Dənizkənarı parkda Şaxta baba və Qar qız, arxiv şəkli

Şaxta Baba Qar Qızsız qalacaq Bakı yolkaları...

1128
(Yenilənib 01:13 17.12.2017)
Departament Şaxta Baba və Qar Qız postuna namizədlərlə bağlı tələblərini açıqlayıb

BAKI, 15 dekabr — Sputnik. Bakıda demək olar ki, heç kəs Şaxta Baba və ya Qar Qız olmaq istəmir. Bunu Sputnik Azərbaycan-a Bakı Şəhər İcra Hakimiyyəti yanında Ticarət və Xidmət Departamentinin mətbuat-xidmətinin rəhbəri Əliabbas Bağırov bildirib.

O qeyd edib ki, bayram ərəfəsində cəmi beş nəfər Yeni İlin rəmzi olmaq məqsədilə lisenziya almaq üçün müraciət edib. Lisenziyaların verilməsi məsələsinə dekabrın 20-də baxılacaq. Həmin vaxta çox az qalıb. Departament ümid edir ki, həmin vaxta qədər Şaxta Baba və Qar Qız rolunu ifa etmək arzusunda olanların sayı artacaq.

Bağırov qeyd edib ki, ildən-ilə onlara Şaxta Baba və Qar Qız olmaq üçün müraciət edənlərin sayı azalır. Misal üçün, 2016-cı ildə onlara lisenziya üçün 17 nəfər, 2015-ci ildə 30 nəfərdən çox, 2014-cü ildə isə 50 nəfər müraciət edib.

"İldən-ilə bu göstərici aşağı düşür. Baxaq görək bu il necə olacaq. Bu məsələ bizdən asılı deyil. Bir yer üçün lisenziyanın qiyməti 60 manatdır. Bu qiymət bir neçə ildir ki, sabit qalır" – deyə Bağırov bildirib.

Onun sözlərinə görə, Şaxta Baba və Qar Qız olmaq istəyənlər yalnız Bakının mərkəzini arzulayırlar. Bağırovun sözlərinə görə, misal üçün Nərimanov rayonundakı Heydər Əliyev adına parkda Şaxta Baba və Qar Qız “Köhnə Yeni İl”ə qədər (13 yanvara qədər) işləmək hüququna malikdirlər.

Ərizə ilə müraciət edən namizədlərin seçiminə gəlincə, Bağırov bu haqda heç nə bilmir.

Namizədlərdən sadəcə tibbi arayış və şəxsiyyət vəsiqəsi tələb olunur. Tibbi arayış ona görə vacibdir ki, Şaxta babalar uşaqlarla işləyir, onları qucağına götürür, dizinin üstündə oturdur, hədiyyə verir, əl-ələ tutub rəqs edir və s. Tibbi arayışı tələb etməkdə məqsəd Şaxta babaların uşaqları hansısa yoluxucu xəstəliyə yoluxdurmamasıdır.

Departamentin nümayəndəsi bildirir ki, o, praktiki olaraq şəhərin bütün "Şaxta babaları"nı üzdən tanıyır. Çünki hər il lisenziya üçün onlara elə eyni adamlar müraciət edir.

1128
Teqlər:
Bakı Şəhər İcra Hakimiyyəti yanında Ticarət və Xidmət Departamenti, Yeni il, lisenziya, Qar qız, Şaxta Baba, qiymət
Əlaqədar
Yeni il atəşi Bakını bürüyüb
Yeni ilin ən təhlükəsiz avtomobillərinin adları açıqlandı - Siyahı
Manatın devalvasiyası "yolkalar"ı da vurdu
Onlar sizi gözləyir: Sputnik Azərbaycan onkoloji xəstə uşaqlar üçün Şaxta Baba axtarır
Bakı Metropoliteni: Bura işə düzəlmək üçün Şaxta Babaya müraciət edin...
Şaxta Babadan inanılmaz riyakarlıq - min illik yalan faş oldu
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

20
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

20
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

8
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

8