Milli Məclis

Milli Məclisdə narazılıq: "Rus icmasının da sənədlərində nöqsanlar var"

4801
Ümumrusiya Azərbaycan Konqresinin bağlanma ehtimalı deputatların etirazına səbəb olub

BAKI, 7 apr — Sputnik. "Ümumrusiya Azərbaycan Konqresi zamanında ulu öndər Heydər Əliyevin və Rusiya prezidenti Vladimir Putinin təşəbbüsü ilə yaradılıb. ÜAK ən yaxşı diaspor nümayəndələrini özündə birləşdirən təşkilatdır".

Sputnik Azərbaycan xəbər verir ki, bunu Milli Məclisin Hüquq siyasəti və dövlət quruculuğu komitəsinin sədri, Azərbaycan-Rusiya parlamentlərarası əlaqələr üzrə işçi qrupun rəhbəri Əli Hüseynli parlamentin plenar iclasında deyib. O bildirib ki, Azərbaycan — Rusiya əlaqələri strateji mütəffiqlik səviyyəsinə yüksəlib.

"Əməkdaşlığımız səmimi xarakter daşıyır. Rusiya Ədliyyə Nazirliyinin ÜAK-ın ləğvi ilə bağlı müraciəti bizdə təəssüf doğurur" — Ə. Hüseynli vurğulayıb.

Deputatın sözlərinə görə, bu təşkilat dostluq münasibətlərimizdə körpü rolunu oynayır: "Təşkilatın ləğv olunması ən son tədbirdir. Əgər araşdırsaq, rus icmasının da sənədlərində nöqsanlar var. Rusiya ictimaiyyəti bilməlidir ki, ÜAK bizi ciddi narahat edən məsələdir".

"Azərbaycandakı rus icmasının sənədlərində də çatışmazlıqlar var. Buna baxmayaraq, bizim tərəfdən heç vaxt ləğvetmə ilə bağlı məsələ qaldırılmayıb. Çünki bu, hüquqi sistemdə ən sonuncu addımdır" — millət vəkili əlavə edib.

Əli Hüseynli Ümumrusiya Azərbaycan Konqresinin bağlanması təklifi ilə əlaqədar Rusiya Ədliyyə Nazirliyinə və İnzibati Məhkəməsinə müraciət edilməsini təklif edib. Parlament sədri Oqtay Əsədov Ə. Hüseynlinin təklifini dəstəkləyib.

"Ümumrusiya Azərbaycan Konqresinin bağlanması bizim üçün yaxşı olmayan vəziyyətdir" — deyə, Azərbaycandakı rus icmasının rəhbəri, millət vəkili Mixail Zabelin də narahatlığını dilə gətirib.

Azərbaycanda rus icmasının olduqca rahat fəaliyyət göstərdiyini deyən M. Zabelin bildirib ki, ÜAK-ın fəaliyyəti də həmişə qanunauyğun olub: "Rusiya Dövlət Dumasının deputatları ilə əlaqə saxlamışam. Bu məsələ bizi ciddi narahat edir".

Millət vəkili ümidvar olduğunu bildirib ki, məhkəmə ÜAK-ın bağlanmasına dair qərar verməyəcək və məsələ azərbaycanlıların xeyrinə nəticələnəcək.

Milli Məclisin sədri Oqtay Əsədov deyib ki, Cənubi Qafqazda ən böyük rus icması Azərbaycanda yaşayır: "Cənab Zabelin, siz məktubla Rusiya Ədliyyə Nazirliyinə müraciət edin və bunu onlara bildirin. İmkan verməyək ki, pis qüvvələr yaxşı qüvvələrə qalib gəlsin".

M. Zabelin isə xatırladıb ki, artıq müraciət hazırlanıb və göndərilib. O, əmin olduğunu bildirib ki, bu, nəzərə alınacaq.

