Türkiyənin Azərbaycandakı səfiri Erkan Özoral

Səfir: “15 iyul Türkiyə tarixinin dönüş nöqtəsidir”

63
(Yenilənib 13:51 12.07.2017)
Çevriliş gecəsində Azərbaycan Prezidenti İlham Əliyev Türkiyə Prezidentinə zəng edib maraqlanan, dəstək olduğunu bildirən liderlərdən olub

BAKI, 12 iyul — Sputnik. Bu gün Türkiyənin Azərbaycandakı səfiri Erkan Özoral 2016-cı il 15 iyul tarixində Türkiyədəki çevriliş cəhdinin ildönümü ilə əlaqədar mətbuat konfransı keçirib. Sputnik Azərbaycan-ın məlumatına görə, konfransda çıxış edən səfir bildirib ki, 15 İyul Türkiyə tarixində ən önəmli bir gün kimi qalacaq: “Həmin gün millətin əzmi ilə xain çevriliş cəhdi yatırıldı. Bu, Türkiyə tarixində çox önəmli bir hadisə idi. Çevriliş gecəsində İstanbul səmasında görünən təyyarələr Türkiyə Cümhuriyyətinə qəsd edən xainlərin əlində türk millətinə qarşı istiqamətlənmiş ölüm maşına çevrilmiş, bunun nəticəsində 240 vətəndaşımız şəhid olmuşdu”.

Səfirin sözlərinə görə, Türkiyə Cümhuriyyəti uzun müddətdir ki, bu xain qruplaşma ilə mübarizə aparır. Fəqət iyulun 15-də həyata keçirilən çevriliş cəhdi dönüş nöqtəsinə çevrilib: “Çevriliş törətmək istəyənlər onlara qarşı olan müqaviməti əzmək üçün dövlətin bütün quruluşlarını bombalayardı. Ortaya çıxan video çəkilişlərdən məlum olur ki, xainlər bu addımları atarkən insanlıq adına heç nə düşünməyib, liderlərin aldıqları əmrləri həyata keçiriblər. Onlara insan demək mümkün deyil”.

Səfir bildirdi ki, 15 iyul Türkiyədə demokratiya baxımından böyük bir sınaq olub. Türk milləti həmin gün rəhbərinin arxasında durub və çevrilişçilərə qarşı böyük əzm göstərək həyatları bahasında demokratiyanı qoruyub saxlayıblar: "Vətəndaşlarımız tankların altında uzanaraq çevrilişçilərin qarşısını almağa çalışırdı. Onlar öz bədənlərini çevrilişçilərə sipər etmişdi. Düşünürəm ki, türk milləti 15 iyul imtahanını böyük bir müvəffəqiyyətlə keçib və 15 iyuldan sonra isə çevrilişçilər, FETÖ-çuları təmizləmək üçün hökumətə dəstək olub. 15 iyulu həyata keçirən xainlər özünü Məsih elan etmiş bir azğının arxasınca gediblər. Bu adam özünü peyğəmbər elan etməklə yanaşı Qurani Kərimin qalan əskiklərini özü yazdığını iddia edir. Və belə insanın arxasında gedənləri dövlətin, cəmiyyətin içindən təmizləmək vacibdir. 15 iyuldan əvvəl bu insanların təmizlənməsi istiqamətində görülən işlər 15 iyuldan sonra da böyük bir qərarlılıqla davam edib. Həmin gün 250 nəfər şəhid olub və 2000 nəfər vətəndaşımız yaralanıb".

Erkan Özoral hesab edir ki, Türkiyənin terrorla mübarizəsi keçən bir ildə də əzmlə davam etdirilib. Belə ki, çevriliş cəhdindən 45 gün sonra Türkiyə ordusu sərhədin hər tərəfindən Türkiyəyə təhlükə olan hədəflərə qarşı Azad Suriya Ordusu ilə birlikdə əməliyyata başlayıb və bu əməliyyat Əl-Baba qədər davam edib.

