Ağır atletika məşqləri, arxiv şəkli

Bir dəfə bağışladılar, yenə "səhv" etsələr nələr olacaq?

245
(Yenilənib 21:34 26.06.2018)
Sərxan Musalı: "Amma növbəti Olimpiadada medal perspektivi görmürəm"

Təranə Xudabaxşiyeva, Sputnik Azərbaycan

BAKI, 26 iyun — Sputnik. Ağır atletlərimiz üçün sevindirici xəbər gəlib. Belə ki, Beynəlxalq Ağır Atletika Federasiyası tərəfindən cəzalı olan yeniyetmə idmançılarımızın cəzaları bağışlanıb. Bu da bir müddət yarışlardan kənar qalan idmançılar üçün yaxşı xəbərdir.

Sputnik Azərbaycan mütəxəssislərdən bu qərarın hansı nəticələr verəcəyini öyrənib.

Ağır Atletika Federasiyasının mətbuat xidmətinin rəhbəri Kənan Məstəliyev deyib ki, böyüklərdən ibarət komandamız o qədər də güclü deyil: "Ona görə də bütün gücümüzü yeniyetmələrin inkişafına qoyuruq ki, həm bu gün uğur qazanaq, həm də sabah. Kişilər və qadınlardan ibarət milli komandaya idmançı verə bilək".

K.Məstəliyev bildirib ki, Yeniyetmələrin Olimpiya Oyunlarında medal qazanma şansı daha çox olduğu üçün Federasiya üzərindəki qadağanı götürməyə çalışıb: "Mütəmadi yoxlamalar aparırdılar, iki həftədən bir yoxlama olurdu. Testlər təmiz çıxdığına və digər meyarlara əməl etdiyimizə görə uğur qazana bildik. Düşünürəm ki, yaxın zamanlarda nəticələrini də görə bilərik".

Ağır Atletika Baş katib Rizvan Rəsulov isə açıqlamasında bildirib ki, Beynəlxalq Ağır Atletika Federasiyasının icra komissiyasının qərarı ilə qarşılarına kriteriyalar qoyulmuşdu: "Bu meyarlar 9 ölkəyə şamil olunurdu, onlardan biri də Azərbaycan idi. 9 ölkədən cəmi 3 ölkə — Azərbaycan, Türkiyə və Ermənistan həmin meyarları tam icra edib".

R.Rəsulovun fikrincə, cəza müddətinin bitməsinə 4 ay qalmış yeniyetmələrimizin yarışa buraxılması çox gözəldir: "Birincisi, bu psixoloji tərəfdən idmançılara köməkdir. Yeniyetmə ağır atletlərimiz sevinir və daha da həvəslə yarışa hazırlaşmağa başlayıblar".

"İtaliyanın Milan şəhərində 15-17 yaşlılar arasında Yeniyetmələrin Avropa Çempionatına hazırlıq gedir. Avropa Çempionatında iştirak edən ən güclü idmançılarımız isə Yeniyetmələrin Olimpiadasında Azərbaycanı təmsil edəcəklər. Məqsədimiz medal qazanıb uğurlu olduğumuzu bir daha sübut etməkdir", — deyə baş katib münasibət bildirib.

O, böyüklərin şansından da danışıb: "O ki qaldı böyüklərə, şəxsi reytinqlərinə görə Dünya Çempionatında iştirak edəcəklər. Hazırlıq davam edir. Amma bu gün əsas yeniyetmələrimizə fokuslanmışıq. Gələn il bir neçə idmançımız artıq yeniyetmələrdən gənclərə keçəcək. Ona görə uğurlar əldə etmələri və daha çox praktika qazanmaları üçün əlimizdən gələni edirik".

İdman jurnalisti və idman eksperti Sərxan Musalı isə bu qərardan təəccüblənmədiyini deyib: "Qərar gözlənilən idi. Əvvəldən deyilmişdi ki, 1 illik cəzalanan 9 ölkələrə sınaq dövrü verilib. Bu müddət ərzində dopinqə qarşı mübarizəni gücləndirsələr, diskvalifikasiya vaxtından əvvəl başa çata bilər. AAAF da buna çalışırdı ki, yeniyetmələrin Olimpiadasında təmsil oluna bilsinlər. Buna da nail oldular".

Ekspert milli yığma haqqında fikir də bildirib: "Hələ bir müddət bu komandadan uğur gözləməyə dəyməz. Noyabrda Aşqabadda keçiriləcək dünya çempionatında medal qazanacağımızı düşünmürəm. Çünki bütün güclü, təcrübəli, DÇ-də medal qazana biləcək atletlərimiz cəzalıdır. Yalnız cəzası bu yaxınlarda başa çatan bolqar legioner Boyanka Kostova medal qazana bilər. Elə Olimpiadaya da getsə-getsə o gedər. Kişilərdən də maksimum bir nəfər Tokioya bilet qazana bilər".