4801
Teqlər:
Əli Hüseynli, ÜAK, Ümumrusiya Azərbaycan Konqresi, Mixail Zabelin, Oqtay Əsədov, Ədliyyə Nazirliyi, Milli Məclis, Rusiya, parlament, Azərbaycan
Əlaqədar
Azərbaycan Prezidenti rusiyalı qubernatoru qəbul edib
Azərbaycan-Rusiya birgə beynəlxalq qrant müsabiqəsi elan olunub
Azərbaycan prezidenti rusiyalı həmkarına başsağlığı verib
Azərbaycan Prezidenti Rusiya Baş nazirinin müavinini qəbul edib
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Ermənistanın müharibə cinayətlərinə üsyan etdi

42
(Yenilənib 23:55 27.10.2020)
"Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?"

BAKI, 27 oktyabr - Sputnik. "Bu gün Ermənistan silahlı qüvvələri döyüş əməliyyatları zonasından kənarda yerləşən Bərdə şəhərini raket atəşinə məruz qoyaraq humanitar atəşkəs rejiminin şərtlərini növbəti dəfə kobud şəkildə pozublar. “Smerç” qurğusundan buraxılmış kasetli raketlərlə atəş nəticəsində dörd mülki şəxs, o cümlədən yeddi yaşlı qız həlak olub. Dördü uşaq olmaqla on dörd nəfər ciddi xəsarət alıb".

Sputnik Azərbaycan bildirir ki, bu barədə Azərbaycanın Birinci vitse-prezidenti Mehriban Əliyeva sosial şəbəkədəki heabında yazıb.

Посмотреть эту публикацию в Instagram

Публикация от Mehriban Aliyeva (@firstvicepresidentazerbaijan)

"Silahlı münaqişələr zamanı mülki şəxslərin qətlə yetirilməsi 1949-cu il Cenevrə Konvensiyalarının və bütövlükdə beynəlxalq humanitar hüquq normalarının ən kobud şəkildə pozulması deməkdir.
Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?
Həlak olanların doğmalarına və yaxınlarına dərin hüznlə başsağlığı verirəm, yaralananların tezliklə sağalmalarını arzulayıram.
Biz öz torpağımızı təcavüzkarlardan azad edəcəyik və bu cinayətlərə son qoyacağıq.
Uca Tanrı Vətənimizi qorusun!" - paylaşımda deyilir.

42
Teqlər:
Atəşkəsin pozulması, ölənlər və yaralılar, dinc sakinlər, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Bərdədə erməni təxribatından ölənlərdən biri 7 yaşlı uşaqdır - FOTO
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Ermənilərin Bərdəni atəşə tutması nəticəsində ölənlərin sayı artdı
 Əldə manat, arxiv şəkli

Nazirlik gecikdirilən pulları məcburən ödətdirdi

15
Ödənilən vəsaitin 172,8 min manatı əmək haqları, qalan hissəsi işəgötürənlər tərəfindən ödənilməli olan sosial müavinət və kompensasiyalar, eləcə də zərərə görə ödənclər olub

BAKI, 27 oktyabr — Sputnik. Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən yanvar-sentyabr aylarında vətəndaş müracətlərinin araşdırılması zamanı işəgötürənlər tərəfindən 180 min manata yaxın məbləğdə sosial xarakterli ödənişlərin işçilərə ödənilməsinin gecikdirildiyi müəyyən olunub. Nazirlikdən Sputnik Azərbaycan-a verilən məlumata görə, görülən tədbirlər nəticəsində həmin vəsaitin işəgötürənlər tərəfindən işçilərə ödənilməsi təmin edilib.

Ödənilən vəsaitin 172,8 min manatı əmək haqları, qalan hissəsi işəgötürənlər tərəfindən ödənilməli olan sosial müavinət və kompensasiyalar, eləcə də zərərə görə ödənclər olub.

Həmçinin əmək müqavilələrinə qanunvericiliyin tələblərinə zidd olaraq, habelə ciddi səbəblər olmadan xitam verilməsi halları ilə əlaqədar müvafiq işəgötürənlərlə sosial dialoq qurulub. Onlarla müvafiq izahat işləri aparılıb, həmçinin sosial məsuliyyət prinsiplərinin yüksək tutulması, məşğulluq məsələlərinə həssaslıqla yanaşılması tövsiyə olunub. Bu sahədə görülən tədbirlər nəticəsində Dövlət Əmək Müfəttişliyi Xidməti cari ildə əmək müqaviləsinə xitam verilmiş 700-dən çox işçinin yenidən işinə bərpasını da təmin edib.

15