Dəmir yolu

Bu istiqamətdə təmir işlərinə başlanıldı

31
(Yenilənib 10:50 07.02.2018)
Əsaslı təmir işlərini 11 saylı "İxtisaslaşdırılmış Dəmir Yolu Müəssisəsi" MMC-nin kollektivi həyata keçirir

BAKI, 7 fevral — Sputnik. Dəmir yolunun Dəllər-Şəmkir mənzilində 8,6 km dəmir yolu əsaslı təmir olunur. Bu barədə Sputnik Azərbaycan-a "Azərbaycan Dəmir Yolları" Qapalı Səhmdar Cəmiyyətinin (QSC) İctimaiyyətlə əlaqələr şöbəsinin rəisi Sevinc Qədirova məlumat verib.

O bildirib ki, Azərbaycan Dəmir Yollarının əsaslı təmiri prosesinin növbəti mərhələsi çərçivəsində Bakı-Böyük Kəsik istiqamətində 600 km dəmir yolu əsaslı təmir olunur: "Bu gündən etibarən dəmir yolunun Dəllər-Şəmkir mənzilində 8,6 km yolun əsaslı təmirinə start verilib. Təmir işləri bir həftə davam edəcək".

Qeyd edək ki, əsaslı təmir işlərini 11 saylı "İxtisaslaşdırılmış Dəmir Yolu Müəssisəsi" MMC-nin kollektivi həyata keçirir.

Xatırladaq ki, 14 aprel 2015-ci ildə "Azərbaycan Dəmir Yollarının Yenidən Qurulması" layihəsinin 2-ci mərhələsinin icrası məqsədilə, "Azərbaycan Dəmir Yolları" Qapalı Səhmdar Cəmiyyəti ilə Çexiya Respublikasının "MORAVİA STEEL" şirkətləri arasında "Azərbaycan Respublikası Dəmir Yollarının Bakı-Böyük Kəsik sahəsində 600 km hissənin maddi–texniki təchizatı və əsaslı təmiri" barədə İxrac Müqaviləsinə əlavə Saziş imzalanıb.

Yeni layihənin icrasına 2015-ci ilin oktyabr ayının sonlarında başlanılıb və bu günə kimi 450 km dəmir yolu əsaslı təmir olunub.

31
Teqlər:
Dəllər-Şəmkir, əsaslı təmir, şöbə, mərhələ, oktyabr, dəmir yolu, "Azərbaycan Dəmir Yolları" Qapalı Səhmdar Cəmiyyəti, mənzil, start
Əlaqədar
Daha bir küçəmiz təmir edilir - Sürücülərin diqqətinə
Bakı metrosunda uzun müddət davam edən təmir işləri başa çatıb
Bu metro stansiyasında təmir işlərinə başlanılıb
Bakının mərkəzi küçələrində bu gecə təmir işləri aparılacaq
Atbulaq stansiyasının baş yolları əsaslı təmir olunur
Bakıda daha bir küçə təmir olundu
50 avroluq əskinas, arxiv şəkli

Avronun "bəyliyi" vaxta qədərdir? - "Onlar prosesi tam idarə edə bilmirlər"

12
(Yenilənib 20:15 10.08.2020)
Ekspert: "Faktiki olaraq dünya bazarlarında avronun möhkəmlənməsi istiqamətində davam edən dinamika Azərbaycanda da avronun möhkəmlənməsini şərtləndirən əsas məqamlardan biridir"

Xalid Məmmədov, Sputnik Azərbaycan

BAKI, 10 avqust — Sputnik. "Son bir neçə həftədə Azərbaycanda avro təxminən 9 faiz ətrafında bahalaşıb".

Bunu iqtisadçı-ekspert Rəşad Həsənov Sputnik Azərbaycan-a son dövrdə avronun bahalaşmasından danışarkən deyib.

Dollardan kəsirimiz var: nə borc əl verir, nə də devalvasiya>>

Avronun bahalaşmasının səbəblərindən danışan ekspert bildirib ki, ümumiyyətlə, Azərbaycanda digər valyutaların məzənnəsi çarpaz məzənnə formasında dollara nisbətdə müəyyənləşir: "Manatın dollara nisbəti və dolların digər valyutalara nisbətində ortaya çıxan orta rəqəm məzənnə olur. Buna görə də faktiki olaraq dünya bazarlarında avronun möhkəmlənməsi istiqamətində davam edən dinamika Azərbaycanda da avronun möhkəmlənməsini şərtləndirən əsas məqamlardan biridir. Təxminən 3 ay bundan əvvəl 1 avro 1,1 dollara qədər ucuzlaşmışdı. Amma hazırda isə yenidən 1,2 dollar istiqamətində dinamika müşahidə olunur. Bu, Azərbaycan ilə bağlı məsələ deyil".