"Amma növbəti Olimpiadada medal perspektivi görmürəm. Çünki Elxan Əliquluzadə, Firudin Quliyev və Valentin Xristov kimi güclü atletlərimizin cəzası 2023-cü ildə başa çatacaq. Ona görə də federasiya tələsmədən və tam təmiz, dopinqdən uzaq olan, gələcəyin komandasını qurmalıdır. Bizim ambisiyamız növbəti Olimpiada tsiklindən bərqərar olacaq", — S.Musalı qeyd edib.

245
Teqlər:
cəza, bağışlanma, yeniyetmə, yarış, dopinq, ağır atletika
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Ermənistanın müharibə cinayətlərinə üsyan etdi

48
(Yenilənib 23:55 27.10.2020)
"Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?"

BAKI, 27 oktyabr - Sputnik. "Bu gün Ermənistan silahlı qüvvələri döyüş əməliyyatları zonasından kənarda yerləşən Bərdə şəhərini raket atəşinə məruz qoyaraq humanitar atəşkəs rejiminin şərtlərini növbəti dəfə kobud şəkildə pozublar. “Smerç” qurğusundan buraxılmış kasetli raketlərlə atəş nəticəsində dörd mülki şəxs, o cümlədən yeddi yaşlı qız həlak olub. Dördü uşaq olmaqla on dörd nəfər ciddi xəsarət alıb".

Sputnik Azərbaycan bildirir ki, bu barədə Azərbaycanın Birinci vitse-prezidenti Mehriban Əliyeva sosial şəbəkədəki heabında yazıb.

Посмотреть эту публикацию в Instagram

Публикация от Mehriban Aliyeva (@firstvicepresidentazerbaijan)

"Silahlı münaqişələr zamanı mülki şəxslərin qətlə yetirilməsi 1949-cu il Cenevrə Konvensiyalarının və bütövlükdə beynəlxalq humanitar hüquq normalarının ən kobud şəkildə pozulması deməkdir.
Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?
Həlak olanların doğmalarına və yaxınlarına dərin hüznlə başsağlığı verirəm, yaralananların tezliklə sağalmalarını arzulayıram.
Biz öz torpağımızı təcavüzkarlardan azad edəcəyik və bu cinayətlərə son qoyacağıq.
Uca Tanrı Vətənimizi qorusun!" - paylaşımda deyilir.

48
Teqlər:
Atəşkəsin pozulması, ölənlər və yaralılar, dinc sakinlər, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Bərdədə erməni təxribatından ölənlərdən biri 7 yaşlı uşaqdır - FOTO
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Ermənilərin Bərdəni atəşə tutması nəticəsində ölənlərin sayı artdı
 Əldə manat, arxiv şəkli

Nazirlik gecikdirilən pulları məcburən ödətdirdi

20
Ödənilən vəsaitin 172,8 min manatı əmək haqları, qalan hissəsi işəgötürənlər tərəfindən ödənilməli olan sosial müavinət və kompensasiyalar, eləcə də zərərə görə ödənclər olub

BAKI, 27 oktyabr — Sputnik. Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən yanvar-sentyabr aylarında vətəndaş müracətlərinin araşdırılması zamanı işəgötürənlər tərəfindən 180 min manata yaxın məbləğdə sosial xarakterli ödənişlərin işçilərə ödənilməsinin gecikdirildiyi müəyyən olunub. Nazirlikdən Sputnik Azərbaycan-a verilən məlumata görə, görülən tədbirlər nəticəsində həmin vəsaitin işəgötürənlər tərəfindən işçilərə ödənilməsi təmin edilib.

Ödənilən vəsaitin 172,8 min manatı əmək haqları, qalan hissəsi işəgötürənlər tərəfindən ödənilməli olan sosial müavinət və kompensasiyalar, eləcə də zərərə görə ödənclər olub.

Həmçinin əmək müqavilələrinə qanunvericiliyin tələblərinə zidd olaraq, habelə ciddi səbəblər olmadan xitam verilməsi halları ilə əlaqədar müvafiq işəgötürənlərlə sosial dialoq qurulub. Onlarla müvafiq izahat işləri aparılıb, həmçinin sosial məsuliyyət prinsiplərinin yüksək tutulması, məşğulluq məsələlərinə həssaslıqla yanaşılması tövsiyə olunub. Bu sahədə görülən tədbirlər nəticəsində Dövlət Əmək Müfəttişliyi Xidməti cari ildə əmək müqaviləsinə xitam verilmiş 700-dən çox işçinin yenidən işinə bərpasını da təmin edib.

20