Səfirin sözlərinə görə, bu bir ildə Türkiyədə baş verən terror hadisələrinin sayında böyük bir azalma müşahidə olunub. Bu müddətdə çox sayda terrorçu zərərsizləşdirilib. Bu da dövlətin içində olan təşkilat mənsublarının azalması ilə reallaşıb. Səfirin qeyd edib ki, FETÖ mənsubları təkcə Türkiyədə deyil, öz əməllərini reallaşdıra bilmək üçün dünyanın hər yerində aktivdir: "Türkiyə Cümhuriyyətinin FETO ilə mübarizəsi təkcə Türkiyə sərhədləri çərçivəsində deyil. Eyni zamanda başqa ölkələrdə də FETÖ təşkilatına qarşı aktiv bir mübarizə aparılır. FETÖ ilə mübarizədə Azərbaycan tərəfi hər zaman dəstək olub. Çevriliş gecəsində Azərbaycan Prezidenti İlham Əliyev Türkiyə Prezidentinə zəng edib maraqlanan, dəstək olduğunu bildirən liderlərdən olub. Azərbaycan Türkiyəyə hər zaman dəstək olub və bundan sonra da olacağına heç bir şübhəm yoxdur. Türkiyənin gücü Azərbaycanın, Azərbaycanın gücü Türkiyənin gücüdür. Biz terrorla mübarizədə Azərbaycanı hər zaman yanımızda hiss etmişik. Amma təəssüf olsun ki, bütün ölkələr Azərbaycan kimi davranmır. Bu gün bir çox ölkələr FETÖ mənsublarına qucaq açır. Onlar üçün təhlükəsiz bir sığınacaq yaradır. Ancaq bütün dünyanın görməsi lazım olan bir reallıq var ki, heç bir ölkə terrordan sığortalanmayıb. Təəssüf ki, bir çox ölkələr bizə dəstək vermir. Biz terrordan əziyyət çəkən bir ölkəyik, övladlarımızı terrora qurban verən bir xalqıq. Və bizə dəstək verməyən ölkələrdən də dəstək gözləyirik".

ABŞ Konqresi
© AP Photo / Alex Brandon

Erkan Özoralın fikrincə, FETÖ bu günə qədər dünyada görünməmiş təşkilatlanma nümayiş etdirib. Bir dövlətin içində təşkilatlanıb, dövləti içlindən yeməyə başlayıb və dövlətin imkanları ilə bu dövləti yıxmağa çalışıb: “FETÖ bunu olduğu bütün ölkələrdə edir. FETÖ-nun məqsədi təkcə Türkiyə deyil, bütün dünyanın rəhbəri olmaqdır. Bu səbəblə də bu təhlükəni hər kəs anlamalı və mübarizə aparmalıdır. O gecə qazi olanlardan biri Azərbaycanda yaşayır, o gecə şəhid olanlardan biri Azərbaycanda yaşayırdı və həyat yoldaşı da azərbaycanlı idi”.

Səfir bildirdi ki, təşkilatın rəhbərinin Türkiyəyə qaytarılması ilə bağlı müzakirələr davam etsə də, təəssüf ki, hələ bir nəticə verməyib. Amma bu mövzuda danışıqlar gedir.

Sonra səfir qeyd etdi ki, 15 iyul hadisələrindən sonra 140 min insan saxlanılıb və onlardan 45 minə yaxını həbs edilib.

63
Teqlər:
Erkan Özoral, FETÖ, Türkiyə, çevriliş, Azərbaycan, səfir
Əlaqədar
Türkiyədə növbəti FETÖ "zəlzələsi"
"Hakan Şükür hələ də FETÖ-yə bağlıdır"
"FETÖ işi" çərçivəsində daha 121 nəfər həbs edildi
Hakan Şükür FETÖ-yə lənət oxudu
Azərbaycan siyasətində FETÖ izləri
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

19
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

19
Kişi qadına telefonda yazışmanı göstərir, arxiv şəkli

Qısqanc ər arvadını öldürdü - Daha bir dəhşətli qətl

12
(Yenilənib 23:38 23.01.2021)
1969-cu il təvəllüdlü Mirzəyev Qədirağa Ağasən oğlunun qısqanclıq zəminində aralarında yaranmış mübahisə zamanı dəmir alətlə Yemən Mirzəyevanın baş nahiyəsinə xəsarətlər yetirərək onu qəsdən öldürməsinə əsaslı şübhələr müəyyən edilib.

BAKI, 23 yanvar — Sputnik. Yanvarın 22-də saat 14 radələrində Cəlilabad rayonu, Uzuntəpə kənd sakini 1967-ci il təvəllüdlü Mirzəyeva Yemən Əlisahib qızının öldürülməsi barədə rayon prokurorluğuna məlumat daxil olub. Cəlilabad rayon prokurorluğundan Sputnik Azərbaycan-a verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, o cümlədən digər təxirəsalınmaz hərəkətlər yerinə yetirilib. Aparılmış araşdırmalarla zərərçəkmişin əri 1969-cu il təvəllüdlü Mirzəyev Qədirağa Ağasən oğlunun qısqanclıq zəminində aralarında yaranmış mübahisə zamanı dəmir alətlə Yemən Mirzəyevanın baş nahiyəsinə xəsarətlər yetirərək onu qəsdən öldürməsinə əsaslı şübhələr müəyyən edilib.

Faktla bağlı Cəlilabad rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

Qədirağa Mirzəyev şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

12
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0