Президент Хасан Роухани в ходе выступления глав Азербайджана и Ирана с заявлениями для печати

İran dövlət başçısından Azərbaycan barədə tarixi etiraf

1107
(Yenilənib 22:55 28.03.2018)
Həsən Ruhani: "Biz Azərbaycanın təhlükəsizliyini və suverenliyini öz təhlükəsizliyimiz və suverenliyimiz hesab edirik"

BAKI, 28 mart — Sputnik. "Biz Azərbaycanın təhlükəsizliyini və suverenliyini öz təhlükəsizliyimiz və suverenliyimiz hesab edirik. İki dövlət, iki millət və iki xalqın iradəsi ilə biz bu əlaqələri daha da inkişaf etdirəcəyik".

Sputnik Azərbaycan xəbər verir ki, bunu martın 28-də Bakıda rəsmi qarşılanma mərasimindən sonra Azərbaycan Prezidenti İlham Əliyev təkbətək görüşü zamanı İranın dövlət başçısı Həsən Ruhani deyib.

"Biz bu Novruz bayramı günlərində sizin ölkənizin və xalqınızın qonağıyıq. Regionun iki böyük milləti, iki böyük xalqı ortaq tarix və mədəniyyətə sahibdir. Eyni zamanda, ortaq məqsədlər də müəyyənləşdirilib ki, qarşıdakı hədəflərə nail olunsun. Çox sevinirəm ki, hər dəfə Sizinlə görüşürük. Bunun şahidi oluruq ki, iki ölkənin əlaqələrində inkişaf əldə etmişik. Ötən bir neçə ildə biz on dəfə görüşmüşük, yəni, üzbəüz görüşmüşük. Bu da göstərir ki, iki ölkənin əlaqələri səmimiyyətə söykənir. Keçmişdə razılaşdığımız məsələlər bu gün öz töhfəsini verir və sabah da biz bir neçə açılışın şahidi olacağıq. Budəfəki səfərimizdə də əldə edəcəyimiz razılaşmalar qətiyyətlə deyə bilərəm ki, iki ölkənin əlaqələrinin inkişafına xidmət edəcək" — deyə o əlavə edib.

1107