Sputnik Azərbaycan-ın rəhbəri Əziz Əliyev albomu Prezident kitabxanasının direktoru Mail Əhmədova təqdim edir

İlham Əliyevin Sputnik-ə müsahibəsini əks etdirən albom Prezident Kitabxanasında

118
(Yenilənib 16:34 14.04.2017)
Prezident İlham Əliyevin Sputnik-ə müsahibəsi barədə nəşr edilmiş albom-soraqça Əziz Əliyev tərəfindən Prezident kitabxanasının direktoru Mail Əhmədova təqdim olunub

BAKI, 14 apr – Sputnik. 2016-cı ilin oktyabrında Azərbaycan prezidenti İlham Əliyev məşhur Rusiya jurnalisti, “Rossiya seqodnya” Beynəlxalq İnformasiya Agentliyinin baş direktoru Dmitri Kiselyova eksklüziv müsahibə verib. 

Sputnik Azərbaycan-ın rəhbəri Əziz Əliyev albomu Prezident kitabxanasının direktoru Mail Əhmədova təqdim edir
© Sputnik / Murad Orujov
Sputnik Azərbaycan-ın rəhbəri Əziz Əliyev albomu Prezident kitabxanasının direktoru Mail Əhmədova təqdim edir

Azərbaycan prezidentinin Sputnik Azərbaycan-ın suallarını cavablandırdığı bu müsahibə yerli və xarici KİV-lərdə geniş işıqlandırılıb. 17-23 oktyabr tarixlərində bu müsahibədən qaynaqlanaraq 236 məqalə, həmçinin Rusiya, Türkiyə, İran və Böyük Britaniyanın böyük informasiya agentliklərində və telekanallarında materiallar yayımlanıb.

Sputnik Azərbaycan-ın sözügedən müsahibəsinin nəticələrinə əsasən, özündə bu müsahibənin dünya KİV-də yayımına dair statistik məlumatları əks etdirən albom-soraqça buraxılıb. Soraqça Moskvada məhdud tirajla dərc edilib.

Prezident İlham Əliyevin “Rossiya Seqodnya” Beynəlxalq İnformasiya Agentliyinin baş direktoru Dmitri Kiselyova verdiyi müsahibənin nəticələrinə əsasən hazırlanmış albom-soraqça
© Sputnik / Murad Orujov
Prezident İlham Əliyevin “Rossiya Seqodnya” Beynəlxalq İnformasiya Agentliyinin baş direktoru Dmitri Kiselyova verdiyi müsahibənin nəticələrinə əsasən hazırlanmış albom-soraqça

Albom Sputnik Azərbaycan-ın rəhbəri Əziz Əliyev tərəfindən təntənəli şəkildə Prezident kitabxanasının direktoru Mail Əhmədova təqdim olunub. Görüşdə Əziz Əliyev albom və orada toplanmış materiallardan söz açıb. Öz növbəsində, Mail Əhmədov bildirib ki, bu nəşr kitabxananın fondunda layiqli yerini tutacaq.

118
Teqlər:
Prezident İlham Əliyevin Sputnik-ə müsahibəsi, Prezident kitabxanası, Rossiya seqodnya” Beynəlxalq İnformasiya Agentliyi, Mail Əhmədov, Dmitri Kiselyov, Azərbaycan prezidenti İlham Əliyev, Əziz Əliyev, İran, Rusiya, Böyük Britaniya, Türkiyə
Əlaqədar
Fikrət Sadıxov: İlham Əliyev Sputnik-ə müsahibəsində çox mühüm məsələlərə toxunub
Azərbaycan Prezidenti Sputnik-in fəaliyyətindən məmnundur
İlham Əliyev Sputnik-in suallarını cavablandırıb
Yanğınsöndürənlər, arxiv şəkli

Zavodun tavanı ailələrin başına uçdu, maşınlar partladı - Xırdalanda qorxunc olay

4
Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib

BAKI, 29 noyabr - Sputnik. Xırdalanda məcburi köçkünlərin müvəqqəti məskunlaşma yerində baş vermiş uçqunla bağlı məlumat yayılıb.

