Şəhid  Zülfü Qədimovun dəfn mərasimi

Şəhid Zülfü Qədimov dəfn edildi

408
(Yenilənib 17:21 28.02.2017)
Dəfn mərasimindən sonra tabutun üzərinə salınmış üç rəngli bayraq şəhidin atası Rəhim Qədimova təqdim olunub

Ramil İbrahimov, Sputnik Azərbaycan

Ermənistan silahlı birləşmələrinin fevral ayında cəbhə xəttində törətdiyi təxribat nəticəsində şəhid olan əsgərlərdən biri də əslən Ağdamdan olan Zülfü Qədimovdur. 

Şəhidlə vida mərasimi
© Sputnik / Ramil Ibrahimov
Şəhidlə vida mərasimi Beyləqanın Bolsulu kəndində keçirilib

Şəhidlə vida mərasimi bu gün Qədimovalar ailəsinin məskunlaşdığı Beyləqanın Bolsulu kəndində baş tutub. Mərasimdə şəhidin yaxınlraı, rayon sakinləri, döyüş yoldaşları, Beyləqan və Ağdam rayonunun rəsmiləri iştirak edib. Baş çavuş Zülfü Qədimovun tabutu döyüş yoldaşlarının çiynində Beyləqan rayon şəhidlər məzarlığına gətirilib. Dəfn mərasimindən sonra tabutun üzərinə salınmış üç rəngli bayraq şəhidin atası Rəhim Qədimova təqdim olunub. 

Şəhid Zülfü Qədimovla vida mərasimi
© Sputnik / Ramil Ibrahimov
Şəhid Zülfü Qədimovla vida mərasimi

“Zülfü uşaq yaşlarından vətənpərvərlik ruhunda böyüyüb. Arzusu hərbçi olmaq olub həmişə. Mən də, yerdə qalan üç oğlum da bu gün silaha sarılmağa hazırıq" — şəhidin atası Rəhim Qədimov bildirib. 

Şəhidə hörmət əlaməti olaraq dəfn mərasiminin sonunda havaya yaylım atəşi açılıb.

408
Teqlər:
Rəhim Qədimov, Zülfü Qədimov, Beyləqanın Bolsulu kəndi, Ağdam
Mövzu:
Qarabağda yeni döyüşlər (16)
Əlaqədar
Azərbaycan Silahlı Qüvvələri şəhid verdi
Müdafiə Nazirliyi adları açıqladı: beş şəhidimiz var
Xocalı şəhidləri Parisdə yad edilib
COVİD-19 xəstəsi, arxiv şəkli

Qubada yaşadıqları evi qanunsuz olaraq tərk edən koronavirus xəstələri aşkarlandı

1
(Yenilənib 13:30 27.11.2020)
Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.

BAKI, 27 noyabr — Sputnik. Quba Rayon Polis Şöbəsinin əməkdaşları rayon ərazisində qurulmuş karantin postunda xidmət aparan zaman yaşadığı evi qanunsuz olaraq tərk edən koronavirus xəstəsi aşkarlayıblar.

Sputnik Azərbaycan DİN-in Mətbuat Xidmətinin Quba regional qrupundan verilən məlumata istinadla xəbər verir ki, araşdırmalarla həmin şəxsin rayonun Amsar kənd sakini Süleyman Mütəllimov olduğu müəyyən edilib.

Onun koronavirus testinin nəticəsi pozitiv olduğuna görə, ev şəraitində müalicə təyin edilsə də, ancaq S.Mütəllimov qaydaları pozaraq Qusar rayonuna getmək istəyib.

Dərhal həmin əraziyə həkim briqadası dəvət edilib və təcili tibbi yardım avtomobili ilə S.Mütəllimov yaşadığı ünvana geri qaytarılıb.

Gün ərzində şöbə əməkdaşları karantin postunda xidmət aparan zaman yaşadığı evi qanunsuz olaraq tərk edən daha iki şəxsi də aşkarlayıblar. COVID-19 infeksiyasına yoluxduğunu bilərək özünütəcrid qaydalarına riayət etməyən Şabran rayon sakini İlyas İsaqov və Bakı şəhər sakini Gülnaz Bağırova Quba rayonuna daxil olmaq istəyən zaman polis əməkdaşları tərəfindən saxlanılıblar.

Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.

Qeyd edilən faktla bağlı Quba RPŞ-də araşdırmalar aparılır.

1
YPX avtomobili, arxiv şəkli

DYP sürücülərə xəbərdarlıq etdi

6
Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır.

BAKI, 27 noyabr — Sputnik. Baş Dövlət Yol Polisi İdarəsi texniki baxışla bağlı sürücülərə müraciət edib. Sputnik Azərbaycan Daxili İşlər Nazirliyinin Baş Dövlət Yol Polisi İdarəsinin məlumatına istinadla xəbər verir ki, texniki baxışdan keçmə müddətinin bitməsi ilə bağlı SMS məlumat almış şəxslər istifadələrində olan nəqliyyat vasitələrini texniki baxışdan keçirmək üçün Bakı, Sumqayıt və Abşeron rayonu ərazisində yaşayan sakinlər paytaxtın Sabunçu rayonu ərazisində yerləşən Texniki Müayinə Mərkəzi, Sumqayıt Regional qeydiyyat-imtahan və texniki baxış şöbəsi ilə yanaşı paytaxtın Qaradağ rayonunun Lökbatan dairəsindən Yeni Yasamal yaşayış massivinə gedən yolun 2-ci kilometrliyində yerləşən (Sədərək Ticatət Mərkəzinin yanı) yeni istifadəyə verilmiş və müаsir аvadаnlıq və ölçü cihаzlаrı ilə təchiz edilmiş Müayinə Mərkəzində, respublikanın digər şəhər və rayon sakinləri isə yaşadıqları ərazinin aid olduğu Baş DYP İdarəsinin Regional qeydiyyat-imtahan və texniki baxış şöbələrində nəqliyyat vasitələrini texniki baxışa təqdim etməlidirlər.

Nəqliyyat vasitəsinin texniki sazlığının yol hərəkəti təhlükəsizliyinə bilavasitə təsirini nəzərə alaraq, DİN Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır və bu xətaya yol vermiş şəxslər Azərbaycan Respublikası İnzibati Xətalar Məcəlləsinin 339.1-1-ci ilə inzibati məsuliyyət daşıyırlar.

6
Teqlər:
Daxili İşlər Nazirliyi, Abşeron rayonu, Sumqayıt, DYP