Milli Məclis

Nümayəndə heyətimiz Türkiyədə səfərdədir

25
(Yenilənib 14:52 14.05.2018)
Spikerlərin sammitinin açılış mərasimində Türkiyə prezidenti Rəcəb Tayyib Ərdoğanın, Türkiyə Böyük Millət Məclisinin sədri İsmayıl Qəhrəmanın çıxışları nəzərdə tutulub

BAKI, 14 may — Sputnik. Milli Məclisin sədri Oqtay Əsədov Qara Dəniz İqtisadi Əməkdaşlığı Təşkilatı Parlament Məclisinin (QDİƏT PM) 25-ci ildönümünə həsr olunmuş spikerlərin görüşündə iştirak etmək üçün Türkiyənin İstanbul şəhərində səfərdədir. Bu barədə Sputnik Azərbaycan-a Milli Məclisin mətbuat xidmətindən məlumat verilib.

Tədbirdə QDİƏT PM-də nümayəndə heyətimizin başçısı, deputat Eldar Quliyev, parlament Aparatının rəhbəri Səfa Mirzəyev və digər rəsmi şəxslər də tədbirdə iştirak edəcəklər. Spikerlərin sammitinin açılış mərasimində Türkiyə prezidenti Rəcəb Tayyib Ərdoğanın, Türkiyə Böyük Millət Məclisinin sədri İsmayıl Qəhrəmanın çıxışları nəzərdə tutulub.

Görüş çərçivəsində parlament sədrlərinin Qara Dəniz İqtisadi Əməkdaşlığı Təşkilatının gələcək fəaliyyətində parlamentlərin rolu mövzusunda çıxışları gözlənilir. Tədbirin sonunda qurumun 25 illiyi ilə əlaqədar birgə bəyanat imzalanacaq.

Səfər çərçivəsində Milli Məclis sədrinin tədbirdə iştirak edən nümayəndə heyəti başçıları ilə bir sıra görüşləri baş tutacaq. Səfər mayın 17-də başa çatacaq.

25
Teqlər:
QDİƏT PM, Qara Dəniz İqtisadi Əməkdaşlığı Təşkilatı Parlament Məclisi, spiker, Oqtay Əsədov, Milli Məclis, sammit, səfər, sədr
Əlaqədar
Putin prezident seçiləndən sonra ilk səfərini bu ölkəyə etdi
Azərbaycan - Türkiyə münasibətlərini daha da möhkəmləndirəcək səfər
Ruhaninin səfəri: Gizli məqamlar və Bakının manevr siyasəti