Azərbaycan bayrağı

Daha bir Amerika ölkəsində Azərbaycan təntənəsi

95
(Yenilənib 15:14 24.05.2018)
Tədbir zamanı Azərbaycan haqqında tanıtım videosu nümayiş olunub

BAKI, 24 may — Sputnik. Azərbaycanın Çilidəki Diplomatik Missiyası tərəfindən Santiaqo şəhərində Azərbaycan Demokratik Respublikasının 100 illik ildönümü ilə bağlı rəsmi qəbul təşkil edilib. Bu barədə Xarici İşlər Nazirliyindən Sputnik Azərbaycan-a daxil olan məlumatda bildirilir.

Qəbulda Çili hökumətinin rəsmiləri, parlamentin, ölkədə akkreditə olunan diplomatik korpusun, elmi-akademik, işgüzar dairələrin, kütləvi informasiya vasitələrinin və Çili ictimaiyyətinin nümayəndələri iştirak ediblər.

Tədbirdə çıxış edən səfir Rəşad Aslanov 28 may gününün Azərbaycan üçün tarixi önəmindən bəhs edib. 1918-ci ildə yaradılan və bu il 100 illik yubileyinin qeyd olunduğu Azərbaycan Xalq Cümhuriyyətinin müsəlman şərqində ilk demokratik respublika olduğunu qeyd edib və mövcud olduğu qısa müddətdə gördüyü mühüm işlərdən danışıb.

1991-ci ildə müstəqilliyin bərpasından sonra Azərbaycanın üzləşdiyi problemlər, Ermənistanın Azərbaycana qarşı hərbi təcavüzü və bunun nəticəsində Azərbaycanın 20%-dən çox ərazisinin işğal edildiyi tədbir iştirakçılarının diqqətinə çatdırılıb. Görkəmli dövlət xadimi, ulu öndər Heydər Əliyevin qətiyyəti və müdrik rəhbərliyi sayəsində Azərbaycanın müstəqilliyinin və suverenliyinin qorunduğu, davamlı inkişaf strategiyasının əsasının qoyulduğu qeyd olunub.

Daha sonra səfir Azərbaycanın keçdiyi uğurlu inkişaf yolu, ölkə prezidenti İlham Əliyevin rəhbərliyi ilə əldə etdiyi nailiyyətlər, inkişaf strategiyası, Azərbaycanın geosiyasi önəmi və regional proseslərdə, habelə Avropanın enerji təhlükəsizliyindəki rolu, dövlətçiliyin daha da gücləndirilməsi üçün atılan addımlar, ölkədə təşkil olunan beynəlxalq səviyyəli tədbirlər barədə danışıb.

Həmçinin, qeyd olunub ki, Azərbaycanın paytaxtı Bakı şəhəri Ümumdünya Expo-2025 sərgisinə ev sahibliyinə namizəddir. Ölkəmizin bu mötəbər tədbirə ev sahibliyi etməsinin əhəmiyyəti barədə məlumat verilib.

R.Aslanov Azərbaycanın multikultural ölkə olduğunu, Azərbaycanda müxtəlif dinlərə etiqad edən və mədəniyyətlərə mənsub olan insanların rahat yaşadığını, güclü tolerantlıq ənənələrinin olduğunu qeyd edib. O, Azərbaycan-Çili əlaqələrinə toxunaraq, iki ölkə arasında müxtəlif sahələrdə həyata keçirilən əməkdaşlıqdan və bu əlaqələrin inkişaf etdirilməsi istiqamətində görülən işlərdən bəhs edib.

Tədbir zamanı, həmçinin, Azərbaycan haqqında tanıtım videosu nümayiş olunub.

95
Teqlər:
yubiley, Azərbaycan Demokratik Respublikası, Çili
Əlaqədar
Amerikalı diplomatdan AXC ilə bağlı möhtəşəm məqalə
Mayami merindən AXC-nin 100 illiyi ilə bağlı bəyannamə
AXC-nın 100 illiyi ilə bağlı maraqlı video-çarx
AXC ilə bağlı xüsusi iclasın vaxtı açıqlandı
Sürücü sükan arxasında, arxiv şəkli

Avtoxuliqanlıq barədə anlayışı "qısaldacaqlar"

4
(Yenilənib 15:55 22.01.2021)
Avtoxuliqanlıq hallarının müəyyən edilməsi qaydalarının dəyişməsi ilə bağlı İnzibati Xətalar Məcəlləsinə dəyişiklik Milli Məclisin yaz sessiyasında müzakirə ediləcək

 

BAKI, 22 yanvar — Sputnik. Hazırda İnzibati Xətalar Məcəlləsində avtoxuliqanlıq xətasının anlayışı geniş nəzərdə tutulduğu üçün təcrübədə çətinliklərə və fərqli şərhlərə səbəb olur.

Sputnik Azərbaycan xəbər verir ki, avtoxuliqanlıq hallarının müəyyən edilməsi qaydalarının dəyişməsi ilə bağlı İnzibati Xətalar Məcəlləsinə dəyişiklik Milli Məclisin yaz sessiyasında müzakirə ediləcək.