Qaçqınların və Məcburi Köçkünlərin İşləri üzrə Dövlət Komitəsi mətbuat xidmətindən verilən məlumata görə, noyabrın 28-də Abşeron rayonunu, Xırdalan şəhərində keçmiş Yüngül Konstruksiyalar Zavodunda uçqun baş verib.

Hadisə ilə bağlı məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin aidiyyəti şöbəsinin və yerli sektorunun nümayəndələri orada olub, ailələrin vəziyyəti ilə tanış olublar.

Yanğın baş verən ünvanda yaşayan 9 məcburi köçkün ailəsi müvəqqəti məskunlaşıb. Hadisə nəticəsində ölən və xəsarət alan olmayıb.

İlkin ehtimala görə, hadisə yağış sularının təsiri nəticəsində meydana gəlib. Belə ki, keçmiş zavodun beton tavanı uçaraq Kəlbəcər rayonundan məcburi köçkün Verdiyev Seymur Dilqəm oğluna məxsus "Mitsubishi" və Laçın rayonundan məcburi köçkün Məmmədov Taleh Zahid oğluna məxsus "Volkswagen" markalı iki avtomobilin üzərinə dağılıb. Nəticədə avtomobillərdə yanğınla müşahidə olunan partlayış baş verib. Yanğın dərhal söndürülüb.

Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib.

Hazırda FHN-in mütəxəssisləri tərəfindən hadisənin başvermə səbəbləri araşdırılır.

Araşdırmadan sonra yekun rəy veriləcək. Rəy əsasında müvafiq hüquqi addımlar atılacaq.

4
Teqlər:
yanğın, partlayış, avtomobil, məcburi köçkünlər, bina, zavod, Xırdalan
Qax rayonundakı Kürmük məbədi

Müsəlmanlarla xristianların birgə ibadət etdikləri məkan - VİDEO

15
(Yenilənib 15:24 29.11.2020)
Məbədgahı müsəlmanlarla bərabər, xristianlar da eyni gündə ziyarət edirlər. Dini etiqadlarından asılı olmayaraq, vaxtilə əcdadlarının müqəddəs saydığı bu yeri ziyarət etməklə, hər kəs öz arzularının yerinə yetirilməsini diləyir və hərə öz dilində Allaha dualar edir

BAKI, 29 noyabr — Sputnik. Kürmük məbədi Azərbaycanın Qax rayonu ərazisində vaxtilə mövcud olmuş qədim alban məbədinin (I-III əsrlərdə) qalıqları üzərində XIX əsrdə inşa edilib.

Sputnik Azərbaycan xəbər verir ki, Mədəniyyət Nazirliyi "Xristian irsimizi tanıyaq" layihəsi çərçivəsində Kürmük məbədi haqqında qısa videoçarx hazırlayıb.

Məlumat üçün bildirək ki, sözügedən məbədgahı müsəlmanlarla bərabər, xristianlar da eyni gündə ziyarət edirlər. Dini etiqadlarından asılı olmayaraq, vaxtilə əcdadlarının müqəddəs saydığı bu yeri ziyarət etməklə, hər kəs öz arzularının yerinə yetirilməsini diləyir və hərə öz dilində Allaha dualar edir.

Burada maraqlı cəhətlərdən biri də odur ki, "Kürmük oba" bayramında xristian zəvvarlar da İslam dininin haram buyurduğu donuz ətindən imtina edirlər.

15
Teqlər:
ibadətgah, ibadət, xristianlar, müsəlmanlar, "Kürmük oba" bayramı, Kürmük məbədi, Qax, Azərbaycan
Mövzu:
Azərbaycanın görməli yerləri, turizm obyektləri