Şəxsiyyət vəsiqəsi

Şəxsiyyət vəsiqələri gözləyənlərə pis xəbər

1548
(Yenilənib 16:57 17.11.2017)
Yeni nəsil şəxsiyyət vəsiqələrinin verilməsi 2019-cu ilə qaldı

BAKI, 17 noyabr — Sputnik. Azərbaycanda vətəndaşlara yeni nəsil şəxsiyyət vəsiqələri 2019-cu ilin yanvarın 1-dən veriləcək. Sputnik Azərbaycan Report-a istinadla xəbər verir ki, bununla bağlı "Azərbaycan Respublikası vətəndaşının şəxsiyyət vəsiqəsi haqqında" qanuna dəyişiklik layihəsi Milli Məclisin bu gün keçirilən plenar iclasında müzakirəyə çıxarılıb

Bildirilib ki, şəxsiyyət vəsiqələrinin 2018-ci il yanvarın 1-də verilməsi planlaşdırılsa da, texniki problemlərlə əlaqədar müddət uzadılıb.

Yeni nəsil şəxsiyyət vəsiqələri təhlükəsizlik nöqteyi-nəzərdən köhnə vəsiqələrdən daha üstün olacaq. Bu vəsiqələrə vətəndaşın yaşayış yeri üzrə qeydiyyatı, ailə vəziyyəti haqqında məlumatlar, habelə şəxsiyyət vəsiqəsi sahibinin biometrik fotosu və digər fərdi göstəriciləri özündə birləşdirən elektron daşıyıcı (çip) yerləşdiriləcək. Bu vəsiqələr digər ölkələrin müvafiq orqanları ilə biometrik informasiya mübadiləsinin tənzimlənməsində müstəsna əhəmiyyət kəsb edəcək.

Dəyişiklik layihəsi səsverməyə çıxarılaraq qəbul edilib.

1548
Teqlər:
informasiya mübadiləsi, texniki problemlər, elektron daşıyıcı, biometrik foto, Şəxsiyyət vəsiqələri, Milli Məclis
Əlaqədar
Şəxsiyyət vəsiqələri ilə bağlı dəyişiklik edilir
Azərbaycanda siqaret almaq istəyənlərdən şəxsiyyət vəsiqəsi tələb olunacaq
Ukraynalılar tək şəxsiyyət vəsiqəsi ilə Türkiyəyə gedə biləcəklər
Azərbaycanda uşaqlara şəxsiyyət vəsiqəsi 2020-ci ilədək veriləcək
Şəxsiyyət vəsiqələrinə görə ödənilən rüsumlar artırılıb