan, Çin, İran və Rusiyada 28 müsabiqə təşkil olunacaq. Yarışlarda Türkiyə, Pakistan, Bəhreyn, Səudiyyə Ərəbistanı və ABŞ isə müşahidəçi kimi iştirak edəcək.

112
Teqlər:
"Beynəlxalq Ordu Oyunları - 2018", kubok, dəniz, Bakı
Əlaqədar
Prezident Qarabağ, ordu və hərbi potensialdan danışdı
Ermənistanda hərbçilər qəzaya düşdü: Ölən və yaralı var
Hərbçi olmaq istəyənlər üçün həlledici gün çatdı
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

16
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

16
Əlində Azərbaycan və Türkiyə bayraqlarını tutan kişi

Azərbaycan Prezidenti Türkiyə xalqını təbrik etdi

19
(Yenilənib 00:11 29.10.2020)
Azərbaycan Respublikasının Prezidenti İlham Əliyev Türkiyə xalqını Cümhuriyyət Bayramı münasibəti ilə təbrik edib.

BAKI, 28 oktyabr - Sputnik. Azərbaycan Respublikasının Prezidenti İlham Əliyev Türkiyə xalqını Cümhuriyyət Bayramı münasibəti ilə təbrik edib.

Sputnik Azərbaycan xəbər verir ki, bu barədə Dövlər başçısı özünün Twitter hesabında yazıb.

"Bir millət, iki dövlət, qardaş Türkiyə xalqını təbrik edirik!”, - deyə İlham Əliyev yazıb.

19