CƏMİYYƏT
Cəmiyyətin həyatında baş verən aktual hadisələr

Səhiyyə idarəsində nələr baş verir?

© Photo : REPORTAzərbaycan Respublikası Hesablama Palatası
Azərbaycan Respublikası Hesablama Palatası - Sputnik Azərbaycan
Abunə olmaq
Təsdiq olunan ərzaq məhsullarının siyahısında nəzərdə tutulmayan ərzaq məhsulunun alınması hallarına yol verilib

BAKI, 24 iyul — Sputnik. Azərbaycan Respublikası Hesablama Palatasının Kollegiyası müvafiq qanunvericiliyin tələblərinə uyğun olaraq dövlət büdcəsindən 2014-2016-cı illərdə Gəncə şəhər Səhiyyə İdarəsinə (İdarə) ayrılmış vəsaitlərin proqnozlaşdırılması və icrası ilə bağlı həyata keçirilmiş auditin nəticələri üzrə Hesabatı müzakirə edərək təsdiq edib. Bu barədə Sputnik-Azərbaycan-a Palatadan məlumat verilib. Hesabatın müzakirəsi zamanı qurum tərəfindən mövcud normativ-hüquqi aktların tələblərinə əsasən riayət edilsə də bir sıra nöqsanlara yol verildiyi diqqətə çatdırılıb.

Gəncə şəhər Səhiyyə İdarəsinin və tabeliyindəki 31 səhiyyə müəssisəsinin strukturunda müxtəlif təyinatlı 1435 ədəd çarpayı və ümumilikdə 4286,0 vahid tibbi və qeyri-tibbi ştat vahidi təsdiq edilmişdir. Gəncə şəhər Səhiyyə İdarəsi tabeliyində olan 14 xəstəxana,13 ambulator poliklinika müəssisəsi,1 körpələr evi, Təcili və Təxirəsalınmaz Tibbi Yardım stansiyası, mərkəzləşdirilmiş mühasibatlıq və mərkəzi avtomaşın qarajı ilə birlikdə stasionar və ambulator tibbi xidmət göstərib. 

Мужчина прячет деньги  в ящик комода, фото из архива - Sputnik Azərbaycan
İctimai televiziyada yeyinti aşkarlandı

İdarənin tabeliyində fəaliyyət göstərən səhiyyə müəssisələrinin strukturunda təsdiq olunmuş xəstəxana çarpayılarının və ştatların sayının Respublika üzrə orta göstəricilərdən çox olduğu müəyyən edilib. Belə ki, Azərbaycan Respublikası Səhiyyə Nazirliyinin rəsmi hesabatına əsasən 2015-ci ildə Respublika üzrə hər on min nəfər əhalinin çarpayılar ilə təminatı 39,6 ədəd, həkimlərlə təminatı 27 vahid təşkil etdiyi halda, bu göstəricilər Gəncə şəhəri üzrə müvafiq olaraq 43,7 və 28,2 vahid təşkil edir. Gəncə şəhər Səhiyyə İdarəsinin tabeliyində fəaliyyət göstərən səhiyyə müəssisələrində 2015-ci ilin əvvəlinə təsdiq olunan ştatlardan 371,25 vahid və ya 8,7%-i 2016-cı ilin əvvəlinə isə 389,25 vahid və ya 9,1%-i vakant olub, onlardan müvafiq olaraq 2015-ci ildə 224,75 vahidi, 2016-cı ildə 217,75 vahidi xəstəxanalarda tam okladla işləyən işçilərə əvəzçilik üzrə verilib.

Gəncə Şəhər Səhiyyə İdarəsinin tabeliyində fəaliyyət göstərən Xəstəxanalarda çarpayıların illik işləməsi əvvəlki illərin göstəriciləri əsasında proqnozlaşdırılmaqla bir çarpayının işləmə günü 2015-ci ildə 225 gün, 2016-cı ildə isə 200 gün götürülmüş və icra müvafiq olaraq 87,3% və 104,2% təşkil edib. Lakin çarpayıların faktiki işlədiyi günlərin sayı Səhiyyə Nazirliyinin tabeliyində fəaliyyət göstərən digər Xəstəxanalarda bir çarpayı üçün proqnozlaşdırılan göstərici ilə və ya 340 gün proqnozla müqayisə edilib və ümumilikdə Səhiyyə İdarəsi üzrə proqnoza 2015-ci ildə 57,1%, 2016-cı ildə 61,4% əməl edildiyi müəyyən edilib.

Bir çarpayı gününə sərf olunmuş dərman və ərzaq xərcləri İdarənin tabeliyindəki səhiyyə müəssisələri üzrə fərqli olmuş, müxtəlif illərdə büdcə vəsaiti hesabına, eyni zamanda əvəzsiz qaydada alınan bəzi inventarlar uzun müddət Səhiyyə İdarəsinin və xəstəxanaların anbarlarında istifadəsiz saxlanılmaqla səmərəsiz xərclərə yol verilib, imtiyazlı xəstələrə dərman, sarğı ləvazimatları və materiallarının paylanması zamanı mövcud normativ aktların tələblərinə tam əməl edilməyib, bəzi hallarda alınan malların (iş və xidmətlərin) miqdarı tələbatdan artıq olub, bəzi hallarda isə alınan malların qiyməti bazar qiymətindən baha olub. 

Reket jurnalist. Arxiv şəkli - Sputnik Azərbaycan
HADİSƏ
Bakıda reket jurnalistlər rüşvət aldıqları yerdə tutuldular

Auditlə əhatə olunan dövrdə əmək haqqı, ezamiyyə xərcləri üzrə artıq ödənişə yol verilib, təsdiqedici sənədlər olmadan təsərrüfat malları və dəftərxana ləvazimatları xərcə silinib, bəzi hallarda qaimə-fakturada iş və xidmətlərin miqdarının və çəkisinin artıq göstərilməsi nəticəsində, bəzi hallarda isə yerinə yetirilməmiş təmir-tikinti işlərinə görə podratçılara artıq vəsait ödənilib, ərzaq anbarlarında istifadə müddəti keçib və saxlanılma rejiminə düzgün riayət olunmaması səbəbindən keyfiyyətsiz hala düşmüş ərzaq məhsulları aşkar edilib, təsdiq olunan ərzaq məhsullarının siyahısında nəzərdə tutulmayan ərzaq məhsulunun alınması hallarına yol verilib.

Hesablama Palatasının yol verilmiş nöqsanların əsasən audit dövründə aradan qaldırıldığını nəzərə almaqla Qərar qəbul edib, müəyyən edilib digər nöqsanların qısa müddət ərzində aradan qaldırılması və bu istiqamətdə həyata keçirilib tədbirlər barədə Hesablama Palatasına məlumat verilməsi məqsədilə Kollegiya Qərarının surəti Azərbaycan Respublikasının Səhiyyə Nazirliyinə, Gəncə şəhər İcra Hakimiyyətinə və Gəncə şəhər Səhiyyə İdarəsinə göndərilib.

Auditin nəticələri ilə bağlı Azərbaycan Respublikasının Milli Məclisinə məlumat verilib.

Xəbər lenti
0