"Avronun bahalaşması Azərbaycanda digər valyutaların məzənnəsinin formalaşdırılması üçün qurulmuş sistemdən, yəni çarpaz məzənnə mexanizmindən və dünya bazarlarında avronun möhkəmlənməsi istiqamətində davam edən dinamikadan qaynaqlanır", - deyə o bildirib.

Ekspert qeyd edib ki, hazırda ABŞ-ın Federal Ehtiyat Sistemi daha yumşaq dollar siyasəti həyata keçirir: "Eyni zamanda ABŞ iqtisadiyyatında çox ciddi geriləmə müşahidə olunur. Həmçinin koronavirusa yoluxma səviyyəsi ən ciddi ABŞ-da qeydə alınıb. Tramp administrasiyası pandemiya ilə əlaqəli prosesləri tam idarə edə bilmir. Bu da investorlarda marağın azalmasına gətirib çıxardır. Dolayısı ilə avro dollara nisbətdə möhkəmlənir və beləcə Azərbaycanda avro məcburən bahalaşır".

"1 avronun 1,2 dollar həddinin üzərinə çıxması ehtimalı aşağı qiymətləndirilir, çünki Avropa iqtisadiyyatında da böyük risklər qalmaqdadır. Son günlər dolların ucuzlaşmasına xüsusilə yenidən xarici ticarət əlaqələri ilə bağlı gərginliyin artması kimi məqamlar təsir göstərib. Bu da avronun möhkəmlənməsini şərtləndirib. Amma bir neçə həftədən sonra ABŞ iqtisadiyyatı ilə bağlı daha yaxşı göstəricilər əldə ediləcəksə, dollar yenidən möhkəmlənəcək", - deyə o qeyd edib.

Ekspert bildirib ki, manatın məzənnəsi dollara nisbətdə müəyyənləşir: "Dollara nisbətdə manatın məzənnəsi sabit saxlanılıb. Dünya bazarında dolların digər valyutalara pariteti var və Azərbaycanda həmin nisbəti 1.70-ə vurmaqla digər məzənnələr müəyyən edilir. Buna çarpaz məzənnə deyilir. Avro dünyada ucuzlaşanda bizdə də ucuzlaşacaq".

Qeyd edək ki, avronun məzənnəsi iyunun 3-də 1,9 manatı, iyulun 30-da isə 2 manatı keçib.

Azərbaycan Mərkəzi Bankının avqustun 7-nə olan rəsmi valyuta məzənnələrinə əsasən, avronun məzənnəsi 0,37% azalaraq 2,0120 manat təşkil edib.

12
Əlaqədar
Həyəcan təbili - Gələn il iqtisadi göstəricilərimiz ürəkaçan olmayacaq, əgər...
Dünyanın koronavirus büdcəsi tükənir: xəstəliyə necə qalib gələcəyik?
Məntiq tapmacası: Nə alan var, nə də satan, amma qiymət üstünə qiymət gəlir
Dünyanın bir nömrəli valyutasını taxtdan salırlar?
"Gözü çıxmış qardaş"ın dərsləri - iqtisadiyyat buna görə pulsuz qalır
Bakıda çimərlik, arxiv şəkli

Suyu gördülər, uşaqları yaddan çıxdı

188
(Yenilənib 19:48 10.08.2020)
Kifayət qədər qaydalara əməl edən şəxslər olsa da, qaydalara məhəl qoymayaraq sərxoş halda suya girən, üzmə nişanlarını üzüb keçən, suda kobud hərəkətlər edən vətandaşlara da rast gəlinir

İradə Cəlilova, Sputnik Azərbaycan

BAKI, 10 avqust — Sputnik. "Fövqəladə Hallar Nazirliyi tərəfindən nəzarətdə olan ərazilərdə bu günə qədər ölümlə nəticələnən boğulma hadisəsi qeydə alınmayıb".

