Azərbaycan Respublikası Müdafiə Nazirliyinin binası

MN: "Azərbaycan Ermənistana hesabat verməyəcək"

683
(Yenilənib 17:53 27.06.2018)
Azərbaycan Ermənistana bu helikopterləri haradan və necə aldığı barədə hesabat verməyəcək

BAKI, 27 iyun — Sputnik. Mülki helikopterləri haradan aldığı və onları necə hərbiləşdirdiyi barədə cəfəng söhbətlərə Azərbaycan tərəfi heç bir şəkildə reaksiya verməyəcək,

Bunu Sputnik Azərbaycan-a Azərbaycanın Müdafiə Nazirliyindəki mənbə erməni politoloq Suren Sarkisyanın ötən gün hərbi paradda nümayiş etdirilən ABŞ istehsalı Bell 412 təyyarələrinin mülki olduğu və Azərbaycanın onları qanunsuz olaraq hərbiləşdirdiyi barədə iddialarına aydınlıq gətirərkən deyib.

Sputnik Azərbaycan-ın həmsöhbəti qeyd edib ki, Azərbaycan tərəfi Ermənistan nümayəndələrinə nəyi və necə aldığı barədə hesabat verməyə borclu deyil. Bununla belə mənbə bildirib ki, Bell 412 helikopterləri hərbidir və bu, müzakirə mövzusu ola bilməz. 

Erməni politoloq Suren Sarkisyan öz facebook səhifəsində xəbər verib ki, ABŞ-ın Dövlət departamentinə Bakıda keçirilən hərbi paradda nümayiş etdirilən Bell 412 helikopterləri ilə bağlı suallar ünvanlayıb. Onun sözlərinə görə, sualına cavab olaraq Dövlət Departamentindən bildiriblər ki, "Bell 412 mülki helikopter kimi sertifikatlaşdırılıb. Bu təyyarələrin mülki versiyalarının Azərbaycan və yaxud Ermənistana ixracı üçün Dövlət Departamenti tərəfindən lisenziya tələb olunmur".

Erməni politloq isə iddia edib ki, Bakıda nümayiş etdirilən helikopterlər mülki nəqliyyat kimi hazırlanıb, lakin sonra Azərbaycan tərəfindən hərbiləşdirilib. Sarkisyan soruşur ki, bu helikopterlər harada və necə hərbiləşdirilib.

Xatırladaq ki, 26 iyunda Bakıda Azərbaycan Silahlı Qüvvələrinin yaradılmasının 100 illik yubileyinə həsr olunmuş hərbi parad keçirilib. Paradda Azərbaycan ordusunun silahlanmasına daxil edilən ağır artilleriya silahları, hərbi helikopter və qırıcı təyyarələr nümayiş etdirilib. Türkiyə Silahlı Qüvvələrinin "Türk ulduzları" və "SOLOTÜRK" pilotaj qruplarının F-16 və F-15 təyyarələrində göstərdikləri aviaşou izləyənləri valeh edib.

Paradda Müdafiə, Daxili İşlər, Fövqəladə Hallar Nazirliklərinin, Dövlət Təhlükəsizlik Xidmətinin, Dövlət Sərhəd Xidməti və Xüsusi Dövlət Mühafizəsi Xidmətinin, eləcə də Türkiyə ordusunun xüsusi parad heyətinin 4 mindən çox əsgəri iştirak edib. 240 ədəddən çox hərbi texnika "Azadlıq" meydanının qarşısından keçərək ordunun qüdrətini nümayiş etdirib. 70 vertolyot və təyyarədən ibarət aviasiya Bakı səmasında şou göstərərək, Azərbaycanın milli bayrağının rənglərində tüstü buraxıblar.

683
Əlaqədar
Müdafiə Nazirliyi yubiley tədbirlərinə başlayıb
İranın müdafiə nazirinin müavini hərbi parada görə Azərbaycana gəldi
Müdafiə Nazirliyi: Ordumuzun fəaliyyəti düşməndə xof və təşviş yaradır
Müdafiə naziri Zakir Həsənov mətbuatın suallarını cavablandırıb

İqtisadi Şuranın 2021-ci ildə ilk iclası keçirilib

3
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

3
İmtahan, arxiv şəkli

Nazirlikdən imtahanlarla bağlı açıqlama

5
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

5