Layihədə avtoxuliqanlıq xətasının törədilmə üsulları dəqiq müəyyən edilir. Sürücü aşağıdakı əməlləri törətdikdə avtoxuliqanlıq etmiş sayılır:

aşkar surətdə iki və ya daha artıq mexaniki nəqliyyat vasitəsinin iştirakı ilə sürət yarışı həyata keçirdikdə;

avtomobili və ya motosikli bir və ya daha çox təkərini yolun səthindən qaldırmaqla idarə etdikdə;

avtomobili qəflətən sürətləndirməklə davamlı olaraq təkərlərin yolun səthi ilə sürtünməsi səslərini çıxardıqda və ya yolun səthində çoxsaylı təkər izlərini buraxdıqda.

 

4
Teqlər:
dəyişiklikər, məcəllə, inzibati xəta, avtoxuliqan

“Rus dili olimpiadasına bu qədər şagirdin qatıldığı başqa ölkə tanımıram” İrek Zinnurov

14
(Yenilənib 17:01 22.01.2021)
Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – yeni rəhbəri İrek Zinnurov artıq öz işinə başlayıb. Pandemiya müddətində mərkəzin əsas fəaliyyət hədəfləri barədə – videomuzda.

Su polosu üzrə ikiqat olimpiya çempionu, Dövlət Dumasının Tatarıstandan seçilmiş sabiq deputatı İrek Zinnurov Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – rəhbəri təyin olunub. O artıq öz işinə başlayıb: gənclər təşkilatları, universitet rektorları və dövlət departamentləri ilə fəal şəkildə görüşlər keçirir. Yeni rəhbər, ilk növbədə, ölkələr arasında mədəniyyət, idman və bölgələrarası əməkdaşlıq sahəsində əlaqələrin inkişafına diqqət yetirəcək.

"Həmvətənlərimlə görüşdüm və onların “Rossotrudniçestvo” ilə bağlı şikayətlərini dinlədim. İndi bu problemə başqa baxış bucağından yanaşmaq istəyirəm. Biz bəzən axşam saatlarında, hətta lazım gələrsə, şənbə-bazar günlərində, başqa sözlə, həmvətənlərimizə əlverişli olan vaxtda da işləyəcəyik ki, onlar bir-biri ilə rahat görüşüb ünsiyyətdə ola bilsinlər. Mədəniyyət, təhsil, elm sahəsində görülən işləri davam etdirmək niyyətindəyik”, – deyə Zinnurov Sputnik Azərbaycan-a müsahibəsində bildirib.

Yeni rəhbərin sözlərinə görə, o, Azərbaycanın bütün qurumları ilə sıx əməkdaşlıq etməyə hazırdır.

14
Qida festivalı, arxiv şəkli

Azərbaycanda qastronomiya turizmi çiçəklənəcək: Konsepsiyada nələr var?

0
(Yenilənib 16:37 22.01.2021)
Bir il davam etməsi nəzərdə tutulan layihənin yekununda "Milli dadlar" konsepsiyası ictimaiyyətə təqdim ediləcək.

BAKI, 22 yanvar — Sputnik. Dövlət Turizm Agentliyinin dəstəyi ilə Azərbaycan Turizm Bürosu tərəfindən ölkəmizdə qastronomiya turizminin inkişafı üçün "Milli dadlar" konsepsiyasının hazırlanması işinə start verilib. Sputnik Azərbaycan-a Agentlikdən verilən məlumata görə, layihənin əsas məqsədi qastronomiya turizminin inkişafına nail olmaq, tarixi milli mətbəx nümunələrinə, onların hazırlanma və təqdim edilmə ənənələrinə yenidən həyat verib, yerli və əcnəbi turistlərə çatdırılmasına dəstək verməkdir.

Azərbaycan Turizm Bürosu unudulmuş və ya unudulmaq təhlükəsi olan milli mətbəximizə məxsus nümunələrin vahid mənbədə toplanması işinə dəstək verilməsi üçün "millidadlar.az" onlayn portalını təqdim edir.

Azərbaycan Turizm Bürosu bu sahədə məlumatlı olan hər kəsi portalda qeyd edilən qısa suallara cavab verməklə ölkəmizin milli mətbəx nümunələrinin, qastronomiya ənənələrimizin qorunub saxlanılması və beynəlxalq tanıdılması işinə dəstək olmağa çağırır.

Bir il davam etməsi nəzərdə tutulan layihənin yekununda "Milli dadlar" konsepsiyası ictimaiyyətə təqdim ediləcək.

Layihə çərçivəsində ölkəmizin zəngin kulinariya potensialının dərin etnoqrafik köklərə malik olması nəzərə alınaraq Bakı-Abşeron, Quba-Qusar, Şəki-Zaqatala, Cənub regionu, Naxçıvan Muxtar Respublikası, Gəncə-Qazax, Qarabağ, Dağlıq Şirvan, Kəlbəcər-Laçın və Aran bölgələrindən olan milli mətbəxə məxsus müxtəlif nümunələr haqqında məlumatlar toplanılıb. Elmi materiallardan və birbaşa yerli əhalidən əldə olunan informasiyalar əsasında Azərbaycan üzrə 900 ədəd nümunə pasportun işlənib hazırlanması nəzərdə tutulur.

Nümunə pasportda qida və inqrediyentin tərkib hissələri və görünüşü kimi məlumatlarla yanaşı, onun mədəni, tarixi, müalicəvi əhəmiyyəti və turizm marketinqi istiqamətində uyğunluğunun qeyd edilməsi nəzərdə tutulub.

0