Mehriban Əliyeva

Mehriban Əliyeva: "Səmimi təbriklərinizdən çox təsirlənmişəm"

4995
(Yenilənib 13:32 27.08.2017)
Birinci vitse-prezident: "Mən Azərbaycanın əsas sərvətinə - xalqımıza inanıram"

BAKI, 27 avqust — Sputnik. Azərbaycan Respublikasının Birinci vitse-prezidenti Mehriban Əliyeva doğum günü ilə əlaqədar çoxsaylı təbrik məktubları alıb. Mehriban xanım ona səmimi sözlər ünvanlayanların, xoş arzular bildirənlərin hamısına müraciət edərək dərin minnətdarlığını ifadə edib. Sputnik Azərbaycan Mehriban Əliyevanın müraciətini təqdim edir:

"Əziz dostlar,

Bu günlərdə mənim ünvanıma doğum günü münasibətilə təbriklər daxil olur. Mənə bizim həmvətənlərimiz, müxtəlif nəsillərdən və peşələrdən olan insanlar yazırlar. Mən, həmçinin xaricdən təbriklər alıram. Səmimi təbriklərə və uğurlar arzularına görə hamıya ürəkdən təşəkkür edirəm.

Əziz dostlar,

Belə bir gündə sizin səmimiyyətinizi bir daha hiss etmək mənə çox xoşdur. Mən sizin səmimi təbriklərinizdən çox təsirlənmişəm. Bu, həqiqətən ruhlandırır və müsbət, yaradıcı enerji verir. Mənim hər zaman hiss etdiyim rəğbətinizə, sevgi və dəstəyinizə görə çox sağ olun.

Mən sizinlə bizim ümumi potensialımıza, insan kapitalımıza inanıram, mən Azərbaycanın əsas sərvətinə — xalqımıza inanıram.

Göstərdiyiniz diqqətə görə hər birinizə təşəkkür edirəm. Sizin hamınıza, yaxınlarınıza və sizə əziz olan insanlara cansağlığı, uğurlar, səadət və rifah, Vətənimizə isə sülh və tərəqqi arzu edirəm.

Səmimiyyətlə,

Mehriban Əliyeva"

4995
Teqlər:
təbrik məktubları, Birinci vitse-prezident, Mehriban Əliyeva, Azərbaycan Respublikası
Əlaqədar
Dövlət dumasının deputatı Mehriban Əliyevanı təbrik etdi
Mehriban Əliyeva balaca Zəhranın ölümünə münasibət bildirdi
Mehriban Əliyeva şəhid ailəsinin böyük müşkülünü həll etdi
"Vitse-prezidentlik institutunu Mehriban Əliyeva inkişaf etdirir"
Mehriban Əliyeva fəxri üzv seçildi
Azərbaycan Respublikası Müdafiə Nazirliyinin binası

Rusiya sərhəd zastavasının atəşə tutması xəbəri təxribat xarakterli dezinformasiyadır

4
(Yenilənib 17:12 29.10.2020)
Müdafiə Nazirliyi: Ermənistan mətbuatının Azərbaycan Ordusunun guya Ermənistan ərazisində İranla həmsərhəd bölgələrdə yerləşən Rusiya sərhəd zastavasını minaatanlardan atəşə tutması ilə bağlı yaydığı məlumat tamamilə dezinformasiyadır və təxribat xarakteri daşıyır.

BAKI, 29 oktyabr - Sputnik. Ermənistan mətbuatının Azərbaycan Ordusunun guya Ermənistan ərazisində İranla həmsərhəd bölgələrdə yerləşən Rusiya sərhəd zastavasını minaatanlardan atəşə tutması ilə bağlı yaydığı məlumat tamamilə dezinformasiyadır və təxribat xarakteri daşıyır.

Sputnik Azərbaycan xəbər verir ki, bu barədə Azərbaycan Müdafiə Nazirliyinin yaydığı məlumatda bildirilir. 

Orada qeyd olunur ki, əksinə, həmin istiqamətdə Ermənistan silahlı qüvvələri tərəfindən Azərbaycan ərazisi atəşə tutulub.

"Bir daha bildiririk ki, bizim Ermənistan ərazisində heç bir hərbi məqsədlərimiz yoxdur", - deyə Nazirlik bildirib. 

4
Əlaqədar
Dünyaca məşhur azərbaycanlılar Bərdədə baş verən terrora səssiz qalmayıblar
Ermənistanda könüllülər və hərbçilər arasında qarşıdurma olub, ölən və yaralananlar var
Əsgər, arxiv şəkli

Agentlik orduya dəstəklə bağlı müraciət etdi

8
(Yenilənib 16:45 29.10.2020)
"Ölkəmiz üçün bu məsuliyyətli dönəmdə xalqın birlik və həmrəylik nümayiş etdirərək dövlətə dəstək olması qürurvericidir"

BAKI, 29 oktyabr — Sputnik. "Bu gün Azərbaycan səhiyyəsi iki cəbhədə mübarizəni davam etdirməkdədir. Azərbaycan Respublikasının Prezidenti, Ali Baş Komandan cənab İlham Əliyevin və Birinci vitse-prezident xanım Mehriban Əliyevanın dəstəyi ilə ön cəbhədə və koronavirusla mübarizədə səhiyyə resurslarımız səfərbər olunub və bütün lazımi addımlar atılır.  Ölkəmiz üçün bu məsuliyyətli dönəmdə xalqın birlik və həmrəylik nümayiş etdirərək dövlətə dəstək olması qürurvericidir. Vətəndaşlar tərəfindən orduya dəstək aksiyaları yüksək vətənpərvərlik hissi ilə ümumxalq hərəkatına çevrilməkdədir".

Bu barədə İcbari Tibbi Sığorta Agentliyindən Sputnik Azərbaycan-a verilən məlumatda bildirilib. Qeyd olunub ki, son zamanlar bir çox azərbaycanlı iş adamlarının səhiyyəyə, dolayısı ilə orduya dəstək məqsədli müraciətləri çoxalmaqdadır. İş adamları ölkə üzrə tibb müəssisələrinin maddi-texniki bazasının və təchizatının yaxşılaşdırılmasına dəstək olurlar. İcbari Tibbi Sığorta üzrə Dövlət Agentliyi (Agentlik) həmin şəxslərə öz təşəkkürünü bildirir və bu fəaliyyəti yüksək qiymətləndirir.

"Sözügedən dəstək təşəbbüslərinin artmasını nəzərə alaraq bildiririk ki, tibb müəssisələrinə müxtəlif növ yardımların edilməsi ilə bağlı fəaliyyətin mərkəzləşdirilmiş qaydada həyata keçirilməsi və yardımın səmərəliliyinin artırılması məqsədilə Agentliyə müraciət edilməsi məqsədəuyğun hesab edilir. Bununla bağlı müraciətlərin qeyd edilən elektron poçt ünvanına (support@its.gov.az) göndərilməsi xahiş olunur".

8
Mövzu:
Azərbaycan və Ermənistan arasında müharibə
Əlaqədar
Türkiyənin məşhur aktyoru Bərdədə baş verən terrorla bağlı paylaşım edib
Yelena Parxomenko: Özümü azərbaycanlı hesab edir və Qarabağda qələbə gözləyirəm
Müharibəyə görə həyatını itirən hərbçi və mülki şəxslərin krediti silinəcək
İsrail səfiri: "Mülki vətəndaşlara edilən hücumlar qəbuledilməzdir"
Azərbaycan əsilli müğənnidən növbəti dəstək