Здание Министерства иностранных дел Азербайджанской Республики в Баку

Azərbaycan Türkiyənin başlatdığı əməliyyata münasibət bildirdi

288
(Yenilənib 23:52 21.01.2018)
"Azərbaycan terrorizmin bütün forma və təzahürlərini qəti şəkildə pisləyir və terrorizmə qarşı mübarizədə beynəlxalq ictimaiyyətin səylərini dəstəkləyir"

BAKI, 21 yanvar — Sputnik. Azərbaycan Türkiyənin terror təhdidinə qarşı əsaslı təhlükəsizlik narahatlıqlarını tam şəkildə anlayır.

"Azərbaycan terrorizmdən əziyyət çəkmiş dövlət kimi, terrorizmin bütün forma və təzahürlərini qəti şəkildə pisləyir və terrorizmə qarşı mübarizədə beynəlxalq ictimaiyyətin səylərini dəstəkləyir. Beynəlxalq və regional sülh və təhlükəsizliyin təmin edilməsi üçün terror təhlükəsinin kökünün kəsilməsi xüsusilə vacibdir". 

Sputnik Azərbaycan-ın məlumatına görə, bunu Xarici İşlər Nazirliyinin mətbuat xidmətinin rəhbəri Hikmət Hacıyev Türkiyə ordusunun Suriyanın Afrin bölgəsində həyata keçirdiyi "Zeytun budağı" əməliyyatına münasibət bildirərkən söyləyib.

Hacıyev deyib ki, Türkiyə hökuməti tərəfindən bəyan edildiyi kimi, Türkiyə Silahlı Qüvvələri tərəfindən həyata keçirilən “Zeytun budağı” əməliyyatının məqsədi Türkiyənin sərhədlərinin təhlükəsizliyini təmin etmək, bölgədəki terror təhlükəsini zərərsizləşdirmək və ərazidə yaşayan mülki insanları terror hücumları və təhdidlərindən qorunmaq məqsədi daşıyır: "Türkiyə dəfələrlə terror hücumlarına məruz qalıb və nəticədə çoxsaylı günahsız insanlar həlak olub. Azərbaycan Türkiyənin terror təhdidinə qarşı əsaslı təhlükəsizlik narahatlıqlarını tam şəkildə anlayır. Biz qardaş Türkiyə və Türkiyə xalqının bir daha heç zaman xain terror hücumlarına məruz qalmamasını arzu edir və diləyirik”.

288
Teqlər:
antiterror, "Zeytun budağı" əməliyyatı, Afrin, Xarici İşlər Nazirliyinin (XİN) Mətbuat xidmətinin rəhbəri Hikmət Hacıyev, Suriya, terror, Xarici İşlər Nazirliyi, Hikmət Hacıyev, Türkiyə
Əlaqədar
Türkiyə ordusu artıq Afrindədir
Afrin əməliyyatı barədə maraqlı detal üzə çıxdı
Türkiyə istəyinə çatdı: Rus əsgərləri Afrindən çıxmağa başlayıb
Afrində vurulan hədəflərin sayı açıqlandı
Suriyadan Afrin əməliyyatına cavab: Türkiyə ərazisi raket atəşinə tutuldu
Türkiyə prezidenti: "Afrində əməliyyat başlayıb"