Малейка Асадова

Xalq artistinin vəkilindən sərt sözlər: “Zina etməyini haradan sübut edirsiz?”

720
(Yenilənib 10:43 05.12.2017)
"Məhkəmədə üzr istəmək barədə iddiamız yoxdur!"

BAKI, 5 dekabr — Sputnik. "Fahişə-bir neçə kişi ilə eyni zamanda əlaqədə olub, bunun əvəzində onlardan pul alan qadına və yaxud da eyni zamanda bir neçə kişi ilə əlaqədə olub öz ərinə və ya sevgilisinə xəyanət edən qadına deyilir, əziz izləyicilərim! Bunu, xüsusilə də dindar, müsəlman dostlarımın nəzərinə çatdırmaq istəyirəm,, hansılar ki, bundan əvvəl paylaşdığım statusa görə məni qınayıblar". Sputnik Azərbaycan xəbər verir ki, bu sözləri xalq artisti Məleykə Əsədovanın vəkili Tağı Hüseynov öz "facebook" səhifəsində yazıb.

Vəkil bildirib ki, bir qadına haqsız yerə, sübutu olmadan fahişə demək ağır günahdır: "Bu günə qədər Məleykə Əsədovanın fahişəliklə məşğul olduğunu mən şəxsən eşitməmişəm. Kimsə eşidibsə, desin və sübut etsin. Hə, əgər onun var dövləti hansısa sevgilisindən qalıbsa, burda Allaha xoş getməyən, günah olan nədir? Zina etməyini haradan sübut edirsiz? Nə bilirsiz, hətta sevgilisi olubsa belə, kəbinlə olmadığını nə ilə sübut edəcəksiz? Ayıb deyil böhtan atmaq? Axı fahişə sözünün açıqlamasını sizə yuxarıda yazmışam. Fahişənin başqa tərifini də bilən varsa, yazsın bura. Ramiz Məlikov isə Məleykə xanıma fahişə deyib. Hətta deyib ki, sənin anan da fahişə olub və sənin 6 yaşın olanda atan ananı fahişəlik üstündə boşayıb. Halbuki, Məleykə xanımın valideynləri heç vaxt boşanmayıblar. Bəs sizin dahi və ağsaqqal kimi qələmə verdiyiniz bu aktyor Məleykə xanımın ölmüş valideynlərini və özünü belə təhqir etdiyi kimi mediada sizi də təhqir etsəydi ona ağsaqqaldır deyib hər şeyi bağışlayardınızmı? Siz niyə özünüzü Məleykə xanımın yerinə qoymursuz? Ramiz Məlikov nə vaxtdan el ağsaqqalı olub? O nə vaxtdan camaatın namusunu çəkən olub? Məleykə xanımdan başqa şortik geyinən aktrisalarımız yoxdur? Həm də ki, Məleykə xanım şortiki yayda istirahət mərkəzində və qayıqda geyinib. Əgər belə namus çəkən idisə, bir teatrda işlədiyi halda, hər gün eyni qapıdan girib salamlaşdığı halda bu iradı Məleykə xanımın özünə deməyib, bəs nə üçün gəlib saytlara müsahibə verib özünü reklam edir? Əminsinizmi onun qohum-qonşusunda şortik geyinən yoxdur? Bu həmin Ramiz Məlikovdur ki, keçən il xalq artisti Ramiz Novruzov (Həzi Aslanov rolunun ifaçısı) tərəfindən artıq-əskik danışdığına görə döyülüb və onu polisə verib? Bundan əvvəl də belə hadisələr olub. Başqa aktyorlarla da problemlər yaşayıb bu insan. Siz isə bilmədiyiniz mövzuda mühakimə yürüdürsüz!"

Hüquqşünas bu mövzuda fikrini bildirən digər hüquqşünaslara da ismarıc yollayıb. O qeyd edib ki, iddia ərizəsi ilə tanış olmadan heç bir hakim üzr istəmək iddiasını təmin edə bilməz: "Sizə kim dedi ki, iddiada belə tələb var? Sadəcə Məleykə xanım mənə deyib ki, onun şəxsinə olan təhqiri bağışlasa da, Ramiz Məlikov onun valideynlərinin məzarı önündə diz çöküb üzr istəməsə onu bağışlamayacaq! Burda təəccüblü nə var ki? Bunun iddiaya heç bir aidiyyəti yoxdur. Sadəcə o hərəkəti etsə iddiadan imtina edəcəyini deyib. Sonda onu bildirmək istəyirəm ki, bəziləriniz Məleykə Əsədovanı sevməyə bilərsiz. Lakin bütün mediada bir nəfərin ona və ölmüş anasına fahişə deməyinə doğru baxmağınız sizin ədalətsizliyinizdən xəbər verir. Ona iradı olan gəlib mediada şirə dönməkdənsə gedib üzünə deməli idi və tövsiyyəsini də etməli idi. Məhkəmədə isə üzr istəmək barədə iddiamız yoxdur!"

720
Teqlər:
Ramiz Məlik, Məleykə Əsədova, söyüş, iddia, vəkil, facebook, məhkəmə
Əlaqədar
Ramiz Məlik cavab verdi: “Məleykə onu yuxusunda görər”
Məleykə Əsədova: "Ramiz Məlik şərtimə əməl etməsə, təzminatı ödəməlidir"
Ramiz Məlikdən Məleykə Əsədovaya növbəti barışıq çağırışı...
Məleykə Əsədovadan Ramiz Məlikə alçaldıcı çağırış
İndi də Ramiz Məlik xalq artistini məhkəməyə verdi
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

26
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

26
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

55
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

55
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN