Prezident İlham Əliyev

İlham Əliyev faciəli xəbərə belə reaksiya verdi

2213
(Yenilənib 12:24 07.03.2018)
Prezident: "Təyyarənin qəzaya uğraması nəticəsində insan tələfatı barədə xəbəri dərin kədər hissi ilə qarşıladım"

BAKI, 7 mart — Sputnik. Azərbaycan Respublikasının prezidenti İlham Əliyev Rusiya Federasiyasının prezidenti Vladimir Putinə başsağlığı verib. Sputnik Azərbaycan dövlət başçısının rəsmi saytına istinadən xəbər verir ki, məktubda deyilir:

"Hörmətli Vladimir Vladimiroviç.

Rusiyanın "An-26" hərbi-nəqliyyat təyyarəsinin Suriyada qəzaya uğraması nəticəsində insan tələfatı barədə xəbəri dərin kədər hissi ilə qarşıladım.

Sizə, həlak olanların doğmalarına və yaxınlarına, bütün Rusiya xalqına Azərbaycan xalqı adından və şəxsən öz adımdan dərin hüznlə başsağlığı verirəm".

Qeyd edək ki, Suriyanın Hmeymim aeroportu yaxınlığında Rusiyaya məxsus "An-26" təyyarəsi qəzaya uğrayıb. Rəsmi məlumata görə, hadisə nəticəsində 27 zabit, o cümlədən bir general-mayor, 26 müxtəlif rütbəli zabit, habelə praporşik və müddətdən artıq hərbi xidmətdə olan hərbçilər həlak olub.

Bu barədə Rusiya Federasiyası Müdafiə Nazirliyinin açıqlamasında görə, həlak olan general-mayor Vladimir Yeremeyevdir. Təyyarədə mülki şəxs olmayıb.

2213
Teqlər:
"An-26" hərbi-nəqliyyat təyyarəsi, xalq, başsağlığı, Rusiya Federasiyası, Vladimir Putin, Suriya, Azərbaycan Respublikası, İlham Əliyev, prezident
Əlaqədar
Suriyada qəzaya uğrayan Rusiya təyyarəsi barədə yeni məlumat var
Suriyadan gələn bu görüntü hər kəsi duyğulandırdı
Suriyada yenə körpə qanı axdı...