Çimərlik serialının qısa tizerdən sonra yeni mövsümü – yeni qaydalarla
© Sputnik / Kamilla Əliyeva / Taleh Mahmudov / Leyla Orucova

Bu barədə Sputnik Azərbaycan-a Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin rəisi, daxili xidmət mayoru Aqşin Əlili danışıb.

Onun sözlərinə görə, suda boğulma təhlükəsi ilə qarşılaşan bir neçə şəxs FHN-in xilasediciləri tərəfindən xilas edilib.

A.Əlili bildirir ki, kifayət qədər qaydalara əməl edən şəxslər olsa da, qaydalara məhəl qoymayaraq sərxoş halda suya girən, üzmə nişanlarını üzüb keçən, suda kobud hərəkətlər edən vətandaşlara da rast gəlinir. Eyni zamanda A.Əlili son 5 gündə valideynləri tərəfindən nəzarətsiz buraxılaraq çimərlikdə sahibsiz qalan uşaqlardan da söz açıb:

"Bununla bağlı bizə 10-dan çox məlumat daxil olub, xoşbəxtlikdən, uşaqlar xilasedicilər tərəfindən tapılaraq valideynlərinə təhvil veriliblər. Valideynlərə müraciət edirik ki, çimərlikdə uşaqları nəzarətsiz qoymasınlar".

"Ayın 5-dən çimərliklərin fəaliyyətinə dair qərar qəbul edildi. Bildiyiniz kimi, nəzarət edilən çimərliklər və ictimai çimərliklər var. Həmin çimərliklərdə FHN tərəfindən sularda təhlükəsizliklə bağlı, kompleks təhlükəsizlik tədbirləri görülüb. Eyni zamanda çimərliklərdə koronavirusun profilaktikasına dair olan göstərişlərin tələblərinə əməl edilir. Sosial məsafə, şəxsi gigiyena və dezinfeksiya tədbirlərinin görülməsi həyata keçirilir", - deyən Aqşin Əlili bildirib ki, nəzarət edilməyən çimərliklərdə hazırda bu qaydalara əməl edilmir.

Onun sözlərinə görə, nəzarətsiz çimərliklərdə təhlükəsizlik tədbirləri görülmədiyindən bədbəxt hadisələr baş verə bilər.

188
Əlaqədar
Çimərlikdə qiymətlər əl yandırır, sahibkarlar da haqlı... yesən də, yeməsən də budur
BŞİH çimərliklərlə bağlı əhaliyə müraciət edib
Yaxşı qaralmaq üçün...
Suda boğulanların xilası onun öz əlindədir: Qaydalara əməl etsək, başımız da dərddə olmaz
Kvesti xatırladan istirahət: ayağını basma, yoluxarsan
Məmurlar, arxiv şəkli

Bratislava ilə Moskva arasında diplomatik qalmaqal

0
(Yenilənib 22:23 10.08.2020)
Öz növbəsində Rusiya XİN bu qərara “güzgü” qaydasında cavab veriləcəyini bildirib: “Ənənəvi olaraq, adekvat cavab veriləcək”.

BAKI, 10 avqust — Sputnik. Rusiyanın üç diplomatını casusluqda ittiham edərək Slovakiyadan çıxarırlar.

Sputnik Azərbaycan RİA Novosti-yə istinadən bildirir ki, bu barədə Bloomberg yazıb.

Agentliyin adı çəkilməyən müsahibi bildirib ki, onlar ölkəni həftənin sonunadək tərk etməlidirlər.

“Qərar Baş nazir İqor Matoviçin yeni administrasiyası tərəfindən qəbul edilib”, - məqalədə bildirilir.

Slovakiya Xarici İşlər Nazirliyi Reuters-ə rusiyalı diplomatların gerçəkdən də ölkədən çıxarılacağını təsdiqləyib.

Öz növbəsində Rusiya XİN bu qərara “güzgü” qaydasında cavab veriləcəyini bildirib: “Ənənəvi olaraq, güzgü cavabı veriləcək”.

Diplomatik münasibətlər barədə Vyana konvensiyasına görə, qəbul edən dövlətə istənilən vaxt və heç bir səbəb gətirmədən diplomatik nümayəndəlikdən istənilən şəxsi persona non-qrata elan edə bilər. Akkreditə edən ölkə bu nümayəndəni geri çağırmalıdır, əks halda həmin şəxsin olduğu ölkə onu diplomat hesab etməkdən boyun qaçıra bilər.

 

0