AAAF Park yaşayış kompleksi, arxiv şəkli

Məhkəmə icraçıları AAAF Park-ın ofisinə niyə gəliblər

157
İri sahibkarın problemi var, onun hüquq-mühafizə orqanlarından ilk qonaqları məhkəmə icraçıları olub

BAKI, 22 sentyabr — Sputnik. Azərbaycanın Vergilər Nazirliyi bir sıra KİV-də gedən AAAF Park yaşayış kompleksinin sahibi Tofiq Heydərovun saxlanılması barədə məlumatı təkzib edib.

Nazirlikdən Sputnik Azərbaycan-a bildiriblər ki, hələlik onların Heydərova qarşı hər hansı iradları yoxdur.

Bir sıra məlumatlara görə, bu gün Xırdalan şəhərindəki AAAF Park-a Abşeron rayon prokurorluğunun əməkdaşları gələrək şirkətin işçilərini və bu ərazidə yerləşən bütün obyekt sahiblərini işi dayandırmağa, ərazidə aparılacaq yoxlamalarla əlaqədar olaraq 10 dəqiqə ərzində ərazini tərk etməyə çağırıblar. 

Hətta obyektin işçiləri arasında iş adamı Tofiq Heydərovun hansısa dini sekta ilə əlaqələrinə görə saxlanıldığı barədə şayiələr də dolaşırdı.

Lakin Baş prokurorluqdan bildiriblər ki, prokurorluq orqanları şirkətdə heç bir yoxlamalar aparmırlar.

İlkin məlumatlara görə, məhkəmə icraçıları Tofiq Heydərova qarşı məhkəmə qərarının icrasını təmin etmək üçün şirkətə gəliblər.

Şirkətin hüquqşünası Səbuhi Axundov Sputnik Azərbaycan-a bildirib ki, Tofiq Heydərov hazırda Kosovo Respublikasının paytaxtı Priştinadadır. Bu şəhərdə 22-30 sentyabr tarixlərində 15-17 yaşlılar arasında ağır atletika üzrə Avropa birinciliyi keçirilir və Heydərov da Ağır Atletika Federasiyasının vitse-prezidenti kimi orada iştirak edir. 

"Kimsə məhkəmə icraçılarını formada görərək yanlış informasiya yayıb ki, onlar prokurorluğun əməkdaşlarıdır" — deyə Axundov bildirib.

Onun sözlərinə görə, məhkəmə icraçılarının şirkətə gəlişinin məqsədi AAAF Park-ın banklardan birindən girov müqabilində götürülmüş ipoteka kreditlərinin vaxtında qaytarılmaması ilə əlaqədar olaraq məhkəmə qərarının icrası məqsədilə əmlakın inventarlaşdırılması ilə bağlıdır.

157
Teqlər:
Vergilər Nazirliyi, Səbuhi Axundov, Tofiq Heydərov, Kosovo, Priştina, Xırdalan şəhəri
Əlaqədar
Rusiyada azərbaycanlı biznesmen qətlə yetirildi
ABŞ-da azərbaycanlı biznesmen müəmması
Başına torba keçirilərək oğurlanan biznesmen olub-bitənləri anlatdı
Erməni əsilli biznesmen güllələndi
Bakı məktəblərin birində, arxiv şəkli

Orta məktəbi vaxtından əvvəl bitirmək istəyənlər üçün imkan

4
(Yenilənib 17:57 18.01.2021)
İstedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

BAKI, 18 yanvar — Sputnik. Ümumi təhsilin hər hansı səviyyəsini vaxtından əvvəl bitirmək istəyən istedadlı şagirdlər üçün eksternat qaydasında imtahan keçiriləcək. Sputnik Azərbaycan-ın məlumatına görə, Bakı Şəhəri üzrə Təhsil İdarəsinin (BŞTİ) əmrinə əsasən, eksternat imtahanı yanvarın 19-da təşkil olunacaq.

Qeydiyyatdan keçmiş məktəblilərin biliyi test imtahanı vasitəsilə yoxlanılacaq. İmtahan hər fəndən 10 sual olmaqla, fənn proqramlarına uyğun hazırlanacaq və nəticələr müvafiq komissiya tərəfindən 100 ballıq şkala üzrə qiymətləndiriləcək. Test imtahanından uğurla keçən istedadlı şagirdlər müsahibəyə cəlb olunacaqlar.

Qeyd edək ki, istedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

4
Uşaqlar, arxiv şəkli

İnsan alverinin hər üç qurbanından biri uşaqdır

4
(Yenilənib 17:58 18.01.2021)
Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

BAKI, 18 yanvar — Sputnik. İnsan alveri insan hüquqlarının ciddi pozuntusu və cinayətin ağır formalarından biridir. Həm milli, həm də transmilli cinayət xarakteri daşıyan "insan alveri" istismar məqsədilə insanların cəlb edilməsi, daşınması, hədələyərək, güc tətbiq edərək qorxudulması, oğurlanması, aldadılması kimi üsullarla insana qarşı zorakılıq kimi başa düşülür.

Sputnik Azərbaycan Baş Prokurorluğun məlumatına istinadla xəbər verir ki, aşkar olunan qurbanlar arasında uşaqların faiz nisbəti artmaqdadır: hər üç qurbandan biri uşaqdır.

İnsan alverinə qarşı mübarizə məqsədilə Baş Prokurorluğun Mətbuat xidməti tərəfindən maarifləndirici videoçarx hazırlanıb.

Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "Qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

https://www.facebook.com/prokurorluq/videos/118373910083559

4