BAKI, 7 noyabr — Sputnik. Növbəti illərdə HD yayımdan sonra 4K televiziya yayımının tətbiqinə keçiləcək.
Sputnik Azərbaycan "Report"-a istinadla xəbər verir ki, bunu Radio Televiziya Yayımı və Peyk Rabitəsi İstehsalat Birliyinin direktoru Mikayıl Abbasov AzTV-yə müsahibəsində deyib.
O, bildirib ki, 2018-ci ildə artıq Bakı şəhərində HD yayım ilə bərabər, 4K yayımına başlanması nəzərdə tutulur. Qeyd edək ki, 4K rəqəmsal televiziyada və kompüter qrafikasında yeni və daha keyfiyyətli yayımdır. Bu yayıma yalnız 4K formatlı televizorlarda baxmaq mümkündür.
